Российско-итальянское совместное предприятие Вилла Переделкино

Эски халат, тизеси чыккан шымды таштаңыз. Үйдө конок тосуу этикети

1597
(жаңыланган 18:39 16.02.2020)
Конок күтүү — кыргыздардын жашоосунда эң маанилүү учурлардын бири десек болот. Бул күнгө жан-алыбыз калбай даярданабыз.

Коноктун алдына дүйүм тамак коюп, ысык чайын үзбөй, меймандын кареги менен тең айланып туруу - ар бир кыргыз аялынын милдети.

Албетте, биздикилерге конок тосуу боюнча бир нерсе үйрөтүү кыйын. Бирок бул макаланы жаш үй-бүлөлөргө пайдасы тиер деген максатта даярдадык. Дегеним, мейман күтүүнүн ырахатынан машакаты көп эмеспи.

Этикет мугалими Нуржан Исмаилова үйдө конок тосуунун жазылбаган бир нече эрежеси тууралуу сөз кылды.

Чакыруу

Үй ээси конок болчу адамды чакыруу үчүн жеке өзүнө кайрылганы жакшы. Мессенджерден билдирүү жазып коюу же бирөөлөр аркылуу айттыруу конокту сыйлабастыкка жатат. Тагыраагы, ал кишинин келген-келбегени сиз үчүн анча маанисиздей сезилип калат.

Үй кызматкери эмес, кожоюн болуңуз

Конок күткөн адам колдон келишинче эл келгиче дасторконун толугу менен даярдап бүтүп, өзү дагы жарашыктуу кийинип алганы жакшы. Конок келип калган учурда шыпыргы көтөрүп алып ары-бери чуркап, эски халат, тизеси чыккан шым менен жүрүү өзүңүзгө дагы, конокко дагы бир топ ыңгайсыздыкты жаратат. Кыскасы, мейман аны "үй кызматкери" эмес, кожоюн менен кожойке күтүп алышын каалайт.

Конокту сүйбөй жаткандай болуп...

Эч убакта үйгө башка киши бар кезде үй-бүлө мүчөлөрү урушуп, бири-бирине кыр көрсөтпөшү керек. Бул конокту сүйбөй жаткандай элес калтырат. Эрди-катын же эне-бала ортодогу көйгөйдү аркы бөлмөгө барып же конок кеткенден кийин деле чечип алса болот.

Адилеттүүлүк

Албетте, ар бир коноктун тууганчылык жайына, жакындыгына жараша өз орду болот. Ошого жараша мамиле кылып, сый-урмат көрсөтүлөт. Бир эле мисал, кудага өзгөчө үзүлүп түшөбүз. Бирок ошол эле учурда үйгө келген меймандын баарына бирдей сый, бирдей жылуу мамиле көрсөткөнгө аракет кылыңыз.

Кам көрүү

Кыргызда "конок койдон жоош..." деген сөз бекер айтылбаса керек. Дегеним, алдына тамак жайнатып коюу эле жетиштүү эмес. Улам-улам жанына барып, тамак-аш сунуштап, алдындагы булганган идиш-аякты алмаштырып турган жакшы. Балким ал кара чай эмес, көк чай ичкиси келип жаткандыр. Көңүл буруп турбасаңыз, конок өзүн "өгөй" сезип калышы мүмкүн.

Тааныштыруу

Кээде бир үйгө мурда бири-бирин такыр көрбөгөн кишилер чогулушу мүмкүн. Кудалар, жаңы кошуналар, кесиптештер дегендей... Андыктан той жаңы башталганда эле үй ээси дасторкон үстүндөгүлөрдү бири-бири менен тааныштырып койгону жакшы. Коноктор мостойбой, бири-бири менен сүйлөшүп, тамашалашып отурганы жакшы да.

Мактоо

Кыргызда конок куру келбейт эмеспи. Жок эле дегенде ачуу-татуусун көтөрүп алат. Айрым учурда "фантазиясы" күчтүү тууган-туушкандар кийит, идиш-аяк же өзү кол эмгегин коротуп жасаган бир нерсесин алып келет. Андайларды көз жаздымда калтырбаңыз. Мактап, көптөн бери ушул нерсени алгыңыз келип жүргөнүн айтып коюңуз. Бул эки жүздүүлүк эмес, жөн гана адамдын көңүлүн алуу.

Узатуу

Коноктоу кандай жакшы маанайда тосуп алсаңыз, дал ошондой шаң менен узатыңыз. Үйгө чакырып алып, өткөн-кеткен таарынычтарды эске салуу же конок үчүн жагымсыз маселени кеп кылуу туура эмес. Андан көрө ак өргөңүздөгү адам босогодон күлүп-жайнап, жакшы ой менен узап кетишине шарт түзүңүз.

1597
Белгилер:
конок, сыйлык, этикет
Тема:
Өзүн алып жүрүүнүн эрежеси (47)
Тема боюнча
Кымбат тамак алып жигиттин айласын кетирбе! Алгачкы жолугушуунун этикети
Чала тааныш адамдын мээсин чакпа! Мессенджер колдонуу этикети
Чай ичпей калдым деп таарынба... Өлгөнгө баруу этикети
Кыргызстандын экс-президенти Аскар Акаев. Архив

Аскар Акаев Армениянын экс-президенти Левон Тер-Петросян менен жолукту

60
(жаңыланган 05:15 24.09.2021)
Өлкө башчылары 8 жылдай эки тараптуу деңгээлде жана КМШ алкагында активдүү кызматташкан. Ошондой эле экөөнү илимден саясатка келгени бириктирип турат.

БИШКЕК, 23-сен. — Sputnik. Ереванда Кыргызстандын экс-президенти Аскар Акаев менен Армениянын мурдагы өлкө башчысы Левон Тер-Петросян жолукту. Бул тууралуу Армениянын улуттук конгрессинин маалымат катчысы Арман Мусинян Facebook баракчасында билдирди.

Жолугушуу бейшемби күнү Тер-Петросяндын хан сарайында өткөн.

Акаев Ереванга Россия-Армения университетинин чакыруусу менен барган. Окуу жайдын жетекчилиги ага ардактуу доктор наамын ыйгарууну пландап жатканы айтылат. Ошондой эле өлкөнүн мурдагы башчысы бир катар лекцияларды окумакчы.

Мусинян белгилегендей, Тер-Петросян менен Акаев 8 жылдай эки тараптуу деңгээлде жана КМШ алкагында активдүү кызматташкан.

"Бөтөнчө экөө тең илимден саясатка келгени бири-бирине жакындатып турчу", — деген Мусинян.

Аскар Акаев эгемендүү Кыргызстандын алгачкы президенти. Ал 2005-жылы өлкөдөн качып, ошондон бери Москва шаарында жашап жүргөн. Анын үй-бүлө мүчөлөрүнө бир катар кылмыш иштери козголгон.

Быйыл августта 16 жылдан бери Кыргызстанга биринчи жолу келген Аскар Акаев УКМКга кирип сурак берген. Ал Кумтөр боюнча болгон чындыкты айтып берерин билдирген.

60
Белгилер:
Кыргызстан, Армения, Аскар Акаев, жолугушуу
Тема боюнча
Акаев Кумтөр боюнча сурактан кийин бүгүн Москвага учуп кетти
Кош бойлуу келин. Архив

Эжеси менен жездеси сабаган. Каракол милициясы кош бойлуу келин тууралуу үн катты

114
Бүгүн Акыйкатчы институту Ысык-Көлдө келинге эки милиционер жана бир тергөөчү кол салып, бул окуядан кийин беш айлык түйүлдүк боюнан түшүп калганын билдирген.

БИШКЕК, 23-сен. — Sputnik. Караколдо шаардык ички иштер бөлүмү милиция кызматкерлери кош бойлуу келинди сабаганга шектелүүдө деген маалыматты төгүндөдү. Бул тууралуу облустук милициянын маалымат кызматы кабарлады.

Бүгүн Акыйкатчы институту маалымат тараткан. Анда Омбудсмендин Ысык-Көл облусу боюнча ыйгарым укуктуу өкүлүнө келин кайрылып, эки милиционер жана бир тергөөчү кол салганын, бул окуядан кийин беш айлык түйүлдүк боюнан түшүп калганын айтып берген.

Каракол ИИБдин версиясы боюнча, 5-август күнү милицияга А.А. аттуу 22 жаштагы тургун арыз жазып, ошол күнү болжол менен саат 14:00дөр чамасында батирде чогуу жашаган бир тууган эжеси А.Г. жана жездеси Т. Н. аны сабаганын билдирген. Урушка анын паспортун экөө уруксатсыз күрөөгө коюп салгандан улам чыкканы айтылат. Арыз Жоруктар кодексинин "Үй-бүлөдөгү зомбулук" беренеси менен катталып, соттук-медициналык экспертиза дайындалган. Ал жабырлануучу жеңил жаракат алганын көрсөткөн.

"Сотко чейинки өндүрүш ишинин алкагында аялды 32 жаштагы А.Г. жана анын 32 жаштагы жолдошу Т.Н. сабаганы аныкталган. Аларга шектүү катары кабарлама берилип, соттун кароосуна жөнөтүлгөн", — деп жазылган маалыматта.

Милиция А.Г. өзүнүн жоопкерчилигин жашыруу максатында кызматкерлерди каралап жатканын белгиледи.

114
Белгилер:
Каракол, милиция, кош бойлуу, келин, арыз
Тема боюнча
Боюнан түшүп калган. Каракол милициясы кош бойлуу келинди сабады деп шектелүүдө