Ички иштер министринин мурдагы орун басары Курсан Асанов. Архив

Аскер прокуратурасы Курсан Асановдун үйүн тинтүүгө алды

5957
(жаңыланган 23:11 14.08.2019)
Асанов 13-августта "кыргыз милициясына чыккынчылык кылды, ишеничтен кетти" деген негиз менен кызматтан алынган болчу.

БИШКЕК, 14-авг. — Sputnik. Ички иштер министринин мурдагы орун басары Курсан Асановдун үйү тинтүүгө алынды. Бул туурасында анын адвокаты Икрамидин Айткулов билдирди.

Жактоочунун айтымында, бүгүн, 14-августта, Асанов Аскер прокуратурасына чакырылып, сурак берип чыккан. Ошондой эле жашаган үйү тинтүүгө алынган.

Асановго Кылмыш-жаза кодексинин 320-беренеси - "Кызмат абалынан кыянаттык менен пайдалануу" боюнча кылмыш иши козголуп, сотко чейинки тергөө иштери башталган.

Башкы прокуратуранын билдиришинче, Курсан Асанов 7-8-августта ички иштер министринин талаптарына жана буйругуна бир нече ирет баш ийбей жана укугу жок болсо да министрдин макулдугусуз өз алдынча чечим кабыл алган. Андан сырткары, ички иштер органдарынын жеке курамын башкаруусуз калтырган деп айыпталууда.

Асанов "кыргыз милициясына чыккынчылык кылды, ишеничтен кетти" деген негиз менен 13-августта ички иштер министринин орун басары кызматынан бошотулган.

Өз кезегинде Асанов мамлекеттин жана өзүнүн абийири алдында таза экенин белгилеген.

Эске салсак, 7-августта УКМКнын атайын даярдыктагы кызматы мурунку президент Алмазбек Атамбаевди кармоо операциясын жүргүзүп, ишке ашпай калган. "Альфанын" жоокерлерине Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 136 киши жаракат алды.

Эртеси, 8-августта, операцияны ИИМ жүргүзүп, сүйлөшүүлөрдөн кийин Атамбаев багынып берген. Мурдагы президент менен Курсан Асанов сүйлөшүп, багынууга көндүргөн видеосу жарыяланган.

5957
Белгилер:
кызмат, Башкы прокуратура, Кыргызстан, Курсан Асанов
Тема:
Курсан Асановдун министрдин орун басарлыгынан алынышы (17)
Тема боюнча
Курсан Асанов суракта. Аскер прокуратурасы кылмыш ишин козгоду
Башкы прокуратура: Курсан Асанов Кашкар Жунушалиевдин тилин албай койгон
Күч органдары Кундуз Жолдубаеванын үйүн тинтип жатат
Лабораториянын кызматкери иш учурунда. Архив

Россиянын COVID-19га каршы вакцинасына качан уруксат берилери айтылды

136
(жаңыланган 00:19 12.07.2020)
Июндун ортосунда РФ Саламаттык сактоо министрлиги коронавируска каршы вакцинанын эки түрүн клиникалык сыноодон өткөрүүгө уруксат бергенин жар салган.

БИШКЕК, 11-июл. — Sputnik. Россия чыгарган коронавируска каршы вакцинага регулятор жайдын соңу менен уруксат берет. Бул тууралуу Түз инвестициялар фондунун жетекчиси Кирилл Дмитриевдин айтканына таянып РИА Новости жазды.

Анын айтымында, ушу тапта Гамалея институтунан чыккан вакцинаны колдонууга чыгаруу боюнча иштер жигердүү жүрүп жатат.

"Бул өтө маанилүү. Россиялык вакцинага август-сентябрь айларында уруксат берилиши керек деген ойдобуз", — деди Дмитриев "Россия 1" каналынын эфиринде.

Россия коронавируска каршы дагы бир дары чыгарды. Мүнөздөмөсү

Ал COVID-19га каршы чыгарылган россиялык "Авифавир" менен АКШнын "Рамдесивир" дарысын салыштырып көрдү. Анын айтымында, россиялык препарат "Рамдесивирге" караганда алда канча натыйжалуу жана арзан. Мындан тышкары, ал ампула эмес таблетка түрүндө. Инвестор "Авифавир" менен Россиянын бардык аймагын камсыздоого өндүрүштүн күчү жете турганын белгиледи.

Июндун ортосунда РФ Саламаттык сактоо министрлиги коронавируска каршы вакцинанын эки түрүн клиникалык сыноодон өткөрүүгө уруксат бергенин жар салган. Препараттар Гамалея атындагы эпидемиология жана микробиология боюнча илим-изилдөө борбору тарабынан иштелип чыккан.

Сыноо Коргоо министрлигинин Бурденко атындагы госпиталында жана Сеченов медицина университетинде ыктыярчыларга жүргүзүлүүдө.

ДССУ Россиянын СOVID-19га каршы вакцинасына кызыгууда. Видео

Ушу тапта сыноо иштери соңуна чыгып калды. 15-июлда ыктыярчылардын биринчи тобу чыгарылат. Коргоо министрлигинин маалыматы боюнча алардын абалы жакшы, эч кандай даттануу жок.

Сеченов университетиндеги ыктыярчылардын да саламаттыгы жакшы экени белгиленген. Тесттин катышуучулары 15 жана 20-июлда чыгарылат.

136
Белгилер:
Россия, уруксат, ыктыярчылар, сыноо, вакцина
Тема:
Дүйнөгө жайылган коронавирус
Тема боюнча
COVID таасири: метеорологдор беш жылда климат кандай өзгөрөрүн айтышты
Ошко Москвадан кыргызстандыктар келди

Ошко Москвадан кыргызстандыктар келди

85
(жаңыланган 22:23 11.07.2020)
Келгендердин арасында жаш балдар, оор илдетке кабылгандар, жакында эле операция жасаткандар, жакындары кайтыш болгондор жана оор турмуш кырдаалына тушуккандар да бар.

БИШКЕК, 11-июл. — Sputnik. Ошко Москвадан 156 кыргыз жараны келди. Бул тууралуу ТИМдин маалымат кызматы кабарлады.

  • В Международном аэропорту «Ош» 11 июля встретили чартерный рейс авиакомпании «Авиатраффик Компани» по маршруту Москва-Ош.
    Ошко Москвадан 156 кыргыз жараны келди
    © Фото / пресс-служба МИД КР
  • В Международном аэропорту «Ош» 11 июля встретили чартерный рейс авиакомпании «Авиатраффик Компани» по маршруту Москва-Ош.
    Бул тууралуу ТИМдин маалымат кызматы кабарлады
    © Фото / пресс-служба МИД КР
  • В Международном аэропорту «Ош» 11 июля встретили чартерный рейс авиакомпании «Авиатраффик Компани» по маршруту Москва-Ош.
    Ага ылайык, "Ош" эл аралык аэропорту "Авиатрафик Компани" авиакомпаниясынын Москва — Ош багыты боюнча мекендештердин чартердик каттамын тосуп алган
    © Фото / пресс-служба МИД КР
1 / 3
© Фото / пресс-служба МИД КР
Ошко Москвадан 156 кыргыз жараны келди

Ага ылайык, "Ош" эл аралык аэропорту "Авиатрафик Компани" авиакомпаниясынын Москва — Ош багыты боюнча мекендештердин чартердик каттамын тосуп алган.

ТИМ: мекенге кайтууну көздөп 57 өлкөдөн КР жарандары кайрылды

"Алардын арасында жаш балдар, оор илдетке кабылган, жакында эле операция жасаткан, жакындары кайтыш болгон жана оор турмуш кырдаалына тушуккан жарандар бар", — деп айтылат маалыматта.

Тизмени Москвадагы кыргыз медициналык клиникаларынын дарыгерлери жана элчиликтин кызматкерлеринен турган атайын комиссия түзгөнү айтылды.

85
Белгилер:
тизме, учак, мекендештер, каттам, Москва, Ош
Тема боюнча
РФтеги элчиликте иштегендер кол салууга дуушар болушту. Шектүүлөр изделүүдө

COVID-19дун белгилери байкалган тааныш же туугандарыңыз барбы?

0
0