Пляжда эс алган кыз. Архивдик сүрөт

Суу жээктеги Анжелика, Шевченко, Каримова... Таанымалдардын эс алуусу сүрөттө

3132
(жаңыланган 13:59 04.08.2019)
Жайында суудан чыккың келбейт! Аны социалдык тармактардан элге таанымал кыз-келиндердин сүрөттөрү да айгинелеп тургандай. Арасында кереметтүү Ысык-Көлгө түшкөндөрү же болбосо чет мамлекеттеги көлдөргө барганы да бар.

Sputnik Кыргызстан маалымат агенттиги коомчулукка белгилүү болуп калган ар тармактагы кыз-келиндердин көлдө эс алып жүргөн сүрөттөрүн сунуштайт. Алардын кээси бикиничен болсо, айрымдары жеңил көйнөкчөн.

1. Чолпон Талипбек

Ырчы мурда Максат Садырбеков менен Non stop дуэтинде ырдаган. Учурда жеке чыгармачылыгы менен алек. Ал Instagram баракчасындагы сүрөтүндө Кыргызстанда экендигин белгилеген.

Посмотреть эту публикацию в Instagram

Публикация от Чолпон Талипбек (@cholpon_talipbek)

Чолпон Талипбек 29 жашта. Анын Instagram баракчасына катталгандардын саны миллиондон ашат.

Посмотреть эту публикацию в Instagram

Публикация от Чолпон Талипбек (@cholpon_talipbek)

2. Бегимай Карыбекова

Кымча бел моделдин ар бир сүрөтү көз жоосун алат. Ошондой эле купальникчен ирмемдерин байма-бай чыгарып турат. Анын жазганына караганда, Ысык-Көлгө барып түшкөн.

Посмотреть эту публикацию в Instagram

Публикация от BEGIMAI KARYBEKOVA (@begimai_karybekova)

Дагы бир сүрөтүндө Таиландда сууга түшкөн.

Посмотреть эту публикацию в Instagram

Публикация от BEGIMAI KARYBEKOVA (@begimai_karybekova)

Бегимай Карыбекова 21 жашта. Эл аралык жана дүйнөлүк сулуулук сынактарына катышып келет.

3. Анжелика

Шоу-бизнестеги эң эле таанымал ырчынын жүктөгөн сүрөттөрүнөн жана алардын астына «Саякатты жакшы көрөм» деп жазганынан улам чет өлкөдө эс алганын болжоого болот.

Посмотреть эту публикацию в Instagram

Публикация от Анжелика 🌹 Kyrgyzstan (@anjelika_kairatovna_official)

Анжелика Кайратова 30 жашта. Ырчылыктан сырткары ишкерлик менен алектенип, телеканалда автордук берүүсүн алып барат. Instagram катталуучуларынын саны миллиондон ашат.

Посмотреть эту публикацию в Instagram

Публикация от Анжелика 🌹 Kyrgyzstan (@anjelika_kairatovna_official)

4. Айжан Асемова

Асемова Instagram баракчасында бьюти-блогер катары таанымал. Сулуулукка кам көрүү боюнча постторду жазып, видео сабактар менен бөлүшүп келет.

Ал жакында эле кереметтүү Ысык-Көлдө эс алып жүргөн сүрөтү менен бөлүшкөн.

Посмотреть эту публикацию в Instagram

Публикация от A i j a n A s e m o v a (@aijanasemova_)

Айжан Асемова 21 жашта. Жарнама жана коомчулук менен байланыш адистиги боюнча билим алат.

Посмотреть эту публикацию в Instagram

Публикация от A i j a n A s e m o v a (@aijanasemova_)

5. Эже-сиңди Шевченколор

Кыргызстандан чыккан UFC уюмунун мушкерлери, эже-сиңди Антонина менен Валентина Шевченколордун жаратылыш койнунда эс алганын көп байкоого болот. Сууга түшүп, балык уулап, ар кайсы элдин ашканасынан даам сызганды жакшы көрүшөт.

Сүрөттө спортчу кыздар суу жээкте купальникчен турушат.

Посмотреть эту публикацию в Instagram

Публикация от Antonina La Pantera Shevchenko (@antoninapantera)

Валентина Шевченко былтыр польшалык Жоанна Енджейчикти утуп, 57 килограмм салмактагы чемпион болгон.

Посмотреть эту публикацию в Instagram

Публикация от Valentina Shevchenko (@bulletvalentina)

Ал эми эжеси Антонина Шевченко 3-августта UFC уюмундагы үчүнчү беттешине чыгып, жеңишке жетти.

6. Самара Каримова

Ырчы суудагы кайыкта көйкөлө отурган сүрөтүн чыгарып, бирок ал кайсы жакта тартылганын белгилеген эмес.

Посмотреть эту публикацию в Instagram

Публикация от Samara Karimova (@samarakarimovasinger)

28 жаштагы Самара Каримова "КРдин эмгек сиңирген артисти" наамын алган. Актриса катары да өзүн сынап, тасма, спектаклдерде ойнойт. Ишкерлик менен алектенет.

Посмотреть эту публикацию в Instagram

Публикация от Samara Karimova (@samarakarimovasinger)

7. Элвира Сурабалдиева

Парламенттеги активдүү депутаттардын бири Элвира Сурабалдиева кум үстүндө отурган сүрөтүн чыгарды.

Посмотреть эту публикацию в Instagram

Публикация от Эльвира Сурабалдиева (@elvirasurab)

"Ысыкта кыйналгандардын ачуусуна тиет окшойм. Бул сүрөттү жылуу сөздөр менен белгилеп койгум келди",- деп соцтармактагы досторуна ыраазычылыгын айткан. Эл өкүлүнүн сүрөтү жана жазгандары Ысык-Көлдө эс алып жүргөнүнөн кабар берет.

8. Алтынай Эмилбекова

Келишимдүү модель, сулуулар конкурсунун катышуучусунун дагы ар бир ирмемин катталуучулар жакшы маанай менен кабыл алышат. Алтынай дагы күн ысыкта көлгө чумкуганын билдирген.

Посмотреть эту публикацию в Instagram

Публикация от Kyrgyzstan.Bishkek. (@altynai_emilbekova)

Эмилбекова 25 жашта. Instagram баракчасында кийимдерди жарнамалап келет. Модель катары бир нече кийим дүкөн менен иштешери маалым.

9. Айгерим Расул кызы

Элге таанымал ырчы, бийчи Ысык-Көлдө эс алып жаткандыгын кабарлаган.

Посмотреть эту публикацию в Instagram

Публикация от Айгерим Расул кызы (@aigerim_rasul_kyzy)

Айгерим Расул кызы 28 жашта. Учурда үй-бүлөлүү, эки баланын энеси. Үч жашынан баштап атасы Расул Маматкулов менен бирге чоң сахнага бийлеп чыга баштап, кийин жеке ырчы катары таанылган.

10. Аида Даниярова

Актриса "Салам, Нью-Йорк" тасмасындагы ролунан кийин таанылган.

Посмотреть эту публикацию в Instagram

Публикация от Be yourself (@adaniyarova)

Учурда жолдошу менен ишкерликти аркалап, кызын тарбиялоо менен алек экендиги айтылат.

11. Жийдеш Идирисова

Шоу-бизнесте таанымал ырчылардын бири Ысык-Көлдө эс алып жүргөнүн белгилеп, купальникчен сүрөтү менен бөлүшкөн.

Посмотреть эту публикацию в Instagram

Публикация от Jiidesh İdirisova_official (@jeedesh)

Жийдеш Идирисова 2015-жылы Стамбул шаарында өткөн эл аралык Turkvizyon ыр конкурсунда атаандаштарын ат чабым артта калтырып, биринчи орунду багынткан.

3132
Белгилер:
Сүрөт, мушкер, ырчы, Суу, эс алуу, Валентина Шевченко, Самара Каримова, Анжелика Бекболиева, Ысык-Көл, Кыргызстан
Тема боюнча
Сууга кийимчен түшпөңүз. Көл жээгинде эс алуу этикети
Каримова, Шевченко, Бабанов... Соцтармакка расмий катталган атактуулар
Көлдө, тоодо ат минип, тик учакта учкандар. Депутаттар кантип эс алып жатат
Газ өндүрүү. Архивдик сүрөт

Атаандаштыкка чыдабай... Европа менен Азия АКШнын суюлтулган газынан баш тартууда

155
(жаңыланган 21:50 09.07.2020)
Европа жана Азияда көгүлтүр оттун баасы көп жылдык төмөнкү чекке жетти. Ушул тапта америкалык суюлтулган газды сатып алуу кажетсиз. Ал түгүл муну АКШнын Энергетика министрлиги да моюнга алды.

Кардарлар бул жайга пландалган жүздөн ашуун газ ташуудан баш тартты. Натыйжада экспорт 63,6 пайызга кулады. Эмнеге океан ар жагындагы газдын эч кимге кереги жок болуп калышынын себебин биздин өнөктөш – РИА Новости агенттиги тактап көргөн.

Баа түштү

Былтыр АКШда жаратылыш газынын нетто-экспорту 54,7 миллиард куб метрге жеткен, бул 2018-жылдагыга караганда 20,7 миллиардга көбүрөөк. Эң ири суюлтулган газ өндүрүүчү Cheniere Energy компаниясынын маалыматына таянсак, биринчи кварталда дүйнөлүк рыноктогу соода көлөмү 100 миллион тоннага чыккан, бул 2019-жылга салыштырмалуу он миллион тоннага көп. Мындай өсүштү негизинен америкалыктар камсыз кылган.

Пландар да абдан дымактуу эле: 2020-жылы — 67,2 миллиард кубометр, 2021-жылы — 79,5... Мындай көрсөткүчтөрдү АКШнын Энергетика министрлигинин Энергетикалык маалымат башкармалыгы (EIA) жар салган. Бирок алар болжогондой болбой турганы анык болуп калбадыбы.

Жаңы кооптуулук: Катар газ "согушуна" кирүүгө ниеттенип жатат

Кыштын жылуу болуп калышынан улам сунуштун көп болушу, коронавирус пандемиясынын айынан суроо-талаптын чектелиши Европа жана Азиянын газ рыногун кыйратты. Ошентип, Европадагы TTF голландиялык хабында жылдын биринчи төрт айындагы орточо баа былтыркы жылдын ушул маалына караганда эки эсе ылдыйлады. Японияга споттук ташуулар 44 пайызга кыскарган.

Апрелде эле америкалык суюлтулган газдын Европага экспорттолушу экономикалык жактан жөнсүз болуп калган. Ири европалык жана азиялык компаниялар июнь-июль айларына келишимдерин жокко чыгарган.

Bloomberg маалыматына таянсак, АКШда суюлтулган газ заводдорундагы жүктөө апрелде 30 пайызга азайган. Май айына карата экспорт үчтөн бирге кыскарган. Буга коронавирустан улам киргизилген чектөөлөр да себеп болгон.

Экономикалык жактан жөндөмсүз

АКШнын Энергетика министрлигинин Энергетикалык маалымат башкармалыгы (EIA) июндагы божомолу алда канча жагымсыз эле. Европалык жана азиялык сатып алуучулар суюлтулган газдын 110 партиясынан баш тарткан: июнь-июль айларына – 70, ал эми августта 40 партияны алышпайт.

Биринен сала бири банкрот болуп... АКШ сланец туңгуюгунан чыга албай калабы

Америкалык деңиз терминалына газ ташуу март айынын аягынан бери эки эсеге азайган, тагыраагы, суткасына 277 миллион кубометрлик рекорддук көрсөткүчкө түшкөн.

"Европа жана Азиядагы жаратылыш газына болгон төмөн споттук баа АКШдан экспорттоонун экономикалык жөндөмүн чабалдаткан. Ал мындай баага өтө сезимтал", — дейт EIA талдоочулары.

Алардын баамында, АКШдан июнда Европа жана Азияга суткасына орточо 101 миллион кубометр жөнөтүлгөн, ал эми бул жана келерки айда 62 миллион кубометрди түзөт. Бул экспорттук потенциалдын 25 пайызынан ашпайт.

Төмөндөй берет

Океан ар жагындагы газдан кардарлардын баш тартышы кеминде эле жайдын аягына чейин уланары, АКШдагы фьючерстик баалар Европадагыдан сентябрга дейре жогору кармалып турары боюнча серепчилердин божомолдору чын чыкты.

Ансыз да илең-салаң иштеп жаткан суюлтулган газ өндүрүүчү америкалык алты завод январь-апрель аралыгында, май айында кубаттуулугун 65 пайызга ылдыйлаткан. Platts Analytics өткөн айдагы түрмөгүндө июлдун башында 50% болорун жазган.

АКШнын Кытайга карата кытмыр планы: пандемиядан улам ачылган көшөгөлөр

"Анткени баа артыкчылыгы дээрлик жоголду, америкалык ташуулардан баш тартуу мезгилдин гана маселеси болгон", — дейт америкалык Стратегиялык жана эл аралык изилдөөлөр борборунун серепчиси Никос Цафос.

Улуттук энергетикалык коопсуздук фондунун улук талдоочусу Игорь Юшков түшүндүргөндөй, ушул тапта сатып алуучулар америкалык суюлтулган газга төлөп берчү баа суюлтуу жана жеткирүүгө сарпталган операциялык чыгымдарды да жаппайт.

Баарынан да америкалык тун жана ири Sabine Pass терминалы көп жабыркады, кубаттуулукту баа кымбат убакта сатып алышкан, ал эми ишке киргизилген 2016-жылы кырдаал өзгөрүп кеткен. Андан бери завод чыгым эле тартып келген.

Энергетика министрлигинин маалыматы боюнча, 2020-жылдын алгачкы төрт айында АКШдан суюлтулган газды экспорттоо орточо суткасына 218 миллион кубометрди түздү, бирок апрелден майга чейинки аралыкта 17%га кыскарды.

EIA башкармалыгындагылар сентябрда газ ташый башташат, себеби жаратылыш газына дүйнөлүк суроо-талап акырындап калыптанууда.

Рынокту газ "каптады"

Анткен менен ири инвестбанктардын жагдайы анчалык эмес. Аналитиктер көгүлтүр оттун кору дүйнөдө толуп калганын айтышат. Суюлтулган газдын эл аралык соодасы кыйрап, америкалык сланецчилердин бардык сатуу каналдарын бүтөп койду.

Мунайдын баррели кайра 40 долларга көтөрүлгөнү мунайчылар казууну кайра жандандырып, кыйыр өндүрүм катары рынокко арзан газды арбын чыгарууда.

"Баррели миң доллардан": америкалык план мунай рыногун "муңайтышы" ыктымал

Европадагы баанын төмөндөшүнөн улам BofA Securities аналитиктери белгилегендей, ага суроо-талап жок. Азыр аны сыртка сатуунун ордуна резервуар жана сактагычтарга кайра куюштуруп жатышат.

Goldman Sachs эсеби боюнча экспорттун жоюлушунан улам америкалык запас 21,52 миллиард кубометрге көбөйөт. Бир жыл мурун катталган деңгээлдин үчтөн бирине, беш жыл аралыгындагы орточо көрсөткүч 18 пайызга өскөн.

Октябрга карата аталган өлкөнүн газды сактоо шарты бүтөт, бул суюлтулган газды казуунун жана өндүрүүнүн кескин кыскарышына кептейт.

155
Белгилер:
божомол, соода, рынок, атаандаштык, Азия, Европа, АКШ, нефть, Мунай, газ
Тема боюнча
"Тезинен аткаруу зарыл": АКШ Россияны эмнеге жазалагысы бар?
Жамгырду аба-ырайы. Архивдик сүрөт

Жумага карата аба ырайы

78
(жаңыланган 21:02 09.07.2020)
10-июлда түнкүсүн тоолуу өрөөндөрдө жамгыр жаап, күн күркүрөп, бийик тоолуу райондордо кар жаайт, ал эми дыйканчылык аймактарда жаан-чачын күтүлбөйт.

БИШКЕК, 10-июл. — Sputnik. Жума күнү, 10-июлда, күндүз көпчүлүк аймактарда мезгил-мезгили менен жаан жаап, күн күркүрөп, бийик тоолуу райондордо кар жаайт. Бул тууралуу Кыргызгидромет билдирди.

Маалыматка ылайык, өлкөнүн кээ бир жерлеринде жаан-чачын катуу жаашы күтүлөт. Айрым аймактарда мөндүр жаай турганы айтылды. Ал эми батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Жамгыр, добул жана кар жаайт. Кыргызгидромет шашылыш билдирүү таратты

Абанын температурасы Чүйдө +26...+31, Талас аймагында +25...+30, Ош, Жалал-Абад, Баткен облустарында +28...+33, Ысык-Көлдө +21...+26 жана Нарын жергесинде +20...+25 градус болору болжолдонду.

Бишкек жана Ош шаарларында жамгыр жаап, күн күркүрөйт. Күндүн табы борборубуз Бишкекте +29...+31, Ошто +31...+33 градуска чейин көтөрүлсө, Чолпон-Атада термометрдин көрсөткүчү +21...+23 градуска жетет.

78
Белгилер:
Кыргызстан, аба ырайы
Тема боюнча
Алдыда аптаптуу ысык болбойбу? Бир жумага карата аба ырайы