Мигранььар. Архивдик сүрөт

Миграциянын кыргызстандык аялдарга тийгизген терс таасири айтылды

467
Форумга ар кыл өлкөлөрдөгү кыргызстандык диаспоралардын өкүлдөрү катышкан.

БИШКЕК, 7-авг. — Sputnik. Кыргызстандык мигранттардын 60 пайызын кыз-келиндер түзөт. Бул тууралуу Екатеринбургдагы "Кыргызстан - Урал" коомдук уюмунун мүчөсү Гүлшан Дөөлөнбаева Sputnik Кыргызстан радиосуна маек куруп жатып айтты.

Белгилей кетсек, 2-августта Кыргызстанда президент Сооронбай Жээнбековдун катышуусу менен чет өлкөдөгү мекендештер менен байланышуу боюнча кеңештин биринчи жыйыны болуп өттү. Форумга дүйнө өлкөлөрүндө иш алып барган кыргызстандык диаспоралардын өкүлдөрү келген.

Дөөлөнбаеванын айтымында, иш-чарада экономикалык кырдаал жана инвестиция тартуу жаатында көбүрөөк кеп болгону менен миграциядагы аялдардын маселеси курч бойдон калууда.

"Кыргызстандык мигранттардын 60 пайызын кыз-келиндер түзөт. Алардын арасында кош бойлуулар, көп балалуулар, өспүрүм кыздар, жалгыз бой аялдар бар. Миграциядан улам алардын ден соолугу жабыркап жатат, ажырашуулар көбөйдү, ВИЧ, кургак учук сыяктуу ооруларды жуктуруп алгандар арбыды", — деди Дөөлөнбаева.

Ал Россияда саламаттыкты сактоо тармагында иштегендиктен, үй-бүлөсү же жумушундагы жетекчиси тарабынан зордук-зомбулукка кабылып, ооруканага кайрылган кыргызстандык кыз-келиндерди күнүгө кезиктире турганын кошумчалады.

467
Белгилер:
миграция, диаспора, ден соолук, зомбулук, кыз-келиндер
Тема боюнча
Ата-эненин мээриминен ажыраган балдар. Кыргызстандагы миграция тууралуу инфографика
Бейшенов: Кыргызстан боюнча 35 гана киши миграция маселесин чечет
Чуңкурчакта миграция жана гендердик маселелер боюнча жыйын өтүп жатат
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

281
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

281
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Тоолуу Маевка айылына жакын унаа жолу

Шейшембиге карата аба ырайы

49
(жаңыланган 21:11 06.07.2020)
Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу өрөөндөргө кар түшөт.

БИШКЕК, 6-июл. — Sputnik. 7-июль, шейшемби күнү, өлкө аймагы боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге дейре жетет.

Абанын температурасы Чүйдө+28…+33, Таласта +26…+31, Ош, Баткен жана Жалал-Абад облустарында +30…+35 жана Ысык-Көл менен Нарын жергесинде +22…+27 градус жылуу болот.

Ал эми Бишкек шаарында күндүн табы +30…+32, Ош калаасында +33…+35 градуска дейре көтөрүлсө, Чолпон-Атада термометрдин көрсөткүчү +23…+25 градуска чейин жетет.

49
Белгилер:
аба ырайы, Кыргызстан
Тема боюнча
Алдыда аптаптуу ысык болбойбу? Бир жумага карата аба ырайы