Токмок аймактык ооруканасына акушер-гинекологиялык бөлүмүнүн имаратынын курулуш иштерин баштоого арналган иш-чара

Токмокто 57 млн. сомго төрөт үйү курула баштады

438
(жаңыланган 18:57 13.08.2019)
Курулуш иштерин келерки жылдын апрель айында бүткөрүү пландалды.

БИШКЕК, 13-авг. — Sputnik. Токмок аймактык ооруканасына акушер-гинекологиялык бөлүмүнүн имараты курула баштады. Бул тууралуу Саламаттык сактоо министрлигинен кабарлашты.

Курулуш иштерин баштоого арналган иш-чарага аткаминерлер дагы катышты.

"Жаңы эки кабаттуу корпус бардык заманбап талаптарга жооп бергидей болот. Анда ыңгайлуу палаталар, үч төрөт залы, операция жасалчу бөлмө, жаңы төрөлгөн ымыркайлар үчүн интенсивдүү терапия палатасы жана медицина кызматкерлери үчүн бөлмөлөр жайгашат", — деп айтылат маалыматта.

Курулуш иштерине 57 миллион сом сарпталары айтылды. Долбоор Кувейт кайрымдуулук фонду тарабынан каржыланууда. Курулуш иштерин келерки жылдын апрель айында бүткөрүү пландалды.

438
Белгилер:
Төрөт үйү, Токмок
Тема боюнча
Исхакова: эмдөөсү жок балдар чет өлкөгө чыга албай калып жатат
Pfizer вакцинасы. Архив

Министр: КР Pfizer вакцинасын албай калды, Россиядан 500 миң доза күтүп жатабыз

11
(жаңыланган 15:04 19.01.2021)
Саламаттык сактоо министри Алымкадыр Бейшеналиев Кыргызстанга учурда эч бир вакцина алып келине электигин билдирди.

БИШКЕК, 19-янв. — Sputnik. Кыргызстан сактоо шарттарынын оордугунан улам Pfizer вакцинасын ала албай жатат. Учурда Россиядан алуу боюнча сүйлөшүүлөр жүрүп жатат. Бул тууралуу cаламаттык сактоо министри Алымкадыр Бейшеналиев Биринчи радионун эфиринде билдирди.

Министрдин айтымында, Pfizer препаратын сактоо шарттары Кыргызстанда түзүлгөн эмес.

"Глобалдуу альянс (сегиз вакцинанын ичинен) Pfizer вакцинасынан 1 млн. 200 миң дозаны акысыз берген. Америкалык бул вакцинаны элге алып келип, жеткиргенге чейин -70 градуста кармап туруш керек экен. Болбосо жараксыз болуп калат. Сактай турган атайын муздаткычтардын баасы 4 миң доллар болуп чыкты. Азыр бул маселе менен Финансы министрлигине кайрылдык. Шаар, облус борборлоруна муздаткычты коюш үчүн 2 млн. доллар керек экен. Андай акча бюджетте жок", — деди Бейшеналиев.

Эфир учурунда угармандан россиялык "Спутник V" вакцинасы эл арасында ишеним жаратып жатканы тууралуу жана аны алып келүү боюнча суроо берилди.

"Россия президенти Владимир Путинге КР президентинин милдетин аткаруучунун жана төраганын атынан 500 миң доза вакцина сурап кат жөнөттүк. Россиянын саламаттык сактоо министри Михаил Мурашко менен сүйлөшкөндө макул болгон. Бул маселе жакын арада чечилет. Россиялык вакциналардын артыкчылыгы -2 градустан -20 градуска чейин сактала турганы бар экен. Аларды 2-3 айдын ичинде алып келип калабыз", — деди министр.

Ал ошондой эле Кыргызстанга учурда эч бир вакцина алып келине электигин белгиледи.

Кыргызстандын коңшусу Казакстан 1-февралдан тарта коронавируска каршы россиялык "Спутник V" вакцинасы менен элди эмдей тургандыгын айтты.

11
Белгилер:
эмдөө, вакцина, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Казакстанда "Спутник V" менен эмдөөнү эртерээк баштамай болушту
Коронавируска каршы эмделгенден кийин эмнелерди кылбаш керек. Кеңештер
Стамбул аэропортундагы учактар. Архив

Эртеңден тарта Стамбул Бишкек Стамбул авиакаттамынын саны көбөйтүлөт

23
(жаңыланган 14:46 19.01.2021)
Жаңы чечимге ылайык, эртеңден тарта Стамбулга жумасына жети рейс аткарылат. Буга чейин авиакомпания жумасына беш рейс жасап турган.

БИШКЕК, 19-янв. — Sputnik. "Манас" эл аралык аэропорту Стамбул — Бишкек — Стамбул авиакаттамынын санын көбөйтмөй болду. Бул тууралуу аталган аба майдандан билдиришти.

Ага ылайык, эртең, 20-январдан тарта, Стамбул — Бишкек — Стамбул авиакаттамы боюнча жумасына жети рейс аткарылат.

Жүргүнчүлөрдү Turkish Airlines авиакомпаниясы ташыйт. Буга чейин авиакомпания жумасына беш рейс жасап турган.

23
Белгилер:
рейс, каттам, Бишкек, Стамбул, "Манас" эл аралык аэропорту
Тема боюнча
Кийинки жумадан тарта Бишкектен Лейлекке учак каттай баштайт
Бишкек шаарынын мээринин милдетин аткаруучу Балбак Түлөбаев. Архив

ЖК депутаттары Балбак Түлөбаевди иштен алууну президентке сунуштамай болду

0
(жаңыланган 15:13 19.01.2021)
Калаа башчысы Транспорт, архитектура жана курулуш комитетинин жыйынына тоготпостук мамиле кылып, келбей койгону айтылды.

БИШКЕК, 19-янв. – Sputnik. Жогорку Кеңештин депутаттары Бишкек шаарынын мэринин милдетин аткаруучу Балбак Түлөбаевди жана шаар бийлигинин башка тийиштүү өкүлдөрүн кызматтан алуу тууралуу сунушун президентке жолдомой болду. Бул тууралуу парламенттин маалымат кызматы билдирди.

Буга Бишкек мэринин милдетин аткаруучу Балбак Түлөбаевдин бүгүн, 19-январдагы, Жогорку Кеңештин Транспорт, архитектура жана курулуш комитетинин жыйынына тоготпостук мамиле кылып, келбей койгону себеп болгону айтылды.

Маалыматка ылайык, бүгүн комитетте курулуштагы көйгөйлөр жана курулуш үчүн документтерди берүү процедураларын оптималдаштыруу боюнча маселе каралмак жана суроолордун көпчүлүгү шаар бийлигинин өкүлдөрүнө берилмек. Жыйынга мэриянын бир да өкүлү келбегени депутаттарды нааразы кылган.

0
Белгилер:
кызматтан алуу, сунуш, депутаттар, Балбак Түлөбаев
Тема боюнча
Маршрутка көйгөйү: Милиция аялдамадагы аялдарды, балдарды үйүнө ташыды. Видео
Самара Каримова кызматынан кол жуушу мүмкүн. Маданият министрлиги сотко даттанды
Кербендеги башаламандык: Аксынын акими иштен алынды