УКМК: спецназ Атамбаевге кат тапшыруу үчүн дубалдан секирип түшкөн
(жаңыланган 13:24 13.08.2019)
Орозбек Опумбаев Алмазбек Атамбаев каршылык көрсөтүү үчүн атайын даярданганын айтты.БИШКЕК, 13-авг. — Sputnik. УКМКнын атайын даярдыктагы аскерлери Алмазбек Атамбаевге суракка чакырган кагазды жеке өзүнө тапшыруу үчүн үйдүн дубалынан секирип түшүүгө аргасыз болду. Бул тууралуу мекеменин жетекчиси Орозбек Опумбаев маалымат жыйын учурунда билдирди.
7-августта атайын даярдыктагы аскерлер Алмазбек Атамбаевди Кой-Таштагы үйүнөн кармап, суракка алып келүүгө аракет кылышкан. Бирок алардын аракетинен майнап чыккан эмес.
"Атамбаев эшигин ачпагандыктан "Альфанын" балдары дубалдан секирүүгө мажбур болду. Себеби алар беш кызматкердин үйгө кирүүсүнө шарт түзүшү керек эле. Анын ичинде башкы башкармалыктын жетекчиси да бар. Ал Атамбаевдин жеке өзүнө суракка чакырган кагазды бериши керек болчу. Ошондуктан ушул операция жасалды. Бирок биздин кызматкер дубалдан секирип түшкөндөн кийин душманга таш ыргыткандай эле ташка алышты. Бул учурда Алмазбек Атамбаев коён сыяктуу өзүнүн чээнине кире качты", — деди Опумбаев.
©
Sputnik / Табылды Кадырбеков
Опумбаев Атамбаев каршылык көрсөтүү үчүн атайын даярданганын айтты.
"Ал үйүн өзүнчө эле чеп кылып алыптыр. Эшик-терезелерге темир тор коюлганын көрдүңөр", — деди ал.
Эске салсак, башкы прокурор Өткүрбек Жамшитов, ички иштер министри Кашкар Жунушалиев жана Улуттук коопсуздук боюнча мамлекеттик комитетинин башчысы Орозбек Опумбаев мурдагы президент Алмазбек Атамбаевдин кармалышы тууралуу маалымат жыйын өткөрүштү.
Бейшембиге карата аба ырайы
БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.
Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.
Белгилер:
Мэрия аянтта көз жумган Үмүтбек Алтынбек уулунун атасына үй берүүнү пландап жатат
(жаңыланган 21:00 25.11.2020)
Белек кылынчу батир Бишкектин Анкара көчөсүндө жайгашкан. Үй Үмүтбектин атасы Алтынбек Жуматаевге акысыз негизде менчиктештирүү жолу менен өткөрүп берилмекчи.БИШКЕК, 25-ноя. — Sputnik. Мэрия 5-6-октябрь күнү борбордук аянттагы кагылышууда көз жумган Үмүтбек Алтынбек уулунун атасына батир белек кылууну пландап жатат. Бишкек шаардык кеңешинин тийиштүү токтому коомдук талкууга коюлган.
Анда жазылгандай, белек кылынчу батир Бишкектин Анкара көчөсүндө жайгашкан. Үй Үмүтбектин атасы Алтынбек Жуматаевге акысыз негизде менчиктештирүү жолу менен өткөрүп берилмекчи.
©
Sputnik / Табылды Кадырбеков
Токтомдо 2020-жылдын 11-ноябрында ошол кездеги президенттин милдетин аткаруучу жана премьер-министр Садыр Жапаров бул боюнча тапшырма берип кеткендиги да белгиленген.
"6-ноябрда Садыр Жапаровдун атына Үмүтбек Алтынбек уулунун үй-бүлөсүнөн турак жай берүүнү суранган кайрылуусу келип түшкөн. Каза болгон бала төрт бир тууган болчу. Эң кичүүсү 7 айлык. Атасы механик болсо, апасы үй кожойкеси", — деп жазылган токтомдо.
Мэрия "Муниципалдык менчик жөнүндө" мыйзамдын 12-беренесинде "өзгөчө учурларда жергиликтүү кеңештин чечими менен муниципалдык менчиктеги турак жай фондунун объектилерин жеке адамдардын менчигине акысыз негизде өткөрүп берүү мүмкүн" деп көрсөтүлгөнүн белгилеп кеткен.
"Ала-Тоо" аянтындагы митингден жабыркагандар
Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.
Белгилер:
Легендарлуу футболчу Диего Марадона көз жумду
(жаңыланган 22:44 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.
Аргентиналык спортчу 60 жашта болчу.
30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылды. Футбол адисинин акыркы жылдары басканы оорлошуп, өзүн начар сезип калганы айтылды.