Пассажиры идут на посадку в самолет Boeing 737-800 авиакомпании Pobeda в аэропорту Внуково имени А. Н. Туполева.

Учактагы ымыркайдын өлүмү. Самолетко кандай оору менен ооругандар түшө албайт

4756
(жаңыланган 15:04 05.09.2019)
Самолетко адам каалаган кезинде уча албашы мүмкүн. Мунун бирден-бир себеби — жүргүнчүнүн ден соолугу. Саламаттыкка байланыштуу убактылуу учпай туруу зарыл, болбосо иштелип чыккан эрежелерди сактоо шарт экен. 

Үстүбүздөгү жылдын 3-августунда Pegasus Airlines компаниясынын Бишкек — Стамбул багыты боюнча учкан учагында бир жарым айлык ымыркай чарчап калганы белгилүү болгон.

Өлкөдөгү авиакомпаниялардагы ишенимдүү булак Sputnik агенттигине ымыркайды ата-энеси Түркияга медициналык текшерүүгө алып бара жаткандыгын айтып берген

Соңку окуяга байланыштуу Sputnik Кыргызстан маалымат агенттиги учакка кандай оорусу барлар отура албайт деген суроого жооп издеди.

Жүргүнчүлөрдүн учар-учпасын аэропорт чечпейт

"Манас" эл аралык аба майданынын маалымат катчысы Алия Курбанова жүргүнчүлөрдүн кайсы бир илдетине байланыштуу учушу керекпи же жокпу деген маселени авиакомпаниялар карай турганын айтып берди.

Ал эми Транспорт жана жолдор министрлигине караштуу Жарандык авиация агенттиги  "Аба аркылуу ташуулардын эрежелери" бекитилгенин билдирди. Авиакомпаниялар дал ушул эрежени сактайт. Ошондой эле алар кошумча талаптарды киргизе алары белгиленди.

Sputnik жергиликтүү үч компанияга кайрылды. Tez Jet жана Avia Traffic жалпы тартипти гана сактай турганын айтышты. Кошумча эрежелери тууралуу Air Manas компаниясы гана айтып берди.

Алгач "Аба аркылуу ташуулардын эрежесиндеги"  адамдардын ден соолугуна байланыштуу жерлерин карап көрсөк.

Ден соолугунан мүмкүнчүлүгү чектелген же оорусу барлар үчүн тартип:

1. Майып адамдар жана илдети бар жүргүнчүлөр самолет менен учуу үчүн дарыгерден уруксат кагазын алышы керек. Ошондой эле мындай жарандарды ташууда атайын талаптар көрсөтүлүшү шарт; 

2. Учак ичинен ден соолугу начарлаган адамдар үчүн авиакомпания жоопкерчилик тартпайт; 

3. Авиакомпания жүргүнчүнү алгандан кийин транзиттик, трансфердик жерлердеги кызматкерлерге майып жүргүнчү бар экендигин эскертиши керек. Ошондой эле компания мындай жерлерге келгенде жүргүнчүнүн өзүнө да эскертип турушу кажет;

4. Медициналык замбилдеги оорулуу аба кемесинде орун берилсе жана ага каражат төлөнсө гана уча алат;

5. Авиакомпания замбилдеги бейтапты алып кетүүгө шарты болбосо баш тартууга укуктуу;

6. Оорулуу жүргүнчүлөрдүн медицалык каражаттары, атайын кресло жана майып арабалары учак компаниянын уруксаты менен киргизилиши керек; 

7. Оорулуу адамдар авариялык эшик жактан орун ала албайт;

8. Майып арабасындагылар коштоочусу менен гана уча алат. Коляска үчүн акы алынбайт; 

Боинг 737-300
© Sputnik / Мария Ващук
Учакта бара жаткан жүргүнчүлөр

Кош бойлууларды ташуу эрежеси:

1. Кош бойлуу бир түйүлдүк көтөрсө, төрт жумадан (бир ай) кийин уча алат. Ал эми бир нече түйүлдүк көтөрсө, сегиз жумадан (эки ай) кийин гана самолетко түшө алат. Дарыгерден маалына жетпей төрөө коркунучу бар-жогун сураштырышы керек;

2. Бир түйүлдүк көтөргөндөр 28 (алты жарым ай) жумадан 36 (сегиз ай) жумага чейин дарыгердин уруксат кагазы менен уча алат;

3. Эки түйүлдүк көтөргөндөр 32 жумага (жети жарым ай) чейин дарыгердин уруксаты менен самолетко түшө алат;

4. Боюнда бар аял жабыркаса, авиакомпания жооп бербейт;

Президент Алмазбек Атамбаевдин Астанага барган иш сапары. Архивдик сүрөт
© Пресс-служба президента КР / Султан Досалиев
5. Эгер компаниянын өкүлү кош бойлуу аялдын ден соолугу боюнча күмөнсүсө, түйүлдүккө канча убакыт болгонуна карабай учакка түшүрбөй кое алат;

6. Өлкөнүн иммиграциялык мыйзамы кош бойлуунун учпашын талап кылса, компания аны ала албайт;

7. Кош бойлуу авариялык эшик жактан орун албайт. 

8. Жаңы төрөлгөн наристеге бир жума (7 күн) толмоюнча учак менен учууга тыюу салынат. 

Көзү көрбөгөн, кулагы укпаган жүргүнчүлөрдү ташуу:

1. Компаниянын уруксаты менен көрүүсү начарлар жана укпагандар бойго жеткен коштоочусунун же ага жол көрсөткөн иттин (собака-поводырь) жардамы менен уча алат. Айрым компаниялардын ичинде мындай адамдарды коштоп жүргөн атайын кызматкерлер бар;

2. Көзү начар көргөн же дүлөй жүргүнчү билет алып жатканда, аны ит коштоп бара турганын эскертиши керек. Өз кезегинде компания тиешелүү жоопту кайтарышы керек; 

3. Коштоп жүргөн ит бекер ташылат. Ал үчүн жүргүнчүнүн иттин ээси экендигин тастыктаган документи болушу керек. Ошондой коопсуздук үчүн кожоюну итти каргысы менен көзөмөлдөп, мурдуна тумшук кабын кийгизиши керек; 

4. Жүргүнчү ити менен салондун арт жагына жайгаштырылат; 

Женщина около дорожного знака на международном аэропорту в селе Тамчи, Иссык-Кульской области
© Sputnik / Табылды Кадырбеков
Учак белгиси

Өзгөчө кырдаалдар

1. Бортто жүргүнчүнүн оорусуна байланыштуу кырдаал, жаракат же өлүм болсо, авиакомпаниянын кызматкерлери мүмкүн болгон жардамдын бардыгын көрсөтүшү шарт;

2. Медициналык чыгымдарды жүргүнчү же анын өкүлдөрү көтөрөт.

"Air Manas" компаниясынан төмөнкүдөй адамдар уча албайт:

1. Эки жума мурда жүрөгүнө операция жасаткандар же инфаркт болгондор;

2. Канда инсулин кескин түшүп кетип, аны дайыма кабыл алып туруу керек болсо;

3. Жүргүнчү кошумча кычкылтек менен дем алууга аргасыз кезде;

4. Учуу алдында өнөкөт астма жана курч респиратордук оору күчөсө;

5. Гипс салдыргандан кийин 24 сааттан өткөн соң гана учууга болот. Ошондо дагы учуу убактысы эки сааттан ашпашы керек. Эгер эки сааттан ашык убакытка учам десе, 48 сааттан кийин гана уруксат берилет;

6. Жугуштуу оорусу барлар инфекциялык баскычта медициналык уруксат кагаздын негизинде уча алат;

7. Жол жүргөндө илдетти оорлошуп, көз жумуп кетиши мүмкүн дегендер;

8. Дартына же абалына байланыштуу жүрүм-туруму кооптуулук жаратат деп эсептелгендер;

9. Оор акыбалдагы, медициналык замбилдеги жүргүнчүлөр;

10. Учакта жеке кам көрүүгө муктаж (тамак ичүү, ажатканага баруу жана башка), бирок жанында коштоп жүрүүчүлөрү жоктор;

Авиакомпания бейтапка учактан эмне жардам көрсөтөт?

Учакта учуп баратып ден соолугу начарлагандарга борт коштоочулар алгачкы медициналык жардам гана көрсөтө алат. Ошондой эле борт коштоочулар учакта дарыгерлердин бар-жогун сурайт. Кырдаалга жараша учак артка кайтат. 

4756
Белгилер:
жүргүнчү, эреже, оору, учак, аэропорт, Кыргызстан

Шуулдаган парашют, айланган жер... Россиялык десантчылардын видеосу

155
(жаңыланган 21:45 09.08.2020)
Россиянын Коргоонуу министрлиги Туладагы Аба-десант гвардиясынын аскерлеринин парашюттан машыгуу учурунда секирген видеосун жарыялады.

Аталган кезектеги иш-чара Клоково аэродромунда жасалган. Аскерлер Туланын Слободка деген аймагынын жанына секирген.

Россиялык Су-27 АКШнын тыңчы учагын кайра кайтарды

Видеодон секире турган адамдын учактан абаны көздөй аттагандыгын көрүүгө болот. Бул ар бир адамды ар кандай абалга салган абал. Бирөөлөр ичиркенип жүрөгү шуу десе, экинчилерине адреналин. Видеодо парашютчунун асманда АН-2 учагынын ичинен сыртты көздөй кадам таштап, андан соң кескин айланып, андан кийин жаай каалгый жерди көздөй бараткан учурларды жана финалды, талаага келип түшкөн учурларды ырааттуу көрүүгө болот.

155
Белгилер:
парашют, Аскер, Россия
Тема боюнча
Кемелер парады. Россияда Аскер-деңиз флотунун күнүн белгилешти. Видео

Дүйшөмбүгө карата аба ырайы

122
10-августта түнкүсүн республиканын көпчүлүк аймактарында жамгыр жаап, күн күркүрөйт. Нөшөрдөн улам республиканын тоолуу жана тоо этектериндеги райондорунда сел жүрүшү мүмкүн.

БИШКЕК, 9-авг. — Sputnik. Эртең,10-августта, Кыргызстандын бир нече аймактарында күн 36 градуска чейин ысыйт. Бул тууралуу Кыргызгидромет билдирди.

Нарын, Ысык-Көл аймактарында жана республиканын тоолуу жерлерине жамгыр жаап, күн күркүрөйт. Ош, Жалал-Абад, Чүй өрөөндөрүндө жана Баткен, Таласта жаан-чачын болбойт. Маалыматка ылайык, батыштан соккон шамалдын ылдамдыгы секундасына 4-9 метрге жетет.

Күндүн көзү ачылбайт... Бир жумага карата аба ырайы

Абанын температурасы Чүй өрөөнүндө +30...+35, Талас жергесинде +28...+33, Ош, Жалал-Абад, Баткен облустарында +31...+36, Ысык-Көлдө +21...+26 жана Нарын аймагында +22...+27 градус болору айтылды.

Күндүн табы Бишкекте +33...+35, Ош шаарында +34...+36, ал эми Чолпон-Атада +23...+25 градуска чейин жетет.

122
Белгилер:
аба ырайы, Кыргызстан
Тема боюнча
Август ысык болобу? Бир айга карата аба ырайынын божомолу
Беларуссиянын Президенти Александр Лукашенко Минск шаарындагы шайлоо участогунда добуш берип турат

Белоруссия: президенттик шайлоодо Лукашенко алдыда. Exit poll, БШКнын жыйынтыгы

20
(жаңыланган 23:55 09.08.2020)
Президент аталган өлкөдө беш жылдык мөөнөткө шайланат. Бул сапар эң көп добуш алган адам 2025-жылга чейин Белоруссияны башкарып турмакчы.

БИШКЕК, 9-авг. — Sputnik. Белоруссияда өткөн президенттик шайлоодо Александр Лукашенко добуштардын 82 пайызын алды. Бул туурасында БШКнын төрайымы Лидия Ермошинага шилтеме кылып Sputnik Ближнее зарубежье кабарлады.

"БШКнын алгачкы маалыматы боюнча, Лукашенко беш аймакта биринчи келе жатат, добуштардын саны 82 пайызды көрсөттү. Тихановскаяныкы 5 пайызга жакын", — деп айтылат маалыматта.

Эске салсак, бүгүн Белоруссияда мамлекет башчыны тандашты.  Борбордук шайлоо комиссиясы  президенттик шайлоо өттү деп түшкө чейин эле тааныды. Алардын маалыматында жергиликтүү убакыт боюнча 12:00гө карата шайлоочулардын 54 пайызы болочоктогу мамлекет башчыга добуш берген.

Ал эми exit poll жыйынтыгы бир аз айырмаланат: 

  • Александр Лукашенко — 79,7 пайыз
  • Светлана Тихановская - 6,8 пайыз;
  • Анна Канопацкая - 2,3 пайыз;
  • Андрей Дмитриев - 1,1 пайыз;
  • Сергей Черечень - 0,9 пайыз.

Президент аталган өлкөдө 5 жылдык мөөнөткө шайланат. Бул сапар эң көп добуш алган адам 2025-жылга чейин бийликтин башында турмакчы.

Капа болом. Лукашенко кайрадан президенттик шайлоого катышат

Бүгүн талапкерлердин ичинен эң көп добуш алган Лукашенко Белоруссияны 26 жылдан бери башкарып келет.

20
Белгилер:
добуш берүү, президенттик шайлоо, Александр Лукашенко, Белоруссия
Тема боюнча
Бүгүн Белоруссияда президенттик шайлоо болуп жатат
Парламенттик шайлоого катышууну каалаган партиялардын кожоюндары кимдер? Тизме