Председатель правления Российско-Кыргызского фонда развития Эркин Асрандиев

Ысык-Көлдө жоголуп кеткен Асрандиев аны издөөгө кеткен чыгымды төлөп берди

685
(жаңыланган 12:10 04.09.2019)
Издөө иштерине эки теплоход, бир катер, ӨКМдин 17 куткаруучусу жана суучулдар тартылган.

БИШКЕК, 4-сен. — Sputnik. Орус-кыргыз өнүктүрүү фондусунун башкаруучулугунун төрагасы Эркин Асрандиев аны издөөгө кеткен чыгымдын ордун толтуруп берди. Бул тууралуу аталган фонддун маалымат катчысы Бегимай Азимжанова Facebook баракчасына жазды. 

Белгилей кетсек, Асрандиев 31-августта Ысык-Көлдү сүзүп өтүүдө жоголуп кеткен. Чырпыкты айылынан чыккан Асрандиевди моторлуу кайык коштоп жүргөнү айтылган. Саат кечки 6ларда аба ырайы бузулуп, бороон-чапкын башталып, Тору-Айгыр (күңгөй бети) менен Кара-Талаа (тескей бети) айылдарынын ортосунан аны таппай калышкан. Асрандиевди издөөгө эки теплоход, бир катер жана ӨКМдин 17 куткаруучусу тартылган. Саат 00.20ларда Асрандиев аркы өйүзгө сүзүп чыгып, эки сааттан кийин куткаруучуларга жолуккан. Sputnik кабарчысы менен сүйлөшүп жатып, окуянын чоо-жайын айтып берген. 

Азимжанованын айтымында, Асрандиев "Салам КG" коомдук фондусу тарабынан уюштурулган кайрымдуулук акциясына катышып, сүзгөн. Натыйжада Чолпон-Ата шаарынын ооруканасына тез жардам унаасы белекке берилген.

"Издөө иштерине кеткен чыгымдын орду толтурулду. Андан тышкары, издөөгө сарпталган күйүүчү майдын — Мамлекеттик резиденцияга 400 литринин жана жергиликтүү бийликке 600 литринин акчасын төлөп берди. ӨКМ каражаттан баш тартты, Эркин Шамшудинович аларга суучулдун жабдууларын белек кылмай болду", — деп жазды ал.

Окуя болгон күндүн эртеси фонддун жетекчиси Facebook баракчасына билдирүү жазып, элди бушайманга салганы үчүн өзүн күнөөлүү сезип жатканын айткан. 

Белгилей кетсек, Асрандиев 35 чакырымга сүздү. Бул өзү пландаштыргандан 10 чакырымга узак болду.

685
Белгилер:
чыгым, май, күйүүчү-майлоочу каражат, куткаруучу, ӨКМ, издөө, Ысык-Көл, Эркин Асрандиев
Тема:
Орус-кыргыз өнүктүрүү фондусунун башчысы Эркин Асрандиев жоголду (12)
Тема боюнча
Эркин Асрандиев кайсы жерде жоголгон? Болжолдуу карта
Өзүмдү күнөөлүү сезип турам. Жоголгон Асрандиев биринчи постун жазды
Эркин Асрандиев аман-эсен табылды. Сүрөт
Көлдө жоголгон Асрандиев жээкке чыгуу үчүн канча чакырым ашыкча сүзгөнүн айтты