Мигранттар. Архив

Россияга кеткен тууган-туушкандар дайынсыз болуп жатса... Кайрылчу даректер

161
(жаңыланган 11:20 29.07.2019)
Кыргызстандын Россиядагы элчилиги жарандардын убактысы, каражаты жана ден соолугу текке кетпеш үчүн алдын ала бир катар даректерден маалымат алууну сунуштайт.

БИШКЕК, 29-июл. — Sputnik. Россияга чыгып жаткан кыргызстандыктар үчүн бул өлкөдөгү Кыргызстандын элчиси Аликбек Жекшенкулов кайрылуу таратканын РФтеги дипломатиялык өкүлчүлүгүнүн маалымат кызматынан кабарлашты.

Алгач элчи Россияга чыгууну пландап жаткан жарандарды өзүнүн "кара тизмеде" бар-жогун текшерип алууну сунуштайт.

"Россияга кирериңиз менен артка депортацияланып, убактыңызды жана акчаңызды текке кетирбеш үчүн билет аларда Мамлекеттик миграция кызматынын расмий сайтындагы "Миграционная амнистия 2019" деген бөлүмүндө жок экениңизди текшерип алыңыз. Эгерде "кара тизмеде" бар болсоңуз, Кыргызстандын Россиядагы элчисинин расмий блогуна www.elchi.ru кирип, онлайн түрүндө маалымат калтырыңыз. Сиздин статусуңузду тактоо жана "кара тизмеден" чыгаруу иштери үчүн паспортуңуздун электрондук көчүрмөсүн кошо салыңыз", — деп жазылат кайрылууда.

Мындан сырткары, Россияда жүргөн достор, туугандар жана жакындар байланышка чыкпай, дайынсыз болуп кетсе, www.elchi.ru расмий сайты аркылуу КРдин РФтеги элчисине жоголгон жаранды табууга жардам көрсөтүү өтүнүчү менен жеке кайрылсаңыз болот.

Ал үчүн жарандын толук аты-жөнү, сүрөтү, паспортунун көчүрмөсү, Россияга чыккан мезгили, акыркы турган же иштеген орду тууралуу маалыматтарды жазуу керек.

161
Белгилер:
жаран, элчилик, Аликбек Жекшенкулов, Россия
Тема боюнча
Соцтармактагы баракчаңды көрсөт! АКШ мигранттар үчүн шартты катаалдатты
Кыргызстанда активдүү мигранттар үчүн жайкы лагерь иш алып барат
Москвада кыргызстандык мигранттар мушташып, бири каза тапты
Оштун Кара-Суусунда мигранттар үчүн ресурстук борбор иштей баштады
Россиядагы мигранттар Ысык-Көлдүн айылдарын өнүктүрүү үчүн фонд түзүшөт
Мигранттар мекенге кам көрүп. Нарын жетекчилиги Москвада ишкерлер менен жолукту
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

335
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

335
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Тоолуу Маевка айылына жакын унаа жолу

Шейшембиге карата аба ырайы

51
(жаңыланган 21:11 06.07.2020)
Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу өрөөндөргө кар түшөт.

БИШКЕК, 6-июл. — Sputnik. 7-июль, шейшемби күнү, өлкө аймагы боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге дейре жетет.

Абанын температурасы Чүйдө+28…+33, Таласта +26…+31, Ош, Баткен жана Жалал-Абад облустарында +30…+35 жана Ысык-Көл менен Нарын жергесинде +22…+27 градус жылуу болот.

Ал эми Бишкек шаарында күндүн табы +30…+32, Ош калаасында +33…+35 градуска дейре көтөрүлсө, Чолпон-Атада термометрдин көрсөткүчү +23…+25 градуска чейин жетет.

51
Белгилер:
аба ырайы, Кыргызстан
Тема боюнча
Алдыда аптаптуу ысык болбойбу? Бир жумага карата аба ырайы