На Ошском рынке в Бишкеке около 500 торговцев вышли на митинг.

"Ош" базарынын соодагерлери мэрияга бир жума убакыт берди. Койгон талаптары

603
(жаңыланган 16:24 03.09.2019)
Соодагерлер менен жолугууга Жогорку Кеңештин депутаттары, вице-мэр жана аким келди.

БИШКЕК, 3-сен. — Sputnik. "Ош" базарында нааразычылык акциясына чыккан соодагерлер талаптарды аткаруу үчүн мэрияга бир жума убакыт берди.

Бүгүн, 3-сентябрда, "Берекет универсал" кичи базарында иштеген 500гө чукул адам чогулду. Алар мэр Азиз Суракматовдун келишин талап кылышкан. Бирок мэр жерине барган жок, анын ордуна вице-мэр Азиз Алымкулов менен Ленин районунун акими Токтосун Султанов келди.

Мындан сырткары, Жогорку Кеңештин депутаттары Курманкул Зулушев менен Талант Мамытов да соодагерлер менен жолугуп, маселени көзөмөлгө алууну убадалашты.

  • Митинг арендаторов на Ошском рынке
    "Ош" базарында нааразычылык акциясына чыккан соодагерлер талаптарды аткаруу үчүн мэрияга бир жума убакыт берди.
    © Sputnik / Эламан Карымшаков
  • Митинг арендаторов на Ошском рынке
    Бүгүн, 3-сентябрда, "Берекет универсал" кичи базарында иштеген 500гө чукул адам чогулду.
    © Sputnik / Эламан Карымшаков
  • Митинг арендаторов на Ошском рынке
    Алар мэр Азиз Суракматовдун келишин талап кылышкан.
    © Sputnik / Эламан Карымшаков
  • Митинг арендаторов на Ошском рынке
    Бирок мэр жерине барган жок, анын ордуна вице-мэр Азиз Алымкулов менен Ленин районунун акими Токтосун Султанов келди.
    © Sputnik / Эламан Карымшаков
  • Депутаты пришли к митингующим торговцам на Ошском рынке
    Мындан сырткары, Жогорку Кеңештин депутаттары Курманкул Зулушев менен Талант Мамытов да соодагерлер менен жолугуп, маселени көзөмөлгө алууну убадалашты.
    © Sputnik / Эламан Карымшаков
1 / 5
© Sputnik / Эламан Карымшаков
"Ош" базарында нааразычылык акциясына чыккан соодагерлер талаптарды аткаруу үчүн мэрияга бир жума убакыт берди.

Митингге чыккандардын талабы:

— "Берекет универсал" кичи базары жайгашкан жер мэрияга карагандыктан жеке адамга таандык "Берекет" компаниясынын карамагынан чыгарылсын. Эгер муниципалдык базарга айланса, мэрияга бир айда ижара акысынан эки миллион сом түшөт;

— Апрель айында базар жетекчилиги өчүрүп кеткен электр энергиясын кайра кошуп берүү;

— Базарга кетчү жолго коюлган тоскоолдуктарды (жабылган көпүрөнү, тосулган жолду ачуу) алып салуу.

Маселени уккан депутаттар ушул убакка чейин маселени чечпей кырдаалды курчутуп жибергени үчүн шаар бийлигине кине койду. Алар жагдай менен толук таанышып чыгып өз көзөмөлүнө ала тургандыктарын айтышты.

Ал эми вице-мэр муниципалдык базарга айлантуу талабын карап чыгууну убадалады. Тосулган жолду ачуу, электр энергиясын улап берүү маселесин чечүү үчүн соодагерлердин төрт өкүлүн алып мэрияга кетишти.

Натыйжада чогулган эл бир жуманын ичинде бийликтен алгылыктуу жооп болбосо жөө жүрүш менен Ак үйгө чейин барышарын айтып тарап кетишти.

Эскерте кетсек, "Берекет универсал" кичи базарын жаап, ал жерге соода комплексин куруу пландалууда. Буга каршы болгон соодагерлер жыл башынан бери эле митингге чыгып, мамлекеттик органдарга кайрылып келишет. Алар "эгер базар жабылса, кайда барабыз?" деп нааразы.

Базар жетекчилиги мурда өрттөнгөн базардын ордуна курулган имараттын ичинен күркө сатып алууну сунуштаган. Бирок соодагерлердин айтымында, анын 1 чарчы метри — 1500 доллар. Мындан сырткары, күн сайын ар бир чарчы метрине 50 сомдон ижара төлөшү керек. Эгер 10 чарчы метр жерде иштесе, ижарага айына 15 000 сом кетет.

603
Белгилер:
депутат, талап, мэрия, митинг, Ош базары
Тема боюнча
"Ош" базарынын жанында казылган чуңкурдан улам тротуар түшүп кетти. Видео
"Ош" базарында 500дөй соодагер чогулуп, мэрдин келишин талап кылууда. Сүрөттөр
Бишкек шаарындагы 11-кичи районундагы таштанды карьери

Бишкектин 11-кичи районундагы быкшыган түтүн токтой элек. Видео

3
(жаңыланган 00:19 07.08.2020)
Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан.

БИШКЕК, 7-авг. — Sputnik. Бишкек шаарындагы 11-кичи районундагы таштанды карьеринин быкшыган түтүнү токтой элек. Анын видеосун шаар тургуну Михаил Дудин Facebook баракчасына жүктөдү.

Буга чейин 5-августта мэриядан таштандылар казылып, түтүн чыгып жаткан жерге муниципалдык кызматтар дароо барып өчүргөнүн айтып, ага "Тазалык" муниципалдык ишканасынын суу ташыган автоунаасы тартылгандыгын кабарлаган.

Мэрия: Бишкектеги 11-кичи райондун карьеринде күйгөн таштандылар өчүрүлдү

Дудин өзүнүн видеосунун алдына акын Корней Чуковскийдин ийгиликсиз өрт өчүрүү жөнүндө жазылган "Путаница" ырын жазып, комментарийде от өчүрүлбөгөндүгүн айткан.

Ал эми Бишкек мэринин кеңешчиси Гуля Алмамбетова эгер таштанды кайра түтөп баштаса, аны өчүрүү иштери улантыла тургандыгын билдирди.

"Шаар тургандары ал жерге таштанды ыргытпашы үчүн тегерегин казып салдык", — деди ал.

Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан. Түтүн шаардыктарды уулантып жатат деп даттангандар болгон. Ал эми мэрия күнөөлүүлөрдү табууну убадалаган.

Шаардыктардын айтымында, карьерге 2018-жылы топурак төгүлчү, ал эми өткөн жылдын жайынан бери таштанды ыргытыла баштаган. 2020-жылдын жазынан тарта таштандыларды тобу менен алып келип төгө башташкан.

3
Белгилер:
түтүн, таштанды, Бишкек мэриясы
Тема боюнча
Түндө Ошто беш үй өрттөндү. Жалынды өчүрүп жаткандагы видео
Медициналык кызматкерлер. Архив

Медиктерге компенсациялык төлөмдөр үчүн кошумча 430 миллион сом бөлүндү

16
(жаңыланган 22:22 06.08.2020)
Бул каражат июль айы үчүн компенсациялык төлөмдөргө жумшалат. Анын 400 миллиону Милдеттүү медициналык камсыздандыруу фондуна, калган 30 миллион сому Саламаттык сактоо министрлигине берилет.

БИШКЕК, 6-авг. — Sputnik. Республикалык бюджеттен медицина кызматкерлерине компенсациялык төлөмдөр үчүн кошумча 430 миллион сом бөлүндү. Бул тууралуу өкмөттөн билдиришти.

Бул каражат июль айы үчүн компенсациялык төлөмдөргө жумшалат. Анын 400 миллиону Милдеттүү медициналык камсыздандыруу фондуна, калган 30 миллион сому Саламаттык сактоо министрлигине берилет.

Бишкекте жок. Акыркы суткада башка аймактардан 37 медиктен COVID аныкталды

"Аталган чечим эпидемия очокторунда оору жугузуп алуу тобокелчилиги жогору болуп иштеген медицина кызматкерлерине дем берүү максатында кабыл алынды", — деп айтылат билдирүүдө.

Эске салсак, жалпысынан республика боюнча COVID-19 диагнозу менен медициналык кызматкерлер арасында 2911 учур катталды, алардын ичинен 1973 ак халатчан  айыкты.

16
Белгилер:
каражат, төлөм, дарыгер, Кыргызстан
Тема боюнча
Медиктерге июль айында 396 млн сом компенсация бөлүнгөн. Облус боюнча тизме