Жолдо бараткан унаа. Архивдик сүрөт

Айланма жолго алынчу акынын болжолдуу суммасы айтылды

1727
(жаңыланган 19:18 28.08.2019)
Сынамык иретинде 73 чакырымдык жол, башкача айтканда, Бишкектин Алматы көчөсүнөн тарта Чым-Коргон айылына чейинки айланма трасса сунушталган.

БИШКЕК, 28-авг. — Sputnik. Транспорт жана жол министрлиги буга чейин Чүй облусундагы айланма жолуна акы алуу сунушун берген.

Долбоор акча төлөп пайдаланган автожолдор жөнүндөгү мыйзамга өзгөртүү киргизүү боюнча мамлекеттик органдар менен макулдашылып, өкмөттүн аппаратына жиберилген.

Сынамык иретинде 73 чакырымдык жол, башкача айтканда, Бишкектин Алматы көчөсүнөн тарта Чым-Коргон айылына чейинки айланма трасса сунушталган.

Эми Транспорт жана жолдор министрлигинин акы төлөнүүчү жолдор боюнча эксперттик тобунун жетекчиси Нурлан Кайынбаев Sputnik агенттигинин кабарчысына айланма жол аркылуу жүрүүнүн болжолдуу акысын айтып берди.

"Тарифтердин методикасын өкмөт аныктайт. Бирок алдын ала болжолдуу эсеп бар, транспорттун түрүнө жараша ар бир чакырым 2 сомдон 10 сомго чейин эсептелиши мүмкүн", — деди Кайынбаев.

Ал ошондой эле бул аралык менен жүргөн айдоочулар 146 сомдон 730 сомго чейин төлөшү ыктымал экенин кошумчалады.

1727
Белгилер:
акы, жол, айланма, Чүй облусу
Тема боюнча
Эки жумадай калды! Үй-жай, унаа, жерге салык төгө электерге кулак кагыш
Унаа чындап эле кымбаттайбы? Бажы боюнча жаңы эрежелер иштей баштайт
Электр линиялары. Архив

Түндүкэлектр: Бишкекте жарыктын массалык өчүшүнө биздин кабелдер себепчи эмес

40
(жаңыланган 23:48 30.10.2020)
ТЭЦтеги авариядан кийин ишкананын кызматкерлери ТЭЦ-Б жана Бишкек-1 подстанцияларынын 110 киловольттуу кабель чубалгыларын текшерип көрүшкөн.

БИШКЕК, 30-окт. — Sputnik. 110 жогорку киловольттук кабель чубалгысы бузулган эмес. Бул тууралуу "Түндүкэлектр" ишканасынын маалымат кызматы кабарлады. 

Эске салсак, кечээ, 29-октябрда, Бишкектин бир топ бөлүгүндө электр жарыгы өчүп, ЖЭБден буу чыккан.

"Түндүкэлектр" ишканасынын маалымат кызматы билдиргендей, ТЭЦтеги авариядан кийин ишкананын кызматкерлери ТЭЦ-Б жана Бишкек-1 подстанцияларынын 110 киловольттуу кабель чубалгыларын оңдош үчүн чыгарып кетишкен.

"Адистер кабель чубалгыларын комплекстүү лабораториялык текшерүүдөн өткөрүшкөн. Жыйынтыгында анын техникалык талаптарга жооп бере турганы аныкталган. 30-октябрда кабелдик чубалгылардын өзүн эле иштетип көрүшкөн, андан соң көмөк чордонго кошуп текшеришкен. Бул иш-чаралардын жыйынтыгында 110 киловольттуу кабель чубалгылары бузулбаганы далилденген", — деп айтылат маалыматта.

Ишкана ЖЭБдин "системалык авариянын келип чыгышына 110 киловольттуу кабель линиясынын ("Түндүкэлектр" ишканасына тиешелүү) зымдары тийишип кеткени себеп болгон" деген маалыматы тастыкталбаганын кошумчалады.

Шаардыктар жарыксыз калганда. ТЭЦтеги кырдаалды асмандан көрсөткөн видео

Эске салсак, калаада жарык жапырт өчкөндөн кийин "Түндүкэлектр" ишканасы ТЭЦте авария болуп, жогорку вольттогу подстанция чыңалуусуз калганын кабарлаган.

Кийинчерээк ТЭЦтин директору Андрей Воропаев ЖЭБде авария болбогонун, жөн гана авариялык коргонуучу система иштеп кеткендиктен ТЭЦтен буу чыкканын билдирген.

40
Тема боюнча
Бишкекте митингге чыккан энергетиктер эмнеге нааразы? Видео
Кызыл Жарым Ай коомдун мобилдик бригадасы

COVID-19га кабылган бейтаптарга Кызыл жарым ай коому жардам берүүдө

37
(жаңыланган 21:22 30.10.2020)
Мобилдик бригада бейтаптарды биринчи кароодон өткөрүүгө көмөктөшүп, кычкылтек концентраторун беришет. Ошондой эле ооруканага жаткырып, жеринде биринчи жардам көрсөтө алышат.

БИШКЕК, 30-окт. – Sputnik. Бишкектеги Кызыл жарым ай коому COVID-19га кабылгандарга тез жардам көрсөтүүгө көмөктөшүүдө. Бул тууралуу Республикалык штабдан кабарлашты.

Билдирмеге ылайык, Кызыл жарым ай коомунун бригадасына окуудан өткөн ыктыярчылар, медициналык академиянын дарыгерлери жана студенттери тартылган.

"Мобилдик бригада бейтаптарды биринчи кароодон өткөрүүгө көмөктөшүп, кычкылтек концентраторун беришет. Ошондой эле ооруканага жаткырып, жеринде биринчи жардам көрсөтө алышат", — деп айтылат маалыматта.

Дарыгер коронавируска кабылган балдарды дарылоонун өзгөчөлүктөрүн айтты

Бишкек шаарынын тургундары оорунун белгилери байкалган учурда 0502 300 190 номерине (мобилдик бригада) чалып, кайрыла алышат.

37
Белгилер:
жардам, бейтап, коронавирус, Кызыл жарым ай коому
Тема:
Коронавируска байланыштуу Кыргызстандагы кырдаал
Тема боюнча
Өткөн суткада COVID 596 кишиден табылды. 90 бейтаптын абалы өтө оор
Коронавирустан үч киши каза болду
Сейсмаограф маалыматтары. Архив

Түркияда экинчи ирет күчү 5 баллдан ашкан жер титиреди

0
(жаңыланган 00:00 31.10.2020)
Жер титирөөнүн очогу өлкөнүн түштүк-батышындагы Айдын аймагынын Кушадасы районунан 20 чакырым алыс жайгашкан.

БИШКЕК, 30-окт. — Sputnik. Түркиянын Эгей деңизинин жээгинде күчү 5,1 баллга жеткен дагы бир жер силкинүү катталды. Бул тууралуу Anadolu агенттигинин маалыматына таянып РИА Новости билдирди.

Ага ылайык, жер титирөөнүн очогу өлкөнүн түштүк-батышындагы Айдын аймагынын Кушадасы районунан 20 чакырым алыс жайгашкан. Анын кесепети боюнча азырынча маалымат жок.

Бул бүгүнкү күндүн эсебинен Түркиядагы экинчи жер титирөө. Биринчисинин күчү 6,6 баллга жетип, зилзаланын очогу Измирдеги Сеферлихисар шаарындагы райондо жайгашкан. Жер титирөөнүн очогунун тереңдиги 16,5 чакырымды түзгөн.

Ураган имарат, кафеден чыга качкан эл. Түркиядагы зилзаланын видеосу

Акыркы маалыматтар боюнча, Измирдеги жер титирөөдөн көп кабаттуу үйлөр урап, 400дөн ашык киши жабыркап, 12 киши көз жумган.

0
Белгилер:
жаратылыш кырсыгы, жер титирөө, Түркия