Санкт-Петербург шаары. Архив

Кыргызстандык мугалимдер квалификациясын Санкт-Петербургдан жогорулатат

155
Курска катышкан мугалимдер мекенине келгенден кийин алган билимин бишкектик жана нарындык кесиптештери менен бөлүшөт.

БИШКЕК, 14-авг. — Sputnik. Кыргызстандык эки педагог Санкт-Петербургда квалификациясын жогорулатып жатат. Бул тууралуу Россиянын Бишкектеги Илим жана маданият борборунан кабарлашты.

Орус тили жана адабияты сабагы боюнча чет элдик мугалимдер үчүн уюштурулган курс 12-августтан 25-августка чейин созулат.

Программаны "Россотрудничество" Санкт-Петербургдун мэриясы менен биргеликте иштеп чыккан.

"Иш-чарага 34 мамлекеттен келген 70 мугалим катышууда. Кыргызстандын атынан барган делегациянын курамында Нарын мамлекеттик университетинин орус тили жана адабияты боюнча кафедрасынын жетекчиси Гүлзат Касаболотова менен КРСУнун мугалими Евгения Дмитриева бар", — деп айтылат маалыматта.

Окуу программасы Герцен атындагы Россия мамлекеттик педагогикалык университети тарабынан иштелип чыккан. Анын жыйынтыгы боюнча ар бир катышуучуга квалификациясы жогорулатылганы боюнча күбөлүк берилет.

Курска катышкан мугалимдер мекенине келгенден кийин алган билимин бишкектик жана нарындык кесиптештери менен бөлүшөт.

155
Белгилер:
квалификация, мугалим, Санкт-Петербург, Кыргызстан
Тема боюнча
Рута, хмель, базилик, солодка... Чөптөрдүн эне тилде аталышын билип алыңыз
Сахара чөлү. Архив

Күн катуу ысып, Жер үч миллион жыл мурдагы абалына кайтышы мүмкүн

0
Мындай кубулушка атмосферада көмүр кычкыл газынын топтолушу себеп болору айтылат. Бул өз кезегинде күндүн өтө ысышын шарттайт.

БИШКЕК, 15-июл. — Sputnik. Жердин климаты бир нече миллион жыл мурун аяктаган Плиоцен дооруна "кайтып келиши" мүмкүн экендигин РИА Новости Scientific Reports журналына шилтеме берип жазды.

Маалыматта мындай кубулушка атмосферада көмүр кычкыл газынын топтолушу себеп болору айтылат.

Изилдөөнүн авторлорунун айтымында, 2025-жылга карата атмосферадагы көмүр кычкыл газынын деңгээли акыркы 3,3 миллион жыл ичинде рекорддук деңгээлге жетиши мүмкүн. Бшкача айтканда, күн катуу ысыйт.

Геологдор кооптуу вулкандарга дрон менен байкоо салганды үйрөндү

Окумуштуулар муну Кариб деңизинин түбүндөгү калдыктардын химиялык курамын анализдеп аныкташкан. Алар үч миллион жыл мурунку, тагыраагы, Плиоцен доорунун аягындагы CO2 концентрациясын абада калыбына келтиришкен. Ал убакта жер бетиндеги температура үч градуска жогору, ошондой эле деңиз деңгээли бийигирээк болгон.

Байыркы убакта көмүр кычкыл газынын концентрациясын баалоо үчүн илимпоздор фораминифердин катмарлуу бор изотопторунун катышын аныкташкан. Бул көрсөткүч деңиз суусунун кычкылдуулугуна жараша болуп, өз кезегинде атмосферада СО2нин курамын аныктай турганы айтылат.

Изилдөөлөр көрсөткөндөй, Плиоцен доорунун эң жылуу мезгилинде атмосферада көмүр кычкыл газынын концентрациясы миллионго 380-420 бөлүктү түзгөн. Азыр бул көрсөткүч миллионго 415 бөлүктү түзөрү белгилүү. Бул антропогендик таасир Жерди олуттуу климаттык өзгөрүүлөрдүн баскычына алып келгендигин тастыктай турганы айтылат.

0
Белгилер:
климат, изилдөө, атмосфера, жер
Тема боюнча
Шашылыш билдирүү! Алдыдагы эки күн нөшөрлүү жаан жаап, сел жүрөт
Шаардык кызматкер сел убагында. Архив

Шашылыш билдирүү! Алдыдагы эки күн нөшөрлүү жаан жаап, сел жүрөт

13
(жаңыланган 11:58 15.07.2020)
Нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн.

БИШКЕК, 15-июл. — Sputnik. Бүгүнтөн тарта 17-июлга чейин туруксуз аба ырайына жана күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн. Бул тууралуу Кыргызгидромет маалымдап, билдирүү таратты.

"Коопсуздук иретинде жергиликтүү калктын жана мекеме-ишканалардын, уюмдардын (менчигинин түрүнө карабастан) күч-каражаттарын тартуу менен арыктарды, суу өткөрүү түтүктөрүн жана дренаждык түйүндөрдү тазалоо иш-чараларын жүргүзүү зарыл", — деп айтылат билдирүүдө.

Баткенде сел турак үйлөрдү каптап, жеңил унааны агызып кетти. Видео

ӨКМ тарабынан адам өлүмүнө жеткирбөө жана материалдык чыгымдарды болтурбоо максатында кечээ телефонограмма чыгарылып, тийиштүү Жарандык коргонуу кызматтарына, өкмөттүн облустагы ыйгарым укуктуу өкүлдөрүнө жеткирилген.

13
Белгилер:
сел, нөшөрлүү жаан, Кыргызгидромет, шашылыш билдирүү, аба ырайы
Тема боюнча
Тоңдо сел жүрүп, чоң жолдун бир бөлүгүн алып кетти. Видео