Унаанын ачкычы жана акча каражаттары. Архив

Эки жумадай калды! Үй-жай, унаа, жерге салык төгө электерге кулак кагыш

575
Салыкты өз убагында төлөбөгөн учурда жеке жактарга 1000 сом, юридикалык жактарга 5000 сом өлчөмүндө административдик айып салынары белгиленди.

БИШКЕК, 21-авг. — Sputnik. Сентябрда транспорт, турак жай жана жер салыктарын төлөө мөөнөтү аяктайт. Бул туурасында Мамлекеттик салык кызматынан кабарлашты.

Аталган ведомство бир катар салыктарды төлөөнүн мөөнөтү жакындап калганын эскертти.

"Ушул жылдын 1-сентябрына чейин транспорт каражаттарына, 2-сентябрга чейин турак үй, батир (ишкерлик иш үчүн пайдаланылбаган) жана жер салыгын (короо-жай жанындагы, бактуу чарба жер участоктору) төлөө зарыл", — деп айтылат билдирүүдө.

Маалыматта салыкты бардык банктардын кассаларында, почта бөлүмүндө, ошондой эле төлөм терминалдары, мобилдик жана интернет банкинг аркылуу төгүүгө болору белгиленет.

Салыктарды өз убагында төлөбөгөн учурда жеке жактарга 1000 сом, юридикалык жактарга 5000 сом өлчөмүндө административдик айып салынары айтылат.

Кеңири маалыматты 1240 номери же www.sti.gov.kg сайты аркылуу, ошондой эле жергиликтүү салык органдарынан алууга болору кошумчаланды.

575
Белгилер:
жер, автоунаа, үй, мөөнөт, салык, Кыргызстан
Тема боюнча
Салык кызматы: июль айында салыктар былтыркыдан 1 миллиард сомго көп чогулду
Салык кызматы ишкерлер жашырып койгон 251 миң сомду тапты
Футболчу Диего Марадона кесипкөй бокстун эки салмак боюнча дүйнө чемпиону Сантос Ласьяр менен 1996-жылы бокс беттеши учрунда. Архив

Соцтармак Марадонанын бокстагы дебютун эскерди. Видео

16
Беттештен бир күн мурда мушкерлер салт катары таразага түшүшүп, Марадона атаандашынан 14 килограммга оор болгон.

БИШКЕК, 27-ноя. – Sputnik. Диего Марадона 1996-жылы бокс спортунда өз күчүн сынап, досу, кесипкөй бокстун эки салмак боюнча дүйнө чемпиону Сантос Ласьяр менен рингге чыккан. Бул тууралуу World Boxing Council (Дүйнөлүк бокс кеңеши) уюму футболчунун бокстагы дебютун эскерип, анын беттешиндеги үзүндүлөрүн Instagram баракчасына жарыялады.

Посмотреть эту публикацию в Instagram

Публикация от World Boxing Council (@wbcboxing)

Марадона ошол кезде өзү ойногон "Бока Хуниорс" футбол командасынын кийимине түспөлдөш көк-сары түстөгү чолок шымчан мушташкан. Атаандашы Ласьяр WBA (Дүйнөлүк бокс ассоциациясы) уюмунун титулу үчүн түштүк африкалык Питер Матебуланы уткандан кийин 15 жылдан соң рингге чыккан.

Маалыматтарга ылайык, беттештен бир күн мурда мушкерлер салт катары таразага түшүп, Марадона (75,3 килограмм) атаандашынан (61,45 килограмм) 14 килограммга оор болгон.

Тамашалуу маанайдагы беттеш үч раундга созулуп, айрым жеринде боксчулар бири-бирине эмес, калыска чабуул жасап, соккулашкан. Беттештин соңунда легендарлуу футболчу топту бут менен ойноонун керемет ыкмаларын жасап, көрүүчүлөрдүн көңүлүн көтөргөн.

Эске салсак, Диего Марадона 25-ноябрда 60 жаш курагында Буэнос-Айрес шаарынан анча алыс эмес жайгашкан Тигре шаарындагы жашап жаткан үйүндө жүрөк кемтиги оорусунан улам көз жумган.

Аргентинанын президенти бул кайгылуу окуяга байланыштуу үч күндүк аза күтүү күнүн жарыялаган.

16
Белгилер:
эскерүү, бокс, Диего Марадона
Тема боюнча
Легендарлуу футболчу Диего Марадона көз жумду
Өнөр жай, энергентика жана жер казынасын пайдалануу мамлекеттик комитетинин төрагасынын орун басары болуп дайындалган Вероника Исаева. Архив

Вероника Исаева Өнөр жай мамлекеттик комитетинин төрага орун басары болду

15
(жаңыланган 09:31 27.11.2020)
Тиешелүү буйрукка премьер-министрдин милдетин аткаруучу Артем Новиков кол койгон. Жаңы жетекчинин өнөр жай тармагында 15 жылдык тажрыйбасы бар.

БИШКЕК, 27-ноя. — Sputnik. Вероника Исаева Өнөр жай, энергетика жана жер казынасын пайдалануу мамлекеттик комитетинин төрагасынын орун басары болуп дайындалды. Бул тууралуу мекеменин маалымат кызматы кабарлады.

Тиешелүү буйрукка премьер-министрдин милдетин аткаруучу Артем Новиков кол койгон. Кечээ аны комитеттин төрагасы Жыргалбек Сагынбаев эмгек жамаатка тааныштырган.

Вероника Исаева акыркы үч жылда жеке бизнесте өнөр жай долбоорлорун ишке ашырып келген. Жалпысынан бул тармакта 15 жылдык тажрыйбасы бар.

15
Белгилер:
дайындоо, кызмат, Кыргызстан
Тема боюнча
Ализа Солтонбекова министрлик ишине расмий киришти