Вертолет летит в небе

Көлдө, тоодо ат минип, тик учакта учкандар. Депутаттар кантип эс алып жатат

2306
(жаңыланган 09:42 30.07.2019)
Жогорку Кеңештин депутаттары каникулга чыкканына бир ай болуп калды. Бул аралыкта айрым эл өкүлдөрү эс алуу учурундагы ирмемдерин эл менен бөлүшүүдө. Бири Көлдө жүрсө, экинчиси тоо койнунда же шар аккан суунун боюнда отурат. Чет өлкөдө эс алып жүргөндөрү да бар.

Бул материалда социалдык тармакка жүктөлгөн сүрөт, видеолор гана чогултулду. Калган депутаттардын каякта эс алып жүргөнү маалым эмес.

1. "Республика — Ата-Журт" фракциясынын лидери Жыргалбек Турускулов кесиптеши Таабалды Тиллаев менен чогуу Жумгалдын Окторкой жайлоосунда эс алып жүргөн сүрөттөрүн Facebook баракчасына жарыялады. Ал "Жайлоодогу эс алуу өзгөчө эргүү алып келет. Сиздерге жакшы эс алууну каалайм!" деп жазган. Мындан сырткары, эл өкүлү кымыз, бешбармак, каттама жана кабыргадан жасалып жаткан шишкебектин сүрөтүн жүктөгөн.

2. Парламенттеги активдүү депутаттардын бири Элвира Сурабалдиева кум үстүндө отурган сүрөтүн чыгарды. "Ысыкта кыйналгандардын ачуусуна тиет окшойм. Бул сүрөттү жылуу сөздөр менен белгилеп койгум келди" деп соцтармактагы досторуна ыраазычылыгын айткан. Эл өкүлүнүн сүрөтү жана жазгандары Ысык-Көлдө эс алып жүргөнүнөн кабар берет.

Посмотреть эту публикацию в Instagram

Публикация от Эльвира Сурабалдиева (@elvirasurab)

3. Ал эми "Бир Бол" фракциясынын лидери Алтынбек Сулайманов чакан тик учакка отуруп Кыргызстандын ажайып жаратылышын бийиктен тартып баракчасындагы досторуна көрсөткөн. Анын видеосу соцтармакта талкууга түшүп түрдүү пикир айтылды. Мындан улам ал кайра түшүндүрмө берди. 

Посмотреть эту публикацию в Instagram

Публикация от Алтынбек Сулайманов (@altynbek_sulaimanov)

"Айланайындар, мынча мерез болуп кеткенбиз! Бул тик учак бир жаңы жиптин акчасы, салмагы 300 килограмм, эки орундуу, саатына 15 литр бензин куят. Рахат байке бир саатка бекер эле айландырып келди, мен болгону жакшы ойдо өзүбүздүн жаратылышты жарнама кылгым келди", — деп кайрылган.

Посмотреть эту публикацию в Instagram

Публикация от Алтынбек Сулайманов (@altynbek_sulaimanov)

4. Вице-спикер Аида Касымалиева Чолпон-Атадагы ипподромдо ат минип эс алган. Сүрөттөн ээрде жылмайып жайдары отурган депутатты көрө аласыз.

5. Жаш депутат Жанар Акаев Ысык-Көлдүн Григорьевка жана Семеновка капчыгайларына барганын айтты. Ал балдары менен оң колуна куш кармап турган жана балык уулап жаткан сүрөттөрүн жүктөгөн.

Посмотреть эту публикацию в Instagram

Публикация от Janar Akaev (@janarakaev)

6. Жылдыз Мусабекова болсо төркүнүнө барып эс алган. Эл өкүлү Ат-Башынын Босого жайлоосунда болуп, шишкебек жасап жаткан ирмемдери менен бөлүшкөн. Ошондой эле ал сый көрсөткөн ага-эжекелерине ыраазычылыгын билдирген.

7. Исхак Пирматов болсо Facebook баракчасына АКШнын Монтана штатындагы Йеллоустоун паркында түшкөн сүрөттөрүн жарыялады. Бирок ал сүрөттөрдү чоочун көздөн жашырып достору гана көрө ала турган функцияга коюп койгон. Деген менен ал кадрларды башкалар көчүрүп алып "депутаттын эс алуусу керемет экен" деп өзүнүн баракчасына жүктөптүр.

8. Кыргызстандын тоолоруна чыгып эс алган депутаттарды көбүрөөк кездештирүүгө болот. "Ата Мекен" фракциясынын лидери Алмамбет Шыкмаматов Алай жана Чоң-Алай райондорунун тоолорунда жүргөнүн жазган. Ал ак мөңгүлүү аска-зоолордун алдында алакан жайып "Ата Мекен" фракциясынын жылдык отчетун берген.

Посмотреть эту публикацию в Instagram

Публикация от Шыкмаматов Алмамбет (@shykmamatovalmambet)

9. Ал эми Дастан Бекешев жар бооруна отуруп "Эми карасаңар, кандай кооз биздин жерибиз. Бул Барскоондогу шаркыратма, угуп, көрүп туралы!" деп сүйлөгон видеого.

Посмотреть эту публикацию в Instagram

Публикация от Dastan Bekeshev (@dastan_bekeshev)

10. "Өнүгүү — Прогресс" фракциясынын лидери Бакыт Төрөбаев да жаратылыштын койнунда жакындары менен кучакташып турган сүрөтүн жүктөгөн. Астында "Кызыл-Үңкүр айылындагы "Өнүгүү" дарагы. Таш жара турган күч" деп жазылган.

2306
Белгилер:
жаратылыш, каникул, эл, ат, Суу, тоо, эс алуу, депутат
Тема боюнча
"Атамдын жабыла турган конок үйүн эки турист кыз сактап калган". Гиддер менен маек
Ысык-Көлдө быйыл эс алуу канча турат? Пансионаттардын баасы жана картасы
Аттан кулаган, ылай болгон депутаттар. Аткаминерлер ойногон көк бөрүнүн видеосу
Кол чатыр көтөргөн аял. Архив

Жекшембиге карата аба ырайы

116
(жаңыланган 21:03 08.08.2020)
8-августтан 10-августка чейин күтүлүп жаткан туруксуз аба ырайына жана нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн.

БИШКЕК, 8-авг. — Sputnik. 9-август күнү, жекшембиде, республика боюнча жаан-чачын болуп, айрым аймактарда нөшөрлүү жамгыр жаашы күтүлөт. Батыштан соккон шамалдын ылдамдыгы секундасына 4-9 кээ бир райондордо 15-20 метрге жетет. Бул тууралуу Кыргызгидромет билдирди.

Абанын температурасы Чүйдө +27...+32, Талас өрөөнүндө +25...+30, Ош, Жалал-Абад жана Баткен облустарында +29…+34, Ысык-Көл аймагында +20...+25, Нарын жергесинде +21...+26 градус ысык болот.

Ал эми Бишкек, Ош жана Чолпон-Ата шаарларында жамгыр жаайт. Күндүн табы борбор калаада +30...+32, Ош шаарында +32 ...+34 градуска чейин көтөрүлсө, Чолпон-Атада +21...+23 градусту көрсөтүп турат.

116
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы
Кыргызстандын президенти Сооронбай Жээнбеков. Архив

Жээнбеков: ооруканалардын курулушуна 100 млн доллар салчу адамдар бар

93
Президент болуп жаткан аракеттер ишке ашса оор илдеттер менен жабыркаган кыргызстандыктар чет өлкөгө барбай эле өз өлкөсүндө дарылана тургандыгын айтты.

БИШКЕК, 8-авг. — Sputnik. Кыргызстанда жаңы типтеги, эң алдыңкы технология менен жабдылган ооруканалар курулат. Бул тууралуу президент Сооронбай Жээнбеков "Биринчи радиого" (КТРК) маек берип жатып билдирди.

Анын айтымында, медициналык мекемелер мамлекеттик-жеке өнөктөштүктүн негизинде салынат.

"Буга чейин мен айткандай облус борборлорунда жана башка шаарларда жаңы типтеги, бардык медициналык кызмат көргөзгөн ооруканалар болот. Биз бейтаптар шаардын бир башынан тиги бурчуна барбай, бир жерден эле бардык кызматтарды алса деп жатабыз. Андай ооруканалардын курулушуна 100 миллион доллар салууга даяр инвесторлор бар. Бул маселе менин көзөмөлүмдө", — деди өлкө башчы.

Өлкөнүн жети облусунда инфекциялык ооруканалар салына баштады. Тизме

Президент ошондой эле ал аракеттер ишке ашса оор илдеттер менен жабыркаган кыргызстандыктар чет өлкөгө барбай эле өз өлкөсүндө дарылана ала тургандыгын кошумчалады.

Эске сала кетсек, учурда өлкөнүн жети облусундагы ооруканалардын курулушу башталып, аларды бир же бир жарым айда бүткөрүү пландалып жатат.

93
Белгилер:
курулуш, оорукана, Сооронбай Жээнбеков, президент
Тема боюнча
Боронов: Ошто өпкөнү жасалма дем алдыруучу аппарат чыгарылат
Өлкөнүн банктары ооруканаларга 6 ИВЛ, 100 кычкылтек концентраторун алып берди
Бейрутта нааразычылык акциясы

Бейруттагы митингдер күч алды. Акыркы маалыматтар видеодо

0
(жаңыланган 00:44 09.08.2020)
Бийликке каршы митингге миңдеген адамдар катышууда. Алар өкмөттүн отставкасын жана чечкиндүү реформаларды талап кылууда. Айрым топтор полицияга таш ыргытып жатышат. Тартип сакчылары жооп катары көздөн жаш чыгаруучу газ чачууда.

БИШКЕК, 9-авг. — Sputnik. Бейрутта нааразычылык акциясына чыккандар бир нече министрликти басып алышты. Бул тууралуу РИА Новости жазды.

Бийликке каршы митингге миңдеген адамдар катышууда. Алар өкмөттүн отставкасын жана чечкиндүү реформаларды талап кылууда. Айрым топтор полицияга таш ыргытып жатышат. Тартип сакчылары жооп катары көздөн жаш чыгаруучу газ чачууда.

Буга чейин митингчилер ТИМдин имаратына кирип, артынан полиция барганы айтылган. Айрым маалыматтарга караганда, тартип сакчылары элди кууш үчүн ок чыгарган. Бирок расмий тараптар бул маалыматты төгүндөп жатат.

Жеринде тартылган видеолор RT Телеграм-каналында жана Твиттерде жарыяланып жатат.

Акыркы маалыматтарга караганда, жабыркагандардын саны 170ке жетти. Бир нечеси ооруканага жеткирилди.

Бейруттагы жарылуу: Жээнбеков Ливан президентине көңүл айтты

Ошондой эле бир полиция кызматкери өлгөнү маалым болду. Ал Le Grey мейманканасындагы кагылышууда жаракат алган.

Өлкөнүн премьер-министри Хассан Диабдын элге кайрылуусунда өкмөттүн эмки жыйынында мөөнөтүнөн эрте парламенттик шайлоо өткөрүүнү сунуштай турганын айтты. Анын пикиринде, ушул чечим гана өлкөнү кризистен куркарып кала алат.

​Эске салсак, 4-августта Ливандын борбору болгон Бейрут шаарындагы портто катуу жарылуу болгон.

0
Белгилер:
полиция, эл, митинг, жарылуу, Бейрут
Тема:
Бейруттагы жарылуу
Тема боюнча
Бейруттагы жарылуу төрт оорукананы талкалады. Жабыркагандар жардамга муктаж
Бейрутта ири жарылуудан кийин нааразычылык акциясы башталды. Видео