Кой-Таштан жабыркагандардын канчасы ооруканада? Министрликтин жообу

© Sputnik / Табылды КадырбековСотрудники правоохранительных органов в селе Кой-Таш во время спецопрации по задержанию бывшего президента КР Алмазбека Атамбаева
Сотрудники правоохранительных органов в селе Кой-Таш во время спецопрации по задержанию бывшего президента КР Алмазбека Атамбаева - Sputnik Кыргызстан
Жазылуу
Эки күндө медициналык жардам үчүн жалпы жонунан 98 киши кайрылган, алардын арасында спецназдын 47 жаштагы жоокери каза болгон.

БИШКЕК, 9-авг. — Sputnik. Кой-Таш айылында 8-августтагы операция маалында жабыркаган 52 адам ооруканага кайрылып, анын ичинен 10у жаткырылды. Мындай маалыматты Саламаттык сактоо министрлиги таратты.

Негизи 7-8-август күндөрү жабыркагандардын 20сы ушул тапта ооруканада.

"Алардын 13ү — Бишкек травматология жана ортопедия илимий-изилдөө борборунда, төртөө — Улуттук госпиталда, үчөө — Чүй облустук бириккен ооруканасында дарыланууда", — деп айтылат маалыматта.

Кыргызстандын мурунку президенти Алмазбек Атамбаев. Архив - Sputnik Кыргызстан
Алмазбек Атамбаевдин баш коргоо чарасы тандалды
Кой-Таш айылындагы курч кырдаалдан улам жабыркагандар түшкөн бардык ооруканалар жана Тез жардам кызматы толугу менен керектүү дары-дармек жана жабдуу менен камсыздалганы айтылды.

Эскерте кетсек, мурунку президент Алмазбек Атамбаевди кармоо боюнча атайын операция 7-августта башталып, ал максатына жетпей калган. Атамбаевдин тарапташтары катуу каршылык көрсөтүп, натыйжада ок атылган. Операция эртеси да уланып, кечинде мурунку президент багынып берген.

Министрликтин билдиргени боюнча, эки күндө медициналык жардам үчүн жалпы жонунан 98 киши кайрылган. Анын бири, спецназдын 47 жаштагы жоокери каза болгон.

Жаңылыктар түрмөгү
0