Мурдагы президент Алмазбек Атамбаевдин уулу Сеид Атамбаев. Архив

Сеид Атамбаев кайнатасынын үйүнөн табылган акчанын чоо-жайын айтты

3748
(жаңыланган 16:43 22.08.2019)
Президенттин уулу курмандык чалуу үчүн бука сатып алууга акча даярдап койгонун айтууда.

БИШКЕК, 22-авг. — Sputnik. Мурдагы президент Алмазбек Атамбаевдин уулу Сеид Атамбаев милиция кызматкерлери кайнатасынын үйүнөн тапкан акча боюнча маалымат берди.

Белгилей кетсек, 9-августта милиция Алмазбек Атамбаевдин кудасынын үйүн тинтип, уулу Сеид калтырып кеткен 170 миң сом акча, адамдардын аты-жөнү жазылган барактар табылганын билдирген. Ошондой эле 2,2 миллион сом жана 318 миң доллар чыгымдалганын далилдеген материалдар болгонун айткан. Милиция акчалар митингге чыккандарды жана башаламандык уюштургандарды каржылаганга кетиши мүмкүн деп болжогон.

Сеид Атамбаев ал каражатка Курман айт күнү курмандык чалуу үчүн бука сатып алууну пландап жатканын айтууда.

"Ооба, сумкамда 170 миң сом бар болчу. Биздин атабыз Курман айтка карата жыл сайын Арашан айылына 10 бука таратып берчү. Ал букаларга аванс катары бериле турган акча эле. Бул жыл биздин үй-бүлөбүзгө оор болду, ошон үчүн өзүмдүн ниетим менен атамдан уруксат алып, өз каражатыма атамдын атынан элге жардам берем деп ойлогом. Карапайым калкыма, алыстан келген мекендештериме, жөнөкөй элге, биздин "Элдик штабды" колдогон кишилерге ыраазычылык билдирейин дегем", — деп айткан Сеид.

Ошондой эле ал атасы курмандык чалууну 1992-жылдан бери салтка айлантканын кошумчалады. Мындан сырткары, Атамбаев жыл сайын Улуу Ата Мекендик согуштун ардагерлерине, кары-картаңдарга жана майыптарга да жардам берип келгенин белгилейт.

3748
Белгилер:
тинтүү, милиция, курман айт, акча
Тема боюнча
Күч органдары Кундуз Жолдубаеванын үйүн тинтип жатат
Pfizer вакцинасы. Архив

Министр: КР Pfizer вакцинасын албай калды, Россиядан 500 миң доза күтүп жатабыз

19
(жаңыланган 15:24 19.01.2021)
Саламаттык сактоо министри Алымкадыр Бейшеналиев Кыргызстанга учурда эч бир вакцина алып келине электигин билдирди.

БИШКЕК, 19-янв. — Sputnik. Кыргызстан сактоо шарттарынын оордугунан улам Pfizer вакцинасын ала албай жатат. Учурда Россиядан алуу боюнча сүйлөшүүлөр жүрүп жатат. Бул тууралуу cаламаттык сактоо министри Алымкадыр Бейшеналиев Биринчи радионун эфиринде билдирди.

Министрдин айтымында, Pfizer препаратын сактоо шарттары Кыргызстанда түзүлгөн эмес.

"Глобалдуу альянс (сегиз вакцинанын ичинен) Pfizer вакцинасынан 1 млн. 200 миң дозаны акысыз берген. Америкалык бул вакцинаны элге алып келип, жеткиргенге чейин -70 градуста кармап туруш керек экен. Болбосо жараксыз болуп калат. Аларды сактай турган атайын муздаткычтар керек болуп чыкты. Азыр бул маселе менен Финансы министрлигине кайрылдык. Шаар, облус борборлоруна муздаткычты коюш үчүн 2 млн. доллар керек экен. Андай акча бюджетте жок", — деди Бейшеналиев.

Эфир учурунда угармандан россиялык "Спутник V" вакцинасы эл арасында ишеним жаратып жатканы тууралуу жана аны алып келүү боюнча суроо берилди.

"Россия президенти Владимир Путинге КР президентинин милдетин аткаруучунун жана төраганын атынан 500 миң доза вакцина сурап кат жөнөттүк. Россиянын саламаттык сактоо министри Михаил Мурашко менен сүйлөшкөндө макул болгон. Бул маселе жакын арада чечилет. Россиялык вакциналардын артыкчылыгы -2 градустан -20 градуска чейин сактала турганы бар экен. Аларды 2-3 айдын ичинде алып келип калабыз", — деди министр.

Ал ошондой эле Кыргызстанга учурда эч бир вакцина алып келине электигин белгиледи.

Кыргызстандын коңшусу Казакстан 1-февралдан тарта коронавируска каршы россиялык "Спутник V" вакцинасы менен элди эмдей тургандыгын айтты.

19
Белгилер:
эмдөө, вакцина, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Казакстанда "Спутник V" менен эмдөөнү эртерээк баштамай болушту
Коронавируска каршы эмделгенден кийин эмнелерди кылбаш керек. Кеңештер
Стамбул аэропортундагы учактар. Архив

Эртеңден тарта Стамбул Бишкек Стамбул авиакаттамынын саны көбөйтүлөт

29
(жаңыланган 14:46 19.01.2021)
Жаңы чечимге ылайык, эртеңден тарта Стамбулга жумасына жети рейс аткарылат. Буга чейин авиакомпания жумасына беш рейс жасап турган.

БИШКЕК, 19-янв. — Sputnik. "Манас" эл аралык аэропорту Стамбул — Бишкек — Стамбул авиакаттамынын санын көбөйтмөй болду. Бул тууралуу аталган аба майдандан билдиришти.

Ага ылайык, эртең, 20-январдан тарта, Стамбул — Бишкек — Стамбул авиакаттамы боюнча жумасына жети рейс аткарылат.

Жүргүнчүлөрдү Turkish Airlines авиакомпаниясы ташыйт. Буга чейин авиакомпания жумасына беш рейс жасап турган.

29
Белгилер:
рейс, каттам, Бишкек, Стамбул, "Манас" эл аралык аэропорту
Тема боюнча
Кийинки жумадан тарта Бишкектен Лейлекке учак каттай баштайт
Бишкек шаарынын мээринин милдетин аткаруучу Балбак Түлөбаев. Архив

ЖК депутаттары Балбак Түлөбаевди иштен алууну президентке сунуштамай болду

0
(жаңыланган 15:20 19.01.2021)
Калаа башчысы Транспорт, архитектура жана курулуш комитетинин жыйынына тоготпостук мамиле кылып, келбей койгону айтылды.

БИШКЕК, 19-янв. – Sputnik. Жогорку Кеңештин депутаттары Бишкек шаарынын мэринин милдетин аткаруучу Балбак Түлөбаевди жана шаар бийлигинин башка тийиштүү өкүлдөрүн кызматтан алуу тууралуу сунушун президентке жолдомой болду. Бул тууралуу парламенттин маалымат кызматы билдирди.

Буга Бишкек мэринин милдетин аткаруучу Балбак Түлөбаевдин бүгүн, 19-январдагы, Жогорку Кеңештин Транспорт, архитектура жана курулуш комитетинин жыйынына тоготпостук мамиле кылып, келбей койгону себеп болгону айтылды.

Маалыматка ылайык, бүгүн комитетте курулуштагы көйгөйлөр жана курулуш үчүн документтерди берүү процедураларын оптималдаштыруу боюнча маселе каралмак жана суроолордун көпчүлүгү шаар бийлигинин өкүлдөрүнө берилмек. Жыйынга мэриянын бир да өкүлү келбегени депутаттарды нааразы кылган.

“Ушуну менен мэрия Жогорку Кеңештин жыйынын этибарга албай, экинчи жолу келген жок. Эгер мындай болсо мэрия боюнча биз да чечим чыгарып берели. Бишкек архитектурасын Мамлекеттик курулуш агенттигине өткөрүп берүү тууралуу Өкмөттүн токтому чыккан. Токтомду да мэрия аткарбай кечеңдетип жатат”, — деди депутат Тынчтыкбек Конушбаев. 

Бул пикирди колдогон эл өкүлү Кубанычбек Жумалиев мэрди жана маселеге тийиштүү жетекчилерди кызматынан алуу тууралуу кат жазып, президентке жөнөтүү сунушун берди. 

Ал эми Рыскелди Момбеков курулуш тармагындагы бардык коррупциялык схемалар мэрияда орун алып жатканын сынга алды.

“Мыйзам боюнча мэрди чакырганга биздин укугубуз бар. Мынакей буга чейин Бишкектин төрт мэри отуруп чыкты. Анткени курулуш тармагы боюнча коррупция беренеси менен көпчүлүгү абакта жатат. Бишкектин мурунку башкы архитектору коррупция менен кармалып, жакында чыкты. Ар бир үчүнчү кылмыш мэрияда болот. Комитет ушундай коррупцияны демонтаж кылайын деп жатса, мэр өзү келбегени чыныгы саботаж. Ал аз келгенсип, бир да өкүлүн жөнөткөн жок”, — деди Момбеков.

Жыйын соңунда тармактык комитеттин депутаттары курулуш боюнча маселени сессияга алып чыгып кеңири кароо жана шаар бийлигине чара көрүү чечимин кабыл алды.

 

0
Белгилер:
кызматтан алуу, сунуш, депутаттар, Балбак Түлөбаев
Тема боюнча
Маршрутка көйгөйү: Милиция аялдамадагы аялдарды, балдарды үйүнө ташыды. Видео
Самара Каримова кызматынан кол жуушу мүмкүн. Маданият министрлиги сотко даттанды
Кербендеги башаламандык: Аксынын акими иштен алынды