Эркек киши. Архивдик сурөт

Эми алимент төлөөдөн качкандардын сүрөтү жарыяланат

827
(жаңыланган 09:42 30.07.2019)
Тийиштүү мыйзам 10 күндөн кийин күчүнө кирет.

БИШКЕК, 29-июл. — Sputnik. Кыргызстанда алимент төлөөдөн баш тартып издөөдө жүргөндөрдүн сүрөтүн жана жеке маалыматтарын жарыялоо чечими кабыл алынды. Бул тууралуу президенттин басма сөз кызматы кабарлады.

Жогорку Кеңеш тарабынан 26-июнда кабыл алынган мыйзамга өлкө башчы Сооронбай Жээнбеков кол койгон. Ал өлкөдөгү эне жана баланы коргоого багытталганы айтылат.

Билдирүүгө ылайык, бул үчүн качып жүргөн алиментчилердин электрондук базасы түзүлмөкчү. Эгер ал таптырбай жүргөн болсо, үстүнөн жазылган арыздын негизинде анын сүрөтү менен маалыматтары Сот департаментинин сайтына жарыяланат.

Карызынан толук кутулгандан кийин сот аткаруучунун демилгеси менен аталган жаран тууралуу маалыматтар базадан өчүрүлөт.

Тийиштүү мыйзам 10 күндөн кийин күчүнө кирери белгилүү болду.

827
Белгилер:
карыз, Сүрөт, база, мыйзам, алименты
Тема боюнча
Кимиси баланын атасы экенин айтпаган эгиздердин экөө тең алимент төлөмөй болду
Шыкмаматов: алимент төлөөдө жоопкерчилик күчөтүлөт
Ала-Тоо аянты. Архив

Алдыда аптаптуу ысык болбойбу? Бир жумага карата аба ырайы

10
(жаңыланган 08:30 05.07.2020)
Синоптиктер жуманын башында өлкөнүн бир нече аймактарында жамгыр жаап, ортолоп калганда күндүн көзү ачыла турганын айтты.

БИШКЕК, 5-июл. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.

Ага ылайык, бул жумада борбор калаада күн ачык болот. Батыштан соккон шамалдын ылдамдыгы секундасына 4-9 метрден, 6-июлда 14 метрге жетет.

Чүй, Талас облустары

6-июлда Чүй облусунун көпчүлүк аймактарында, Талас облусунун кээ бир райондорунда жамгыр, тоолорго кар жаашы күтүлөт. Чүйдүн кээ бир айылдарында нөшөр болот.

7-июлда эки облуста тең күн ачык болот.

8-9-июль күндөрү тоо этектеринде жана тоолуу райондордо жамгыр жаайт, өрөөндөрдө күн ачык болору айтылат.

Ош, Жалал-Абад, Баткен облустары

6-7-июлда тоолуу региондордо жамгыр жааса, дыйканчылык аймактарында күн ачык болот.

8-июлда күндүз, 9-июлда түнкүсүн тоо этектеринде жамгыр жааса, өрөөндөрдө аба ырайы бузулбайт.

Ал эми 9-июлда күндүз Ош, Баткен облустарынын кээ бир райондорунда, Жалал-Абаддын тоолуу аймактарында жамгыр жаайт.

Июлда мээ кайнаткан ысык болобу? Аба ырайынын келерки айга божомолу

Ысык-Көл облусу

6-июлда көпчүлүк аймактарында жамгыр жаап, тоолорго кар түшүшү ыктымал.

7-июлда түнкүсүн кээ бир райондордо жамгыр жаап, күндүз аба ырайы ачык болот.

8-9-июлда кээ бир райондордо жамгыр, бийик тоолуу райондордо кар жаашы күтүлөт.

Нарын облусу

6-июлда көпчүлүк аймактарда жамгыр жаап, тоолорго кар түшөт. 7-8-июлда күн ачык болот, бирок 9-июлда күндүз көпчүлүк аймактарда жамгыр жаай турганын синоптиктер билдирди.

10-11-июль күндөрү өлкөнүн кээ бир райондорунда жамгыр жаайт, бирок негизинен абанын температурасы дээрлик өзгөрүлбөйт.

10
Белгилер:
Кыргызгидромет, Кыргызстан, аба ырайы
Тема боюнча
Дүйнөдө аба ырайы өзгөрүп, 50 жылда Сахара чөлүндөй ысыйт. Изилдөө
Жаңы конуштарда газ туташтыруунун акысын бөлүп төлөө каралууда
Чүй облусунун аймагында алты жерде күндүзгү стационарлар даярдалууда

Чүй облусунун алты жеринде күндүзгү стационар ачылууда

53
(жаңыланган 01:00 05.07.2020)
Күндүзгү стационарлар негизинен мектеп менен бала бакчалардын имараттарында же спорттук залдарында болору айтылды.

БИШКЕК, 5-июл. — Sputnik. Чүй облусунун аймагында алты жерде күндүзгү стационарлар даярдалууда. Бул тууралуу ӨКМдин маалымат кызматынан кабарлашты.

Бул аракет өлкө аймагында коронавирус илдетин жайылтпоо, алдын алуу жана ооруга чалдыккан жарандарга шарт түзүү максатында жасалып жатканы айтылды.

Алар алты райондун аймагында жайгашкан:

  • Сокулук районунун аймагында күндүзгү стационарга колдонууга 65 орун;
  • Жайыл районунун Кара-Балта шаарындагы Макаренко атындагы интернатында күндүзгү стационарга колдонууга 80 орун;
  • Москва районунда 150 орун;
  • Ысык-Ата районундагы "Родничок" балдар бакчасында күндүзгү стационарга колдонууга 30 орун;
  • Кемин районунун №19 Кесиптик лицейдин базасында 50 орун;
  • Чүй районунда Марков атындагы №1 орто мектебинин спорт залын күндүзгү стационарга колдонууга 40 орун даярдалууда.

Буга чейин да Бишкек шаарында төрт райондун аймагында стационарлар ачылып, алгачкылары бейтаптарды кабыл ала баштады.

Коронавирустун кесепетинен келип чыккан пневмония оорусуна март айынан бери 3009 адам чалдыкты. Бүгүнкү күндө анын 736сы айыгып чыкты. Ал эми 496 адамдын абалы оор, 153 бейтап жандандыруу бөлүмүндө жатат.

Өлкө аймагындагы соңку кабарлар менен биздин Telegram-каналдан таанышып туруңуз.

53
Белгилер:
коронавирус, ӨКМ, Чүй облусу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Боронов: Россияда иштеген кыргыз дарыгерлер жардамга даяр, учак менен алып келебиз