Ооруган мал сойбойт! Курман айтты туура өткөрүүнүн жол-жобосу

© Sputnik / Максим Богодвид / Медиабанкка өтүүНамаз алдында. Архив
Намаз алдында. Архив - Sputnik Кыргызстан
Жазылуу
Муфтият быйыл Курман айт 11-августка туура келерин айтты.

Мусулмандардын эң чоң майрамын утурлай муфтият өкүлдөрү аны туура өткөрүүнүн жол-жобосун айтып беришти.

Айт намазына баргыла! Бул күнү ар бир мусулман жуунуп-тазаланып, жакшы ниет менен майрамды тосуп алышы керек. Эркектер эртең менен айт намазына барып, эки рекет намаз окуп, андан соң майрамдашат.

Курмандык чалгыла! Орозо айтка караганда Курман айт ири майрам болуп эсептелет. Ал 30 күн белгиленет. Курман айтта колдон келсе курмандык чалып, мал союу шарт.

Айт-намаз по случаю Орозо айта в Бишкеке - Sputnik Кыргызстан
Мал союлбайт! Орозо айтты туура өткөрүүнүн жол-жобосу
Колунда барлар курмандык чалууга милдеттүү. Исламда 612.350 грамм күмүшү (башкача айтканда 22045 сом) барлар, же ушул суммадагы товары же башка ашык кыймылдуу же кыймылсыз мүлкү бар адамдар - колунда бар, материалдык жактан камсыз болгондор деп эсептелет.

Курмандыкка кандай мал сойсо болот? Курман айт күнү курмандыкка эркек, ургаачысына карабай төө, уй, кочкор, кой, теке, эчки сойсо болот. Мындан башка малдын түрү курмандыкка жарабайт. Майда мал (кой, эчки) курмандыкка бир адамдын атынан гана союлат. Ал эми бодо малды бир же бир нече (эң көбү жети) кишинин атынан да союуга болот. Эгерде чогулган адамдардын арасынан биринин гана ниети курмандык эмес, башка максатта болсо ал кабыл болбой калат. Ошондой эле ооруган малды союуга болбойт.

Курмандыкка союлган малдын этин эмне кылуу керек? Курмандыкка союлган малдын этин толук өзүнө калтырууга да, бардыгын таратып жиберүүгө да болот. Бирок этти үчкө бөлүп, бир бөлүгүн өзүнө, экинчи бөлүгүн кедей-муктаждарга жана үчүнчү бөлүгүн конок чакырып аларга бышырып берсе деле жакшы. Курмандыкка союлган малдын этин сатууга болбойт.

Кечирим сурашып, тууган-уруктан кабар алгыла! Бул күндөрү башка жумуштарды кое туруп жакындар менен айтташ керек. Көптөн бери кабар ала элек туугандардыкына барып ал-абалын сураса, колдон келсе белек тартууласа жакшы болот. Ошондой эле араздашып кеткен тууган, теңтуш же башка адамдар болсо, Айт майрамда кечирим сураса сообу көбүрөөк тиет.

Жардам бергиле! Курман айтта колдон келсе жетим-жесир, колунда жокторго да жардам бериш керек. Курмандыкка чалынган малдын этинен беришип, таттуу-тарапа тараткан оң.

Жаңылыктар түрмөгү
0