ИИМ кызматкерлери

УКМКнын башчысы Атамбаев чабуулга кандайча даярдык көргөнүн айтты

927
(жаңыланган 13:58 13.08.2019)
Опумбаевдин айтымында, Атамбаев миңден ашуун ок даярдаган.

БИШКЕК, 13-авг. — Sputnik. УКМКнын башчысы Орозбек Опумбаев маалымат жыйын учурунда мурдагы президент Алмазбек Атамбаев анын үйүнө жасалган чабуулга кандай даярдык көргөнүн айтып берди.

УКМК жетекчиси белгилегендей, биринчи күнкү чабуулга "Альфанын" 57 кызматкери, беш ыкчам кызматтын өкүлү жана үч башкармалыктын жетекчилери катышкан.

"Атамбаев үйүн бункерге айландырып алган. Ал ошондой эле миңден ашуун ок, тапанча, мылтык даярдаган. Менин балдарым курал колдонгон жок. Мындан улам жашоочулар менен Атамбаевдин тарапташтары жабыркаган факты катталган эмес. Спецназдарды сабашты, ок чыгарышты, бирок менин балдарым ок менен жооп берген жок. Буйругумду аткарышты. Бул баатырдык кадам! Менин эң мыкты кызматкерлеримдин бири каза тапты, анын өмүрүн сактап кала албаганыма өкүнүп жатам", — деди Опумбаев.

Белгилей кетсек, 7-августта УКМКнын мурунку президент Алмазбек Атамбаевди кармоо операциясы ишке ашпай калган. УКМКнын атайын даярдыктагы бөлүгүнүн аскерлерине Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 100дөн ашуун киши жаракат алган. Спецназдын алты аскери 20 саатка барымтага алынган.

Эртеси, 8-августта, операцияны ИИМ жүргүзүп, сүйлөшүүлөрдөн кийин Атамбаев багынып берген. Биринчи Май райондук соту анын баш коргоо чарасын тандап, 26-августка чейин камакта калтырды. Мындан сырткары, бир нече тарапташы камалып, суракка чакырылууда.

927
Белгилер:
бийлик, Алмазбек Атамбаев, УКМК, Кыргызстан
Тема:
Атамбаевдин Кой-Таштагы үйүндөгү атайын операция (176)
Тема боюнча
Атамбаевди кармоо операциясы тууралуу Жээнбеков билгенби? УКМКнын жообу
ИИМ: Атамбаевдин кармалышынан кийинки ызы-чууда азыркы жана экс-депутаттар жүрдү
УКМК башчысы: Атамбаев кан төгүү менен төңкөрүш жасамак болгон
УКМК: спецназ Атамбаевге кат тапшыруу үчүн дубалдан секирип түшкөн
ГЭСтин агрегаторун оңдоо. Архив

Камбар-Ата-2 ГЭСинде оңдоо иштери жүрөт. Ири суммага тендер жарыяланды

3
(жаңыланган 08:30 11.07.2020)
Ал каражатка электр жарыгы, байланыш, жылыткычтар орнотулуп, суу түтүктөрдү коюлуп, имараттардын ичи-тышы жасалат.

БИШКЕК, 11-июл. — Sputnik. "Электр станциялар" ачык акционердук коому Камбар-Ата-2 ГЭСинде курулуш иштерин жүргүзүү үчүн 82 миллион сомдон ашык акчага тендер жарыялады. Бул тууралуу маалымат Мамлекеттик сатып алуулар порталына чыкты.

Ага ылайык, жеңүүчү болгон компания ал каражатка электр жарыгын, байланыш, жылыткычтарды орнотуп, суу түтүктөрдү коюп, имараттардын ичи-тышын жасайт.

КР энергетикасы жар учунда турат. Эксперттин билдирүүсү

Андан сырткары, оор техниканын жардамы менен жээктерди, плотинанын айланасын бекемдемекчи

Камбар-Ата ГЭС-2 Тянь-Шандын борбордук бөлүгүндө жайгашкан. Плотина Нарын дарыясынын агымы боюнча Токтогул ГЭСинен 70 чакырым алыстыкта курулган.

Досумбетов: Бишкек — Кара-Балта жолун оңдоо 2021-жылы аяктайт

Гидроэлектростанциянын курулуш иштери 1986-жылы башталып 120 МВт кубаттуулуктагы үч агрегат боюнча долбоорлонгон. 2010-жылы биринчи агрегат ишке киргизилген. 

Суу сактагычтын көлөмү 70 миллион куб метр, пайдалуусу 7,5 миллион куб метр сууну түзөт.

3
Белгилер:
тендер, ГЭС, Камбар-Ата - 2, Кыргызстан
Тема боюнча
Бишкек — Алматы жолунун боюндагы курулуштар иретке келтирилип, айыл чектери такталды
БШК 21 млн сомго тендер жарыялады. Акча эмнеге жумшалат?
Кыргызстанга баасы 3 млрд. доллар турган Камбар-Ата ГЭС эмнеге керек? Маалымат
Белгилүү дин аалымы, Кыргызстандын мурунку муфтийи Чубак ажы Жалилов. Архивдик сүрөт

Белгилүү дин аалымы Чубак ажы дүйнөдөн өттү

365
(жаңыланган 08:29 11.07.2020)
Экс-муфтий 1975-жылдын 21-январында Жалал-Абад облусуна караштуу Базар-Коргон районундагы Бай-Мундуз айылында төрөлгөн. Жогорку билимдүү. Азирети Умар атындагы Кыргызстан ислам университетин аяктаган.

БИШКЕК, 11-июл. — Sputnik. Белгилүү дин аалымы, Кыргызстандын мурунку муфтийи Чубак ажы Жалилов дүйнө салды. Кабарды Кыргызстандын ислам университети тастыктады.

Маалыматта аалымдын түндө оор абалда Улуттук госпиталга жеткирилип, ошол жактан үзүлгөнү айтылат.

Экс-муфтий 1975-жылдын 21-январында Жалал-Абад облусуна караштуу Базар-Коргон районундагы Бай-Мундуз айылында төрөлгөн. Жогорку билимдүү. Азирети Умар атындагы Кыргызстан ислам университетин аяктаган.

365
Белгилер:
пневмония, коронавирус, Чубак ажы Жалилов
Тема боюнча
Абалы кескин начарлап кеткен. Чыныбай Турсунбеков реанимацияда үзүлгөн
Белгилүү дин аалымы Чубак ажы дүйнөдөн өттү