Мурдагы президент Алмазбек Атамбаев ички иштер министринин мурунку орун басары Курсан Асанов. Архивдик сүрөт

Курсан Асанов алды делген пакет. Адвокат баштыктын ичинде эмне бар экенин айтты

18692
(жаңыланган 09:57 14.08.2019)
Социалдык тармакта Курсан Асанов Атамбаевден акча жана зер буюмдарды алып жатат делген видео тараган.

БИШКЕК, 14-авг. — Sputnik. Мурдагы президент Алмазбек Атамбаев ички иштер министринин мурунку орун басары Курсан Асановго берди делген баштыктын ичинде документ болгон. Бул туурасында мурдагы президенттин кеңешчиси Кундуз Жолдубаеванын адвокаты Замир Жоошев Facebook баракчасына жазды.

Белгилей кетсек, 13-августта социалдык тармактарда Атамбаевди кармоо учурунда Асанов андан акча, зер буюмдар жана маанилүү документтер салынган пакет алып жатат делген видео тараган.

Өз кезегинде Асанов бул боюнча жооп берип, эч кандай акча албаганын билдирген.

Жоошев чуу жараткан баштыктын сүрөтүн жарыялап, ал баштык анын колунда турганын айтты.

"Баштык Атамбаевдин адвокаты Сергей Слесаревге берилиши керек болчу. Башкача айтканда, 8-августта Атамбаев үйүнөн чыгып жатып документ салынган баштыкты адвокатына берип коюшун Жолдубаевадан суранган. Анын ичинде акча жана баалуу буюмдар болгон эмес. Анда Атамбаевдин кылмыш иши боюнча документтер болгон", — деп жазган Жоошев.

Анын айтымында, 8-августта үйдөн чыгып жатканда баштыкты Атамбаевдин жансакчысы алып чыккан. Кийин ал баштык Атамбаев менен кошо УКМКга алып келинген. Атамбаев, Жолдубаева жана жансакчы бир машинада келген. Мурдагы президент УКМКнын алдында калып, калганын ИИМге алып кетишкен.

"Баарын ИИМдин имаратына Кундуз Жолдубаева менен жансакчысы Канат Сагымбаев келгендеги видеодон көрүүгө болот. Анда баштык жансакчынын колунда турат. Ал эми ичине киргенден кийин баштык Кундуз Жолдубаевага берилген", — деп жазган адвокат.

Ошондой эле ал Жолдубаева ИИМге сурак берип жаткан учурда баштык жанында болгонун, кийин аны Слесаревге бергенин белгиледи.

Жоошев кечээ, 13-августта, Слесарев менен жолугуп ошол баштыкты алганын жазган.

Юрист фейк маалыматтарга ишенбөөгө чакырып, эгер чынында эле акча жана зер буюмдар салынган баштыкты берүү пландалса, ал башкача ишке ашмактыгын кошумчалады.

Ички иштер министринин орун басары Курсан Асанов "кыргыз милициясына чыккынчылык кылды, ишенимден чыкты" деген жүйө менен кызматтан алынган
Ага ИИМ кызмат ордун таштап, пиар менен алектенүү үчүн Атамбаев менен сүйлөшүүгө кирип барган деген кине коюуда

Белгилей кетсек, 7-августта УКМКнын мурунку президент Алмазбек Атамбаевди кармоо операциясы ишке ашпай калган. Атайын даярдыктагы бөлүктүн аскерлерине Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 100дөн ашуун киши жаракат алган. Алты аскер 20 саатка барымтага алынган. 

Эртеси, 8-августта, операцияны ИИМ жүргүзүп, сүйлөшүүлөрдөн кийин Атамбаев багынып берген. Биринчи Май райондук соту анын баш коргоо чарасын тандап, 26-августка чейин камакта калтырды. Мындан сырткары, бир нече тарапташы камалып, суракка чакырылууда.

18692
Белгилер:
Алмазбек Атамбаев, баштык, Курсан Асанов
Тема:
Курсан Асановдун министрдин орун басарлыгынан алынышы (17)
Тема боюнча
Курсан Асанов Алмазбек Атамбаевден акча алып жатат деген видео боюнча үн катты
Курсан Асанов иштен алынышы боюнча өз чындыгын айтты
Курсан Асановдун кайсы иши үчүн кызматтан алынганы белгилүү болду
Карантин аймагында турган кызматкер. Архив

Күйдүргү: Кара-Суунун Тогуз-Булак айылына карантин киргизилди

47
(жаңыланган 19:00 11.08.2020)
Саламаттык сактоо министрлиги бир бейтапта күйдүргү оорусу лабораториялык жактан тастыкталганын билдирди. Бейтаптын абалы канааттандырарлык.

БИШКЕК, 11-авг. — Sputnik. Жергиликтүү тургундардын арасында күйдүргү чыккан Кара-Суу районунун Папан айыл өкмөтүнүн Тогуз-Булак айылына карантин киргизилди. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, карантин 18-августка чейин уланат. Эреже боюнча Тогуз-Булак айылынын тургундары сыртка чыга албайт жана аймакка башкалардын кирүүсүнө тыюу салынат.

"Бөтөнчө ооруган уйду союп, этин алгандар үйдөн чыкпай, өзүн обочолоп отурушу керек. Ошондой эле сырттан мал жандыктарды алып кирүүгө жана чыгарууга болбойт", — деди айыл өкмөттүн башчысы.

Эске сала кетсек, бүгүн, 11-августта, Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Облустук ветеринардык инспекция лабораториялык текшерүү жүргүзүлүп жатканын айткан.

Кыргыз жерине апаат алып келген коркунучтуу 8 эпидемия. Видео

Ал арада Саламаттык сактоо министрлиги бир бейтапта күйдүргү оорусу лабораториялык жактан тастыкталганын билдирди. Учурда бардык бейтаптардын абалы канааттандырарлык, керектүү дарылоону алып жатышат.

Райондо оорунун очогун чектеп, жок кылуу үчүн ыкчам штаб түзүлүп, тиешелүү кызматтар менен жыйын курушкан. Ошондой эле ооруну алдын алуу тууралуу түшүндүрүү иштери жүргүзүлүп жатат.

47
Белгилер:
карантин, оору, күйдүргү, Тогуз-Булак, Кара-Суу району, Ош
Тема боюнча
Тогузбаева: шарп, кутурма, күйдүргү — адам өмүрү үчүн да кооптуу
Оштун Кара-Суусунда сегиз киши күйдүргүгө шектелип ооруканага түштү
Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты

Ооруканадагы электрондук кезек… Жээнбеков санариптешүүнүн жүрүшүн көрдү

36
(жаңыланган 18:11 11.08.2020)
Учурда ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилди.

БИШКЕК, 11-авг. — Sputnik. Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты. Бул тууралуу өлкө башчынын маалымат кызматы кабарлады.

  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Бишкектеги №8 Үй-бүлөлүк дарыгерлер борборунун директору Анара Шакеева мекемеде электрондук кезекке туруу системасы менен бейтаптардын электрондук амбулатордук картасы ишке киргенин айтып берген
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Ошондой эле ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилген
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Медицина кызматкерлери менен болгон баарлашууда Жээнбеков санариптештирүү мындан ары да мамлекеттик саясаттын артыкчылыктуу багыты болуп кала берерин белгилеген.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты

Ага ылайык, Бишкектеги №8 Үй-бүлөлүк дарыгерлер борборунун директору Анара Шакеева мекемеде электрондук кезекке туруу системасы менен бейтаптардын электрондук амбулатордук картасы ишке киргенин айтып берген.

"Бул жарандардын жана медиктердин убактысын үнөмдөп, коридорлордо кезекке турууну кыйла кыскартууга жардам берет", — деп айтылат маалыматта.

Ошондой эле ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилген.

Тааныш-билишти жоебуз! Президент кадр тандоонун жаңы ыкмасы ишке киргенин айтты

Медицина кызматкерлери менен болгон баарлашууда Жээнбеков санариптештирүү мындан ары да мамлекеттик саясаттын артыкчылыктуу багыты болуп кала берерин белгилеген.

Ушул эле күнү президент Свердлов райондук мамлекеттик администрациясына барып, "Аз камсыз болгон үй-бүлөнүн социалдык паспорту" аталышындагы тутум ишке киргизилгенин көргөн.

Аталган система субсидияларды жана жөлөк пулдардын автоматташтырылган эсебин иштеп чыгып, жөлөк пул алуучулардын бирдиктүү маалыматтык базасын түзөт. Бул социалдык жөлөк пулдарды дайындоонун даректүүлүгүн жогорулатып, муктаж эместерди тизмеден чыгарууга мүмкүндүк берет. Ошондой эле бюджеттик каражатты кыйла үнөмдөй турганы белгиленет.

36
Белгилер:
кезек, оорукана, Сооронбай Жээнбеков
Тема боюнча
Жээнбеков: ооруканалардын курулушуна 100 млн доллар салчу адамдар бар