Уйлар. Архив

Эт, сүт багытындагы ири мүйүздүү мал багат белеңиз? Индонезиядан урук келди

297
Уруктарды алуу үчүн Айыл чарба министрлигинин Биотехнологиялык борборуна кайрылуу керек.

БИШКЕК, 28-авг. — Sputnik. Кыргызстанга Индонезиядан эт багытындагы букалардын жана текелердин жогорку сапатта тоңдурулган уруктары алып келинди. Бул туурасында Айыл чарба, тамак-аш жана мелиорация министрлигинен кабарлашты.

Маалыматта эки өлкөнүн өкмөтү жана Ислам өнүктүрүү банкынын кызматташуу меморандумунун негизинде 12 500 доза жогорку сапатта тоңдурулган урук алып келингени айтылат.

Анда эт, сүт багытындагы ири мүйүздүү малдардын төмөндөгү породалары бар:

  • Симментал — 2000 доза;
  • Лимузин — 2000 доза;
  • Ангус — 1500 доза;
  • Брахман — 2000 доза;
  • Голштино-Фриз — 3000 доза;

Алып келинген урукта эт, сүт багытындагы эчкилердин төмөнкү породалары бар:

  • Саанен — 1000 доза;
  • Сендуро — 750 доза;
  • Боер — 250 доза;

Билдирмеде уруктарды Мал чарба жана жайыт илим-изилдөө институтунун алдындагы Биотехнологиялык борбордон алууга болору кошумчаланат.

297
Белгилер:
Кыргызстан, Индонезия, бука, эт, Сүтак
Тема боюнча
Ээси 10 миң долларга бербеген алп кочкор Гулливердин жеңиши. Казакстандагы видео
Ок атуу болгон Россиянын Пермь мамлекеттик улуттук изилдөө университетинин жаныдагы полиция кызматкерлери

ТИМ: Пермдеги ЖОЖдо ок жегендердин арасында кыргызстандыктар жок

16
(жаңыланган 00:29 21.09.2021)
Кечээ, 20-сентябрда, Пермдеги жогорку окуу жайдын студенти имараттын ичиндегилерге ок чыгарган. Бир нече убакыттан соң полиция аны жарадар кылып, кармаган.

БИШКЕК, 21-сен. — Sputnik. Россиянын Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында кыргызстандыктар жок. Бул тууралуу ТИМдин маалымат кызматынан кабарлады.

"Пермь аймагынын компетенттүү органдарынын алдын ала маалыматы боюнча, 2021-жылдын 20-сентябрында Пермь мамлекеттик улуттук изилдөө университетинде болгон окуяда жабыркагандардын жана каза болгондордун арасында Кыргызстандын жарандары жок", — деп айтылат таратылган билдирүүдө.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Жыйынтыгында ок чыгарган студент кармалган.

16
Белгилер:
Россия, Пермь, студент, ок атуу, полиция
Тема боюнча
Пермдеги элди аткан студент полиция кызматкерине да ок чыгарган. Чоо-жайы
Жапаров Путинге Пермдеги окуя боюнча көңүл айтты
Милиция кызматкерлери. Архив

Бишкек: заводдун аймагынан бомба табылган жок. Ишти эми УКМК изилдейт

56
(жаңыланган 22:33 20.09.2021)
Атын атагысы келбеген киши милицияга саат 14:50 чамасында чалып, имаратка бомба коюлгандыгын кабарлаган.

БИШКЕК, 20-сен. — Sputnik. Борбор калаадагы Фрунзе атындагы заводдун аймагынан бомба табылган жок. Бул тууралуу Ленин райондук милициясынан кабарлады.

"Калп айтып, коомчулукту дүрбөткөн факты Ленин райондук ИИБине катталды. Чогултулган материалдар эми УКМКга өткөрүп берилет", — деп айтты маалымат кызматынан.

Аталган жайга бомба коюлду деген кабар милицияга саат 14:50 чамасында келип түшкөн.

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен. Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери да барган.

56
Белгилер:
Кыргызстан, Бишкек, бомба, жалган маалымат
Тема боюнча
Бишкекте Фрунзе заводунун аймагынан бомба издеп жатышат