ИИМ министри Кашкар Жунушалиев. Архивдик сүрөт

Жунушалиевди колдогон Instagram баракчасы "жоголуп" кетти

710
(жаңыланган 19:29 30.08.2019)
Министрди колдоо баракчасы ушул жылдын 16-августунан тарта иштеп баштаган.

БИШКЕК, 30-авг. — Sputnik. Instagram тармагында ички иштер министри Кашкар Жунушалиевди колдоо иретинде @za_zhunushalieva деп ачылган аккаунт жоголуп кетти.

Ал баракчага биринчи сүрөт ушул жылдын 16-августунда жүктөлгөн. Жунушалиевдин алты сүрөтү жарыяланып, бирок катталган адамдардын саны 76,9 миң болчу. Министрди колдогон баракча ошол кездеги орун басары Курсан Асановду көпчүлүк "Кой-Таш окуясынын баатыры" катары сыпаттап, ал кызматтан алынгандан кийин пайда болгон.

Скриншот аккаунта За Джунушалиева, созданный в поддержку министра внутренних дел КР в Instagram
© instagram
Скриншот аккаунта "За Джунушалиева", созданный в поддержку министра внутренних дел КР в Instagram

Бул аккаунтка министрдин сүрөттөрү жарыяланганда көпчүлүк баракчага кантип катталып калгандыгына түшүнбөй комментарий жазышкан. Айрымдар бул аккаунт мурда кыз-келиндердин кийимин саткан @st__collection дүкөнү экенин айтышкан. 

Комментарии под аккаунтом За Джунушалиева, созданный в поддержку министра внутренних дел КР в Instagram
© instagram
Скриншот комментариев под аккаунтом "За Джунушалиева", созданный в поддержку министра внутренних дел КР в Instagram

Бүгүн, 30-августта, Instagram колдонуучулары Жунушалиевди колдогон аккаунт көздөн кайым болгонун байкашкан. Көп өтпөй эле 4300дөн ашыгыраак катталуучусу менен дагы бир @za_zunushalieva деген баракча пайда болду. 

Новый закрытый аккаунт За Джунушалиева, созданный в поддержку министра внутренних дел КР в Instagram
© instagram
Скриншот нового закрытого аккаунта "За Джунушалиева", созданный в поддержку министра внутренних дел КР в Instagram

Мындан сырткары, окурмандар Sputnik Кыргызстан агенттигине Жунушалиевди колдогон аккаунт кайра @st__collection деп өзгөртүлгөнүн айтышты. Министрди колдогон аккаунтту издегенде @st__collection баракчасы чыгып, анын астынан "За Кашкара Джунушалиева" деген фразаны көрүүгө болот. 

Скриншот поиска аккаунта st_collection в Instagram
© instagram
Скриншот поиска "za zhu" в Instagram

Мындан улам @st__collection баракчасынын ээси менен байланыштык, ал мурдараак аккаунтун сатканын ырастап, кимге бергенин айтуудан баш тартты. Ошондой эле ал аты-жөнүн жарыялабоону өтүндү. 

Кабарчы сүйлөшкөндөн кийин бир заматта 4,3 миң катталуучусу бар "За Кашкар Жунушалиева" деген жабык аккаунт пайда болду. Ал эми st__collection баракчасы @wwwwwww.wwwwww_ деп өзгөртүлдү.

Жунушалиевди колдогон аккаунт акыры @wwwwwww.wwwwww_ деген баракча болуп калды. Муну төмөндөгү скринден көрүүгө болот.

Скриншот поиска za zhu в Instagram
© instagram
Скриншот поиска "za zhu" в Instagram

Редакция бул баракчага министрдин тиешеси жар-жогун билүү үчүн ИИМдин маалымат кызматы менен байланышууга аракет кылды. Министрликтен бул боюнча маалымат кызматтын жетекчиси Бакыт Сеитовго кайрылууну сунушташты. Бирок аны менен сүйлөшүүгө мүмкүн болбой жатат.

710
Белгилер:
социалдык тармак, өчүрүү, колдоо, аккаунт, баракчалар, Instagram, Кашкар Жунушалиев
Тема боюнча
Жунушалиевдин кызыкчылыгы бар. Курсан Асановдун адвокаты президентке кайрылды