Ресторанда тамактанып жаткан кыз-жигит. Архив

Кымбат тамак алып жигиттин айласын кетирбе! Алгачкы жолугушуунун этикети

704
(жаңыланган 10:30 29.07.2019)
Кымбат ресторан, ичтеги сырды төгүп салуу жана өбүшүү... Мындай нерселер кыз-жигиттин алгачкы жолугушуусунда болбошу керек.

Себебин этикет мугалими Нуржан Исмаилова түшүндүрүп берди. Анын айтымында, алгачкы жолугушуу — бул жаңы тоңгон, жука муздун үстүнөн баскандай. Өзүңө жаккан адам менен мамилени андан ары улайм десең, ар бир кадамды өзгөчө кылдаттык менен таштоо керек.

Төмөндө сүйүү мамилесин курууга жаңы бел байлаган жаштарга бир нече кеңеш айтылат.

Сен десем болобу?

Жүрүм-турум этикети боюнча кишилер жаңы мамиле кура баштаганда "сенге" өтүү сунушун жашы улуу адам киргизиши керек. Ал эми сүйүү мамилесине келгенде бул демилгени өз колуна ар дайым жигиттин алганы жакшы.

Кыз кечиксе болот, бирок...

Алгачкы жолугушууга кыз киши бир аз кечигип калса эч нерсе эмес. Аны түшүнүш керек, назданат, каадаланат дегендей. Кыз ошонусу менен баалуу да. Бирок кечигет десе эле жай-баракат жүрө берген болбойт. Эң көп дегенде 15 мүнөт. Андан ашык кечигүү — башканын убактысын сыйлабай турганынан кабар берет.

Ресторан

Кызды алгачкы жолугушууда өтө кымбат ресторанга чакырбай эле койгон оң. Анткени ал жакка ылайык келчү адеми кийим-кече, туфли жана чач жасалгасы болушу керек. Бул нерсенин баары ансыз дагы тартынып турган кызды ого бетер ыңгайсыз кылат. Анүстүнө алгачкы жолу бирге болуп, жагынгың келип турган адамдын жанында тамак жегенден уялгандар дагы бар.

Эгер болбой эле тамактануу жайына барууну чечсеңер, акчасын толугу менен жигиттин төлөгөнү туура. Ошол эле учурда кыз оголе кымбат же көп тамак заказ бербеши керек. Биринчиден, жаш жигиттерде кыз киши тамакты чымчыктай болуп аз жейт деген түшүнүк бар. Анын романтикалуу пикирин бузбай туруу керек. Экинчиден, анын акчасы жетпей, ыңгайсыз абалда калышы ыктымал.

Гүл берүү керекпи?

Негизи биринчи жолугушууда жигит гүл көтөрүп келүүгө милдеттүү эмес. Бирок гүлдесте беришим керек деп чечсе, абалга жараша иш кылышы керек. Мисалы, жай-баракат отура турган жайга барса гүл эч кандай тоскоолдук жаратпайт. Ал эми сейилдеп же дагы башкача активдүү эс алуу боло турган болсо, гүлдү көтөрүп алып кыздын үйүнө барган туура. Анда кыз букетти кечке көтөрүп жүрбөй, үйүнө таштап коёт.

Телефонду таштагыла

Сүйүү мамилесин курам деп ниет кылып жаткан адамдын жанында телефонду тиктеп отурган жарабайт. Эгер чалуулар же билдирүүлөр келип калса, болушунча кыска жооп бергенге аракет кылыңыз.

"Кооптуу" темалар

Алгачкы жолугушууда сүйлөшпөй эле коё турган темалар бар. Мисалы, өлкөдө болуп жаткан терс көрүнүштөр же кырсыктар тууралуу ой толгоолор. Мындан тышкары, нике тууралуу сөздөр. Мисалы, нике маселеси айрым жигиттерди чочутушу мүмкүн. Биринчиден, алар эркиндигин чектегиси келбейт. Экинчиден, "максаты эптеп эле күйөөгө тийиш керек турбайбы" деген ойдо калат. Баса, бул күнү мурдагы сүйүү мамилелери, кыздар жана жигиттер тууралуу да сүйлөбөй эле койгон оң.

Кызды үйүнө жеткирүү керекпи?

Алгач жигит жеткирип коёюн деп сунушташы керек. Андан кийин бардыгы кыздын каалоосуна жараша. Же жигит жеткирет, же такси чакырып салып иет, же кыз өз алдынча кетет. Кандай болгон күндө дагы кийинчерээк телефон чалып, аман-эсен жеткенинен кабар алып коюу керек.

Өбүшүүгө болбойт!

Бул нерсе эч бир жакта жазылбаганы менен илгертен бери эле биринчи жолугушуунун алтын эрежеси катары айтылып келет. Аны карманбаган кыз-жигиттер бири-бирине жеңил ойлуу сезилип калышы мүмкүн. Өзгөчө бул нерсе кыздын беделине шек келтирет.

Эгер жакпай калса...

Жолугушкан адам жакпай калса, ошол жерден шарт бурулуп кетип калуу туура эмес. Бул экинчи адамдын шагын сындырып, комплекс пайда кылышы мүмкүн. Андыктан, жолугушуунун аягына чейин болуп, эртеси күнү гана телефон чалуу же мессенджер аркылуу жолуңар бир эмес экенин сылык-сыпаа түшүндүрүп койгула.

704
Белгилер:
мамиле, этикет, жолугушуу, кыз, жигит
Тема:
Өзүн алып жүрүүнүн эрежеси (40)
Тема боюнча
Чала тааныш адамдын мээсин чакпа! Мессенджер колдонуу этикети
Чай ичпей калдым деп таарынба... Өлгөнгө баруу этикети
Кыргызстандын жаранынын паспорту жана акча. Архив

Кыргызстанда ID-картанын баасы кымбаттайт. Себеби

5
2017-жылдан бери Мамкаттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

БИШКЕК, 13-авг. — Sputnik. Ушул жылдын 17-августунан тарта 2017-жылкы үлгүдөгү ID-картанын баасы кымбаттайт. Бул тууралуу Мамлекеттик каттоо кызматынан билдиришти.

Баанын жогорулашына акысыз бланктардын чыгарылбай калганы себеп болду.

Белгилей кетсек, 2017-жылдан бери Мамлекетти каттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

"Буга чейин Кореянын Эл аралык кызматташтык агенттиги (KOICA) грант иретинде 1,9 миллион даана бланк берген. Келишим боюнча келерки бланктарды акы төлөп алышыбыз керек. Бир бланктын баасы 206 сом", — деп айтылат билдирүүдө.

Калкты тейлөө борборуна эми телефон аркылуу кезекке туруп коюуга болот

Мындан улам алгачкы жолу паспорт алып жаткан жаран 470 сом (206 сом бланк, 241 сом персонификациялоо, 23 сом банк кызматтарына) төлөшү керек. Ал эми биринчи жолу шашылыш түрдө алып жаткандар 1260 сом (206 сом бланк, 516 сом персонификациялоо, 518 шашылыш түрдө документ даярдоо, 20 сом банк кыматтарына) бериши зарыл. Бул документ 8 күн ичинде даярдалат.

5
Белгилер:
баа, паспорт, Кыргызстан
Тема боюнча
Жоголгон айдоочулук күбөлүк менен номерди кайра алуунун шарттары өзгөрдү

Кечтеги жылдыздуу асман. Бишкектин четинен тартылган укмуштуудай 11 сүрөт

60
(жаңыланган 19:04 13.08.2020)
  • Бул Бишкектин четтен көрүнүшү. Жанынан көргөндө заңгырап турган имараттар минтип жалтырап гана элес калтырат
  • Кооз ирмемдерди тартып калуу үчүн кесиптешибиз Табылды Кадырбеков бир нече түн шаар сыртында болду
  • Сыйкырдуу сүрөттөр үчүн таланттан кийин эле техникалык жабдуу мыкты болуш керек
  • Фотографтын айтымында, жакшы штатив, камера жана аралыктан туруп башкарган пульт керек
  • Тоо менен асмандын сулуулугу ширелишип... Мындай сүрөттөрдү адатта фонго коюп алышат
  • Чарчаганда ушундай абасы таза, ээн талаага кетип калгың келет
  • Борбор калаанын абасы таза эместиги белгилүү, бирок бийлик коронавирус пандемиясынан бери ыш-түтүн азайып калганын айткан.
  • Анткен менен аба булгангандыгына байланыштуу айрым жылдыздар даана көрүнбөй калганын айта кетели.
  • Адистердин айтымында, жаратылышка чыгып, ага суктануу стресстен арылтат
  • Ошондой эле таза абада жүрүү ден соолукту чыңдайт
  • Эң негизгиси жылдыздуу асман менен жаратылыштын кооздугун көрө аласың
Sputnik Кыргызстан маалымат агенттигинин сүрөтчүсү борбор калаанын четине чыгып, түндөгү жылдыздуу асмандын көрүнүшүн тартып келди.

Борбор калаанын абасы таза эместиги белгилүү. Бирок бийлик коронавирус пандемиясынан бери ыш-түтүн азайып калганын айткан. Анткен менен аба булгангандыгына байланыштуу айрым жылдыздар даана көрүнбөй калганын айта кетели.

Эч ким көрө элек кадрлар. Кыргызстандын жапайы жаратылышы видеодо

Фотографтын айтымында, мындай сүрөттөрдү тартуу үчүн штатив, жакшы камера жана аралыктан туруп башкарган пульт керек.

60
  • Бул Бишкектин четтен көрүнүшү. Жанынан көргөндө заңгырап турган имараттар минтип жалтырап гана элес калтырат
    © Sputnik / Табылды Кадырбеков

    Бул Бишкектин четтен көрүнүшү. Жанынан көргөндө заңгырап турган имараттар минтип жалтырап гана элес калтырат

  • Кооз ирмемдерди тартып калуу үчүн кесиптешибиз Табылды Кадырбеков бир нече түн шаар сыртында болду
    © Sputnik / Табылды Кадырбеков

    Кооз ирмемдерди тартып калуу үчүн кесиптешибиз Табылды Кадырбеков бир нече түн шаар сыртында болду

  • Сыйкырдуу сүрөттөр үчүн таланттан кийин эле техникалык жабдуу мыкты болуш керек
    © Sputnik / Табылды Кадырбеков

    Сыйкырдуу сүрөттөр үчүн таланттан кийин эле техникалык жабдуу мыкты болуш керек

  • Фотографтын айтымында, жакшы штатив, камера жана аралыктан туруп башкарган пульт керек
    © Sputnik / Табылды Кадырбеков

    Фотографтын айтымында, жакшы штатив, камера жана аралыктан туруп башкарган пульт керек

  • Тоо менен асмандын сулуулугу ширелишип... Мындай сүрөттөрдү адатта фонго коюп алышат
    © Sputnik / Табылды Кадырбеков

    Тоо менен асмандын сулуулугу ширелишип... Мындай сүрөттөрдү адатта фонго коюп алышат

  • Чарчаганда ушундай абасы таза, ээн талаага кетип калгың келет
    © Sputnik / Табылды Кадырбеков

    Чарчаганда ушундай абасы таза, ээн талаага кетип калгың келет

  • Борбор калаанын абасы таза эместиги белгилүү, бирок бийлик коронавирус пандемиясынан бери ыш-түтүн азайып калганын айткан.
    © Sputnik / Табылды Кадырбеков

    Борбор калаанын абасы таза эместиги белгилүү, бирок бийлик коронавирус пандемиясынан бери ыш-түтүн азайып калганын айткан.

  • Анткен менен аба булгангандыгына байланыштуу айрым жылдыздар даана көрүнбөй калганын айта кетели.
    © Sputnik / Табылды Кадырбеков

    Анткен менен аба булгангандыгына байланыштуу айрым жылдыздар даана көрүнбөй калганын айта кетели.

  • Адистердин айтымында, жаратылышка чыгып, ага суктануу стресстен арылтат
    © Sputnik / Табылды Кадырбеков

    Адистердин айтымында, жаратылышка чыгып, ага суктануу стресстен арылтат

  • Ошондой эле таза абада жүрүү ден соолукту чыңдайт
    © Sputnik / Табылды Кадырбеков

    Ошондой эле таза абада жүрүү ден соолукту чыңдайт

  • Эң негизгиси жылдыздуу асман менен жаратылыштын кооздугун көрө аласың
    © Sputnik / Табылды Кадырбеков

    Эң негизгиси жылдыздуу асман менен жаратылыштын кооздугун көрө аласың

Белгилер:
жылдыз, асман, Сүрөт, Бишкек
Тема боюнча
Көркөмү көз талдырган талаа гүлдөрү. Бишкектин тегерегинен тартылган сүрөттөр