Баткен айылы. Архивдик сүрөт

Баткен менен Таласка таза суу жеткирүү үчүн 20 млн. доллар насыя алынат

74
Насыя 30 жылдык мөөнөткө бир пайыз үстөк менен берилмекчи.

БИШКЕК, 3-сен. — Sputnik. Ислам өнүктүрүү банкы Баткен жана Талас облустарын таза суу менен камсыз кылуу долбооруна 20 миллион доллар насыя берүүгө даяр. Бул тууралуу Жогорку Кеңештин (ЖК) маалымат кызматы билдирди.

ЖКнын Бюджет жана финансы комитети Кыргызстан менен аталган банктын ортосундагы "Баткен жана Талас облустарын суу менен камсыз кылууну жана санитарияны жакшыртуу" долбоору боюнча насыялык макулдашууну ратификациялоо жөнүндө" мыйзам долбоорунун концепциясын жактырды.

Таза суу менен камсыздоо департаментинин маалыматына караганда, келишимге ылайык, насыя 30 жылдык мөөнөткө бир пайыз үстөгү менен берилмекчи.

Эгерде долбоор ишке ашырылып калса, 146 миң адам жашаган 70 айыл таза суу менен камсыз болот. Ал үчүн кыргыз тарап да 10 миллион доллар өлчөмүндө каражат кошууга тийиш. Бул долбоор ратификацияланар замат иш башталат. Анын аткаруу мөөнөтү 4,5 жыл.

74
Белгилер:
Талас, Баткен, таза суу, насыя
Тема боюнча
Ош шаарынын тургундары эми таза суу көйгөйүнө кабылбайт