Оорукана. Архивдик сүрөт

Кандай бейтаптар пенсияны мөөнөтүнөн эрте ала алат? Соцфонддун түшүндүрмөсү

322
Өкмөттүн тийиштүү токтом долбоору Социалдык фонд тарабынан коомдук талкууга коюлган.

БИШКЕК, 6-сен. — Sputnik. Жүрөк жана онкологиялык оорулар менен жабыркагандар пенсиянын топтолмо бөлүгүн мөөнөтүнөн мурда ала алат. Бул тууралуу Социалдык фонд кабарлады.

Эске салсак, буга чейин өкмөттүн маалымат кызматы өмүрүнө коркунуч жараткан дартка кабылган Кыргызстандын жарандары пенсиянын топтолмо бөлүгүн мөөнөтүнөн мурда ала турганын кабарлаган

Өкмөттүн тийиштүү токтом долбоору Социалдык фонд тарабынан коомдук талкууга коюлган.

"Саламаттык сактоо министрлиги оор делген илдеттердин тизмесин берди. Ага азырынча жүрөк оорусу жана онкологиялык оорулардын 2-баскычтан тартып бардык түрү кирди. Документ өкмөт тарабынан бекитиле элек", — деди Соцфонддун өкүлү Элнура Бейшеева.

Токтом долбоору ишке киргенден тартып камсыздандырылган адамдар жашаган жери боюнча Социалдык фондунун аймактык бөлүмдөрүнө арыз менен кайрыла алышат.

Тизмеде көрсөтүлгөн дарт менен жабыркагандар арыз менен кошо төмөнкү документтерди даярдашы керек:

— камсыздандырылган адамдын ким экендигин ырастаган документ (көчүрмөсү жана түп нускасы);

— арызды башка адам бере турган болсо, анда анын нотариус тарабынан ырасталган ишеним каты жана өздүгүн ырастаган документтин көчүрмөсү менен түп нускасы;

— Тизмеге ылайык, оор кесели бар экендигин ырастаган, Саламаттык сактоо министрлиги тарабынан берилген маалым кат.

Документтин ишке аша турган убагы азырынча маалым боло элек.

322
Белгилер:
илдет, пенсия, Социалдык фонд, өкмөт
Тема боюнча
Кыргызстанда топтолмо пенсиялык фонддор түзүлөт. Маңызы эмнеде?
Саргарган дарактар. Архив

Бейшембиге карата аба ырайы

22
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

22
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

177
(жаңыланган 19:05 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда,Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

177
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды