Кичинеке баланын сөлөкөтү. Архив

Бишкекте бакчадан качып кеткен 6 жашар бала түн ортосунда табылды

131
(жаңыланган 10:12 01.08.2019)
Бөбөктүн жоголуп кеткендиги тууралуу маалымат милицияга саат 19.20лар чамасында түшкөн.

БИШКЕК, 31-июл. — Sputnik. Бишкекте кечээ кечинде бала бакчадан качып кеткен алты жашар бөбөк түн ортосунда табылды. Бул тууралуу Бишкек милициясынын маалымат кызматынан билдиришти.

Белгилүү болгондой, бала тери завод аймагы жактагы бала бакчадан өз алдынча чыгып кеткен. Бөбөктүн жоголуп кеткендиги тууралуу маалымат милицияга саат 19.20лар чамасында түшкөн. Аны туугандары дагы издеп, социалдык тармакта маалымат тараган.

Бирок издөөдөн түн жарымда гана мыйнап чыкты. Милиция наристени Жибек Жолу проспектиси менен Абдрахманов көчөлөрүнүн кесилишинен түнкү саат 1.00дө таап, ата-энесине өткөрүп берген.

Кечке маал редакция баланын энеси Сайкал Маллабекова менен байланышты. Ал ортодо түшүнбөстүк болгонун, бала бакчадан качып чыкпаганын билдирди.

Келиндин айтымында, наристени бакчадан 16 жаштагы эжеси алган. Үйгө келгенден кийин кыз үч жаштагы дагы бир бөбөгүн ээрчитип, үчөө сейилдөөгө чыгышкан. 

"Кичүү балам жай басса, берки уулум чуркап кетиптир да тигилер таппай калышыптыр. Мага бакчадан чалып, окуянын чоо-жайын түшүндүрүп берүүмүдү суранышты", — деди аял. 

Ал баланын абалы жакшы экенин, "аябай көп баскандыктан буттары ооруп калганын" кошумчалады.

131
Белгилер:
издөө, бөбөктөр, бала бакча, Бишкек
Тема боюнча
Кыйнап арак ичирген 6 жаштагы бала чарчап калды. Дарыгердин түшүндүрмөсү
Баткенде машина сайга түшүп кетип, 6 жашар бала чарчап калды
Жүздөн ашык бала асырап байыган аял түрмөгө түштү
Индияда кыз-эркеги билинбеген өзгөчө бала төрөлдү. Сүрөт
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

94
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

94
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди
Чүй өрөөнү. Архивдик сүрөт

Жекшембиге карата аба ырайы

29
Түнкүсүн Чүй, Жалал-Абад, Ош облустарынын тоолуу райондорунда жана Ысык-Көл менен Нарын жергесинин кээ бир өрөөндөрүндө өткүн өтүп, күн күркүрөйт.

БИШКЕК, 30-май — Sputnik. 31-майда Жалал-Абад, Ош жана Баткен облустарынын тоо этектеринде жана тоолуу райондорунда өткүн өтүп, күн күркүрөшү күтүлөт. Ал эми калган аймактарда күн ачык болот. Бул тууралуу Кыргызгидромет маалымдады.

Түндүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге чейин жетет.

Абанын температурасы Талас менен Чүй өрөөнүндө +28…+33 градус, Ош, Баткен, Жалал-Абад облустарында +30…+35 жана Ысык-Көл менен Нарын жергесинде +23…+28 градус ысык болору айтылды.

Ал эми күндүн табы Бишкек шаарында +30…+32 градуска чейин көтөрүлсө, Ошто +33…+35 градуска дейре жогорулайт.

29
Белгилер:
май, аба ырайы, Кыргызстан
Тема боюнча
Аптанын соңунда жаан жаайт. Бир жумага карата аба ырайы
Министр: туристтер Ысык-Көлгө эч тоскоолдуксуз кире алат