Курман айтка мал союу. Архивдик сүрөт

Курман айтта кандай мал союлушу керек? Муфтияттан 6 эреже

852
Курман айтта бул дүйнөдөн өтүп кеткен адамдарга багыштап куран окуп, жакындар менен айтташ керек. Колдон келсе курмандык чалып, мал союу шарт.

БИШКЕК, 6-авг. — Sputnik. Быйыл мусулмандардын ыйык деп саналган Курман айт майрамы 11-августка белгиленди. Орозо айтка караганда Курман айт ири майрам болуп эсептелет. Анткени Курман айтты 30 күнгө чейин белгилесе болот.

Бул күндөрү көптөн бери кабар ала элек туугандардыкына барып ал-абалын сураса, белек тартууласа жакшы болот. Ошондой эле араздашып кеткен тууган, теңтуш же башка адамдардан кечирим сураса сообу көбүрөөк тиет. Орозо айтта курмандык чалынбаса да Курман айтта мал союу шарт.

Sputnik Кыргызстан агенттиги муфтияттын берген маалыматына таянып, Курман айтта курмандык чалынчу малды кантип туура тандоо керектигин тизмектеди.

Курман айт күнү курмандыкка эркек, ургаачысына карабай төө, уй, кочкор, кой, теке, эчки сойсо болот. Мындан башка малдын түрү курмандыкка жарабайт.

Майда жандык (кой, эчки) курмандыкка бир адамдын атынан гана союлат. Ал эми бодо малды бир же бир нече (эң көбү жети) кишинин атынан да союуга болот. Эгерде чогулган адамдардын арасынан биринин гана ниети курмандык эмес, башка максатта болсо ал кабыл болбой калат.

Ооруган малды союуга болбойт.

Курмандыкка союлган малдын этин толук өзүнө калтырууга да, бардыгын таратып жиберүүгө да болот. Бирок этти үчкө бөлүп, бир бөлүгүн өзүнө, экинчи бөлүгүн кедей-кембагал, муктаждарга, үчүнчү бөлүгүн конок чакырып аларга бышырып берсе деле жакшы.

Курмандыкка союлган малдын этин сатууга болбойт.

Курман айтта колдон келсе жетим-жесир, колунда жокторго да жардам бериш керек. Курмандыкка чалынган малдын этинен беришип, таттуу-тарапа тараткан оң.

852
Белгилер:
Курман айт майрамы, мал, тандоо, айт
Тема боюнча
Мал союлбайт! Орозо айтты туура өткөрүүнүн жол-жобосу
Ооруган мал сойбойт! Курман айтты туура өткөрүүнүн жол-жобосу
Жаратылыш. Архив

Жекшембиге карата аба ырайы

10
Жекшембиге караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-окт. — Sputnik. 17-октябрда дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй, Талас облустарында +15...+20, Ош, Жалал-Абад жана Баткен өрөөнүндө +20...+25, Ысык-Көлдө +12...+17, Нарын жергесинде +14...+19 градуска чейин көтөрүлөт.

Борбор калаада күндүн табы +18...+20, ал эми Ош шаарында +23...+25 градус болору болжолдонду.

10
Белгилер:
аба ырайы, Кыргызстан
Тема боюнча
Электр энергиясы менен жылуулукка канча төлөйбүз? Күчүнө кирген жаңы тарифтер

Кыргызстандагы алдыңкы 10 жолтандабас менен кроссовердин баасы кандай өзгөрдү

70
(жаңыланган 20:01 16.10.2021)
Ар апта сайын Sputnik Кыргызстан колдон алынган автоунаалардын баасы тууралуу маалымат берет. Бул жолкусунда эл оозундагы жолтандабас менен кроссоверлердин наркына баам салдык.
Өлкөдөгү өтүмдүү жол тандабас  менен кроссоверлердин баасы

Өтүмдүү автоунаалардын алдыңкы ондугуна төмөнкүлөр кирди:

  • Lexus GX 470;
  • Honda CR-V;
  • Toyota RAV4;
  • Lexus RX 350;
  • Volkswagen Touareg;
  • Subaru Forester;
  • Toyota Landcruiser;
  • Kia Sportage;
  • Hyundai Santa Fe.

Инфографикада жылы жаңы автоунаалардын баасы көрсөтүлдү. Биз сатуучулар сураган баанын орточо ченин беребиз. Демек, баа дал ушундай деп айтууга болбойт.

Тизмедеги автолордун басымдуу бөлүгү орточо 200-1500 долларга кымбаттаган. Бул Lexus GX 470, Lexus RX 350, Honda CR-V, Toyota Landcruiser жана башка.

Ал эми Volkswagen Touareg менен Toyota RAV4 орточо 200-500 долларга арзандаган.

70
Белгилер:
автоунаа, базар, баалар, соода
Тема боюнча
Бишкектеги батирлердин сентябрдагы ижара акысы