Токио шаары. Архивдик сүрөт

ТИМ: Японияда кыргызстандык мигранттарга муктаждык жаралды

1224
(жаңыланган 18:52 13.08.2019)
Өлкөнүн префектураларынын биринде кызмат көрсөтүү тармагында жумушчулардын жетишсиздиги байкалган.

БИШКЕК, 13-авг. — Sputnik. Япония Кыргызстандан аталган өлкөгө барчу мигранттардын санын көбөйтүүнү өтүнүп жатат. Бул тууралуу Тышкы иштер министрлиги билдирди.

7-9-августта Кыргызстандын Япониядагы элчиси Мирлан Арстанбаев Окинава префектурасына барып келген. Ал жергиликтүү бийлик, иммиграциялык органдардын, Туризм департаментинин өкүлдөрү жана кыргызстандыктар иштеген мейманканалардын жетекчилери менен жолугушкан.

"Бийлик өкүлдөрү 1,4 миллион эли бар Окинавага жыл сайын 10 миллион турист келерин айтты. Кызмат көрсөтүү тармагына жумушчулар жетишпегендиктен Япония кыргыз бийлигинен эмгек ресурсун даярдап берүүнү өтүндү", — деп айтылат маалыматта.

Ал арада депутаттар Кыргызстанга келген мигранттардан жылына 8 миллион сом пайда көрүү жолун көрсөтүп беришти.

1224
Белгилер:
мейманкана, эмгек, Кыргызстан, Япония
Тема боюнча
ЕАЭБ өлкөлөрү мигранттарга пенсия төлөй баштайт. Жол-жобосу кандай болот
Миграциянын кыргызстандык аялдарга тийгизген терс таасири айтылды
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

334
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

334
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Тоолуу Маевка айылына жакын унаа жолу

Шейшембиге карата аба ырайы

51
(жаңыланган 21:11 06.07.2020)
Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу өрөөндөргө кар түшөт.

БИШКЕК, 6-июл. — Sputnik. 7-июль, шейшемби күнү, өлкө аймагы боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге дейре жетет.

Абанын температурасы Чүйдө+28…+33, Таласта +26…+31, Ош, Баткен жана Жалал-Абад облустарында +30…+35 жана Ысык-Көл менен Нарын жергесинде +22…+27 градус жылуу болот.

Ал эми Бишкек шаарында күндүн табы +30…+32, Ош калаасында +33…+35 градуска дейре көтөрүлсө, Чолпон-Атада термометрдин көрсөткүчү +23…+25 градуска чейин жетет.

51
Белгилер:
аба ырайы, Кыргызстан
Тема боюнча
Алдыда аптаптуу ысык болбойбу? Бир жумага карата аба ырайы