Өкмөт имараты. Архивдик сүрөт

Өкмөт Казакстанда мертинген мекендештердин сөөгүн алып келүүгө жардам берет

351
(жаңыланган 20:37 02.08.2019)
Жол кырсыгынан беш киши каза таап, дагы үчөө ооруканада жатат.

БИШКЕК, 2-авг. — Sputnik. Премьер-министр Мухаммедкалый Абылгазиев Казакстандын Кызыл-Ордо облусундагы жол кырсыгынан каза тапкан кыргызстандыктардын жакындарына көңүл айтты. Бул тууралуу өкмөттүн маалымат кызматы билдирди.

Эскерте кетсек, кайгылуу окуя 1-августта болгон. Мersedes үлгүсүндөгү жүк ташуучу унаа менен Toyota Estima кагышып, минивэндеги кыргызстандыктар жабыркаган. Натыйжада беш адам каза таап, үчөө ооруканага жеткирилген

Өкмөт башчы Ички иштер министрлигине Саламаттык сактоо министрлиги менен биргеликте жабыркагандарга жана каза болгондордун туугандарына жардам көрсөтүү, анын ичинде набыт кеткендердин сөөгүн мекенине жеткирүү боюнча тийиштүү чараларды көрүүнү тапшырды.

Абылгазиев жардам көрсөтүү маселесин жеке көзөмөлүнө алып, өкмөттүн аппаратын аткарылган иштер тууралуу маалыматтарды ыкчам жиберип турууга милдеттендирди.

Белгилей кетсек, учурда кырсык боюнча соттук-медициналык экспертиза дайындалды.

351
Белгилер:
жардам, сөөк, Мухаммедкалый Абылгазиев, Кыргызстан, Казакстан
Тема боюнча
Казакстанда КамАЗ менен жеңил унаа кагышып, Кыргызстандын эки жараны каза болду
Таласта автоунаа аласалып, үч киши каза болду. Видео
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

318
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

318
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Тоолуу Маевка айылына жакын унаа жолу

Шейшембиге карата аба ырайы

51
(жаңыланган 21:11 06.07.2020)
Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу өрөөндөргө кар түшөт.

БИШКЕК, 6-июл. — Sputnik. 7-июль, шейшемби күнү, өлкө аймагы боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге дейре жетет.

Абанын температурасы Чүйдө+28…+33, Таласта +26…+31, Ош, Баткен жана Жалал-Абад облустарында +30…+35 жана Ысык-Көл менен Нарын жергесинде +22…+27 градус жылуу болот.

Ал эми Бишкек шаарында күндүн табы +30…+32, Ош калаасында +33…+35 градуска дейре көтөрүлсө, Чолпон-Атада термометрдин көрсөткүчү +23…+25 градуска чейин жетет.

51
Белгилер:
аба ырайы, Кыргызстан
Тема боюнча
Алдыда аптаптуу ысык болбойбу? Бир жумага карата аба ырайы