Жээнбеков гемодиализ кызматын көрсөткөн жеке медуюмдарды салыктан бошотту

© Sputnik / Алексей Мальгавко / Медиабанкка өтүүВ Омске открылся высокотехнологичный центр лечения патологии почек
В Омске открылся высокотехнологичный центр лечения патологии почек - Sputnik Кыргызстан
Жазылуу
Азыркы учурда 12 менчик медициналык уюмда 1336 бейтап гемодиализ кызматын колдонуп жатат.

БИШКЕК, 30-июл. — Sputnik. Президент Сооронбай Жээнбеков "Кыргыз Республикасынын Салык кодексине өзгөртүү киргизүү жөнүндө" мыйзамга кол койгонун өлкө башчынын маалымат кызматы билдирди.

Мыйзам Жогорку Кеңеш тарабынан 2019-жылдын 26-июнунда кабыл алынган.

Маалыматта аталган мыйзамдын негизинде Салык кодекси 2515-берене менен толукталды.

"Бөйрөктүн терминалдык баскычтагы (илдеттин IV стадиясы — ред.) өнөкөт жетишсиздиги бар адамдарга гемодиализ кызматын көрсөтүү берими кошумча нарк салыгынан бошотулат", — деп айтылат билдирүүдө.

Лечение острой и хронической почечной недостаточности в Бишкеке - Sputnik Кыргызстан
Гемодиализге Кыргызстандын канча акча коротору айтылды
Саламаттык сактоо министрлигинин маалыматы боюнча, азыркы учурда 12 менчик медициналык уюмда 1336 бейтап гемодиализ кызматын колдонуп жатат. Ошол эле учурда гемодиализ процедурасына муктаж болгон адамдардын саны көбөйүүдө.

КНС төлөөдө салык жеңилдиктерин берүү менчик медициналык уюмдарга гемодиализ аппараттарынын паркын, көмөкчү жабдууларды жаңылоого жана медициналык персоналдын квалификациясын жогорулатууга өбөлгө болот. Ошондой эле мамлекеттик медициналык мекемелерде адамдын өмүрү үчүн маанилүү болгон адистешкен медициналык жардам көрсөтүүгө муктаж болгондордун санын азайтууга мүмкүндүк берет.

Мыйзам расмий жарыяланган күндөн 15 күн өткөндөн кийин күчүнө кирмекчи.

Виджет news
Жаңылыктар түрмөгү
0