Выпускники на церемонии вручения золотых сертификатов президентом КР

2019-жылдын эң акылдуу 10 бүтүрүүчүсү тандаган окуу жайлар

3839

14:47 12.08.2019(жаңыланган 15:03 12.08.2019)

Бул жылы Жалпы республикалык тестирлөөгө 44 миңге чукул бүтүрүүчү катышкан. Алардын көбү орточо көрсөткүчтөн жогору упай топтошкон. Ал эми алтын сертификатты президенттин колунан 51 гана бүтүрүүчү ала алды.

БИШКЕК, 12-авг. — Sputnik. Ар жылы Кыргызстанда эң акылдуу бүтүрүүчүлөр аныкталып, алар үчүн өлкөнүн бардык окуу жайларынын эшиги ачык болот. Sputnik Кыргызстан агенттигинин кабарчысы Жалпы республикалык тестирлөөдөн эң көп упай алган 10 бүтүрүүчү кайсы жогорку окуу жайды тандаганына кызыгып көрдү.

Выпускник кыргызско-турецкого мужского лицея имени Курманбека баатыра Элдияр Чормонов

Өлкө боюнча жалпы республикалык тестирлөөдөн эң жогорку упай алган (238 упай) жалалабаддык Элдияр Чормонов Хьюстондо окуй турган болуптур. Ал Жалал-Абаддагы Курманбек баатыр атындагы кыргыз-түрк лицейин бүтүргөн. Элдияр программист болууну каалап North American University (NAU) университетине тапшырганын айтты.

Выпускник бишкекской школы-гимназии № 70 Нуртегин Колбаев

№70 мектеп-гимназиясынын сыймыгы аталган Нуртегин Көлбаев (234 упай) Кыргыз мамлекеттик техникалык университетин тандаган. Бүтүрүүчүнүн айтымында, ал дайыма программалык инженерияга кызыкчу. Мындан улам ал документтерин "Маалымат технологиясы" факультетине тапшырган.

Выпускница школы-гимназии № 1 Лейлекского района Баткенской области Аида Борукулова

Баткен облусунун Лейлек райондук №1 мектеп-гимназиясынын бүтүрүүчүсү Аида Борукулова (231 упай) бала кезинен дарыгер болууну самачу экен. Эми кыялы орундалып Кыргыз мамлекеттик медициналык академиясынын студенти болду. Ал "Дарылоо иши" факультетине тапшырган.

Выпускник лицея "Семетей" Талантбек Женишбек уулу

"Семетей" лицейин аяктаган Талантбек Жеңишбек уулу (231 упай) Борбор Азиядагы Америка университетин тандаган. Ал да программист кесибин жактырган.

Выпускница кыргызско-турецкого женского лицея № 20 Гулшода Мамажанова

№20 кыргыз-түрк кыздар лицейинин сыймыгы Гулшода Мамажанова (231 упай) дагы ушул эле окуу жайдын студенти болду. Акылдуу бүтүрүүчү бул окуу жайдан программалык инженерияны өздөштүрө турганын айтты.

Выпускница учебно-воспитательного комплекса школы-гимназии № 12 Дария Мусаева

Бишкектеги №12 окуу-тарбия мектеп-гимназия комплексинин бүтүрүүчүсү Дария Мусаева (231 упай) Москвадагы ядролук изилдөө улуттук университетине (МИФИ) тапшырган. Бул окуу жайда Дария биотехникалык система жана технология тармагында билим алмакчы.

Выпускница учебно-воспитательного комплекса № 38 Анастасия Чичкова

Борбор калаадагы №38 окуу-тарбия комплексин бүтүргөн Анастасия Чичкова (230 упай) Россиянын түндүк борборунда окуй турган болуптур. Ал Санкт-Петербург шаарындагы политехникалык университетине тапшыра тургандыгын айтты. Чичкова прикладдык математика же программалык инженерияны тандаганы жатат.

Выпускница женского лицея "Себат" Сезимай Эрали кызы

"Себат" кыздар лицейин аяктаган Сезимай Эрали кызы (230 упай) "Ала-Тоо" эл аралык университетинин студенти болду. Ал дагы "Компьютердик инженерия" факультетин тандаган.

Выпускник кыргызско-турецкого мужского лицея имени Курманбека баатыра Тыныбек Эржигит уулу

Жалал-Абаддагы Курманбек баатыр атындагы кыргыз-түрк лицейин бүтүргөн Тыныбек Эржигит уулу (230 упай) дагы "Ала-Тоо" эл аралык университетине тапшырган. Бирок ал медициналык факультетке өткөн.

Выпускница столичного учебно-воспитательного комплекса школы-гимназии № 67 Алина Мухомедьярова

№67 окуу-тарбия мектеп-гимназия комплексинин бүтүрүүчүсү Алина Мухомедьярова (229 упай) Борбор Азиядагы Америка университетинин "Программалык инженерия" факультетине тапшырган.

Алтын сертификатка ээ болгондордун көбү өлкөнүн кайсы аймагынан экенин бул материалдан окуй аласыздар.

3839

Белгилер: