Айдоочу. Архив

Өкмөттүк трассадагы төрт жигиттин өлүмү. Унааны 17 жаштагы бала айдап бараткан

15948
(жаңыланган 10:49 10.09.2019)
Жеңил автоунаанын ичиндеги кыз оор абалда ооруканага жеткирилген.

БИШКЕК, 9-сен. — Sputnik. Резиденцияга бара жаткан жолдо автобустун алдына кирип кеткен Skoda Octavia үлгүсүндөгү автоунааны 17 жаштагы улан айдап бараткан. Бул тууралуу шаардык милициядан билдиришти.

Последствия ДТП по проспекту Чингиза Айтматова в Бишкеке
© фото очевидца, отправленное по WhatsApp-каналу
Белгилей кетсек, 9-сентябрда 15:00дөр чамасында Чыңгыз Айтматов проспектисинде Skoda Octavia менен №8 автобус кагышып, жеңил унаадагы төрт бала кырсык болгон жерден каза болгон. Ал эми машинанын ичиндеги бир кыз оор абалда ооруканага жеткирилген.

Жол кырсыгынан кийин №8 автобус жол четиндеги бакты сүзүп токтогон. Кырсыктын кесепетинен автобустун айдоочусу менен жүргүнчүлөр да жаракат алган. Тез жардам кызматынан кабарлашкандай, жети жабырлануучу катталган.

Учурда каза болгон балдардын ким экени такталууда. Кырсыктаган автоунаалар айып короого токтотулду.

15948
Белгилер:
милиция, ШИИБ, Бишкек
Тема:
Өкмөттүк трассада төрт уландын өмүрүн алган кырсык (8)
Тема боюнча
Талкаланып калыптыр! Бишкекте эки унаа менен автобус кагышкан кырсык болду
Стамбулда беткапчан жүргөн элдер. Архивдик сүрөт

Түркия туристтерден ПЦР-тест талап кылуу мөөнөтүн узартты

31
(жаңыланган 18:39 06.03.2021)
Өткөн жылдын 30-декабрынан баштап 1-мартка чейин Түркияга барчулардын баарына коронавируска ПЦР-тест тапшыруу милдеттендирилген. Азыр анын мөөнөтү дагы узартылды.

БИШКЕК, 6-мар. — Sputnik. Түркиянын бийлиги өлкөгө кирген туристтерден ПЦР-тесттин терс жыйынтыгын талап кылуу мөөнөтүн 15-апрелге чейин узарткандыгын Түркиянын Кыргызстандагы элчилиги билдирди.

"Буга чейиин Түркияга жер, аба же деңиз жолу менен келген ар бир адамдан аталган өлкөгө сапар тартардан 72 саат мурун алынган ПЦР-тесттин терс жыйынтыгын тапшыруусу талап кылынып келген. Бул талап 2021-жылдын 15-апрелине чейин узартылды", — деп жазылат элчиликтин билдирүүсүндө.

Мындан тышкары, тесттин жыйынтыгын көрсөтпөгөндөргө учууга уруксат берилбей тургандыгы белгиленген.

"Талап транзиттик жана трансфердик жүргүнчүлөргө колдонулбайт. Экипаж мүчөлөрүнө ПЦР-тест жана карантин милдеттүү эмес", — деди дипломатиялык өкүлчүлүк.

Өткөн жылдын 30-декабрынан баштап 1-мартка чейин Түркияга барчулардын баарына коронавируска ПЦР-тест тапшыруу милдеттендирилген.

31
Белгилер:
текшерүү, Түркия, ПЦР-тест, коронавирус
Тема:
Дүйнөгө жайылган коронавирус
Тема боюнча
Кыргызстанга Россия жардам катары 100 миң ПЦР-тест бермей болду
Балдардан ПЦР-тест алынат. Өкмөт мектеп, бакчаларга бир нече тапшырма берди
Асманда учуп бараткан учак. Архивдик сүрөт

Грузия Кыргызстан баштаган төрт өлкө үчүн аба жолун ачты

47
(жаңыланган 18:12 06.03.2021)
Аталган мамлекеттин премьер-министри жетектеген ведомстволор аралык координациялык кеңеш Грузияга кире турган өлкөлөрдүн тизмесин кеңейткен.

БИШКЕК, 6-мар. — Sputnik. Кыргызстандын жарандары Грузияга коронавируска ПЦР-тесттин терс натыйжасы менен учуп бара алышат. Бул тууралуу Грузиянын өкмөтүнөн билдиришти.

Аталган мамлекеттин премьер-министри жетектеген ведомстволор аралык координациялык кеңеш Грузияга кире турган өлкөлөрдүн тизмесин кеңейткен. Ага Тажикстан, Түркмөнстан жана Өзбекстан дагы кошулган.

Бул мамлекетке бара турчулар, анын ичинде транзит менен саякаттагандар дагы ПЦР-тесттин терс натыйжасын көрсөтүшү шарт.

47
Белгилер:
коронавирус, тизме, уруксат, Кыргызстан, Грузия
Тема боюнча
Казакстанга кирүү эрежелери өзгөрдү. Эмнени билип алуу керек
Руслан Ан-124 учагы. Архивдик сүрөт

"Руслан" Ан-124. Россия эмне себептен авиагигантын кайра чыгарууга ниеттенди?

44
30 жылдан бери сериялык аналогдордун эң ири жана мыктысы болуп келген ыраак аралыкка багыт алчу Ан-124 "Руслан" оор аскердик-транспорттук учагына Россия экинчи өмүр бермекчи.

Өз классындагы эң ири бул аппарат заманга бап жаңыртылат. РФте, тагыраагы, Ульяновскидеги "Авиастар-СП" ишканасынын 2-мартта өткөн жыйынында Россиянын коргоо министри Сергей Шойгуга Ан-124 "Руслан" учагын кайрадан чыгарууну сунушташты. Аскерий баяндамачы Александр Хроленко учактын таржымалына жана болжолдуу келечегине көз чаптырган.

2004-жылга чейин Ульяновскидеги авиазаводдо ушул типтеги 56 машинанын 36сы чыгарылган, 2020-жылы мында Ан-124 учагынан алты бирдик оңдолгон. Ишкананын технологиялык деңгээли кыска убакыт аралыгында "Русландардын" сериялык өндүрүшүн жөнгө салууга мүмкүндүк берет.

Ульяновдук авиакуруучулардын сунушу жөнөкөй маселе эмес, себеби мындай демилгени бир топ жыл мурун РФтин Коргоо министрлиги да көтөргөн. Бирок бир нерсе дайым бул долбоорго тоскоол болуп келген. Ошентип, 2006-жылдагы Ульяновскидеги корпорацияда "Русландарды" Украинадагы ишканалар менен сериялык өндүрүшүн жандандыруу сунушун четке кагууга туура келген, анткени 8 жыл ичинде украиналык тарап кыймылдаткыч менен жабдыган эмес.

РФтин Өнөр жай жана соода министрлигинде Ан-124 учагын чыгарууга курч зарылдык болгон эмес, себеби ээлик кылган парктын ремонту "Русландарды" 2040-жылдардын аягына дейре (учактын иш жөндөм ресурсу – 50000 саат, учуш мөөнөтү – 10000 ирет же 45 жыл) пайдаланууга жол ачат.

Экинчи жагынан ошол эле мекеме алдыдагы жылдарда Ан-124кө окшогон россиялык өтө оор транспорттук учактын өндүрүшүн баштамакчы. Дал ушул тапта "Русландын" жана россиялык аскердик-транспорттук авиациянын жаңы мүмкүнчүлүктөрү жаралууда.

Соңку жылдарда Сирия, Тоолуу Карабах жана планетанын кооптуу бөлүктөрүндөгү адамзатты тынчсыздандырган окуялар күчтөрдү, курал-жарактарды жана материалдык каражаттарды жеткирүү үчүн оор аскердик-транспорттук авиациянын компоненттеринин маанилүүлүгүн далилдеген.

Эске салсак, "Руслан" базалык аскердик-транспорттук учагы саатына 850 чакырым ылдамдыкта 4800 чакырым аралыкка 120 тоннаны көтөрүүгө (80 тонналык жүк менен 7500 чакырымга чейин учат) жөндөмдүү. Мунун америкалык аналогу Lockheed C-5 Galaxy жүк көтөрүмдүүлүгү боюнча кыйла артта калат.

РФтин Коргоо министрлигинде он чакты гана Ан-124 колдонулат. Жаңы чакырык жана коркунучтар аскердик-транспорттук авиациянын сандык жана сапаттык өсүшүн талап кылат.

Тарыхта алгач ирет...

Сирияда аскердик-саясий абал чыңалган бойдон. Кырдаал мобилдик бекемдөөнү талап кылышы ыктымал, ошондуктан аталган мамлекетте аймагында Россиянын Аба-космостук күчтөрүнүн ыкчам аэродромдорунун түйүнү кеңейтилүүдө. Америкалык The Drive басылмасынын маалыматы боюнча, Хмеймимдеги учуп-конуу тилкеси 3,2 чакырымга узартылды. Бул "чоң жүк салынган" "Руслан" Ан-124 оор аскердик-транспорттук учактарын кабыл алууга жол ачат.

Мурда аскердик-транспорттук авиация (анын ичинде Ан-124 учактары) Россиядан Арменияга ыкчам түрдө Тоолуу Карабахтагы тынчтык орнотуучу контингенттин курамындагы 1960 аскер кызматкерин жеткирген. Алар штаттык курал-жарак жана техника, атап айтканда, 90 бронетранспортер, 380 автомобилдик жана атайын техника бирдиги менен жабдылган. Аскердик-транспорттук авиациянын мындай операцияларына алдын ала машыгып резервдик учак, экипаж, маршрут жана аэродромдор зарыл.

Брянск областында январдын ортосунда (Россиянын тарыхында алгач ирет) Сеща жана Тверь авиациялык полкторунун экипаждарынын биргелешкен окуу-машыгуучу учууларына күбө болдук. Ага бир эле убакта алты "Руслан" Ан-124-100 стратегиялык аскердик-транспорттук учактары катышты. Бул иш-чара алыс аралыкка аскердик бөлүктөрдүн ички курамын штаттык курал-жарак жана аскердик техника менен чогуу жеткирүүгө экипажды машыктырууну көздөгөн. РФ Коргоо министрлигинин маалыматы боюнча, алты "Руслан" бортунда 3000дин айланасындагы аскер кызматкерин же 48 зооттолгон техника бирдигин ташый алат.

Күтүүсүз согуштук жаңжал жагдайында РФтин бардык аймагында жайгашкан күчтөр бирдиктүү организм сымал уюшуп, кырдаалдын кандай өзгөрүшү болбосун ыкчам аракет эте алат. Бул үчүн аскердик-транспорттук авиациянын ондогон жана жүздөгөн учактары керектелет, андыктан жакын арада Ульянов авиазаводунда иш көбөйөрү шексиз.

Кайра кайтышы

"Руслан" Ан-124-100 учагы абага 120 тоннага чейин жүктү, атап айтсак, толук жабдылган 880 аскер кызматкери же Ми-8 төрт тик учагы, узундугу 18 метрлик ракетаны же 18 жеңил автомобилди абага көтөрө алат.

Коргоо министрлигинен тышкары Россиянын ар кыл структураларында ушундай дагы 20 учак пайдаланылат ("224-учуучу отряд" мамлекеттик авиакомпаниясы, "Волга – Днепр" компаниясы). Салыштыра турган болсок, украиналык "Антонов авиажолдору" ишканасында болгону 7 гана ушул типтеги машина бар. Россияда Ан-124 тибиндеги оор машиналардын саны көбөйөөрү турулуу иш.

Санарип модернизация, НК-32 же ПД-14 өңдүү россиялык жаңы кыймылдаткычтар, авионикадагы олуттуу өзгөрүүлөр жана шасси конструкциялары башкача аталыштагы оор аскердик-транспорттук учактарын чыгарууга өбөлгө болушу ыктымал. Мисалга, НАТОдо Ан-124тү эзелтен бери эле "Кондор" деп аташат. Ульянов заводунда оор аскердик-транспорттук учактарын кайрадан чыгарууга чоң тоскоолдук жок.

ANTONOV мамлекеттик ишканасындагылар Украина катышпаса өндүрүштү кайра жандандыруу мүмкүн эмес деп эсептешет, бирок РФ Өнөр жай жана соода министрлиги

ANTONOV Ан-124 учактарына болгон сертификат ээси катары Россиядагы машиналардын учуш мөөнөтүн узартуу боюнча өз милдеттенмелерин аткарбай, ошондуктан бул ишке россиялык өнөр жайды тартууга туура келерин билдирген эле.

Ульяновдогу "Авиастар-СП" ишканасы бир топ жылдардан бери "Русландарды" сервистик жактан тейлеп, аларды Ан-124-100 (Аскердик-транспорттук авиация варианты) жана Ан-124-100-150 (максималдуу жүк – 150 тонна) тибине заманбапташтырат.

Советтик конструктордук ойду "менчиктештирүү" аракеттери майнапсыз, ал эми Ан-124түн "теги украиналык" деген киевдик дооматтар суу кечпейт. Ан-124 Советтер союзунда Воронеж, Ульянов, Киевдеги авиа ишканалар кооперациясында чыгарылган. 1991-жылы бул машиналар менен Советтик армия куралданган.

Башында бул аппараттар континенттер аралык баллистикалык ракеталарды мобилдүү кое берүү орнотмолорун аба аркылуу жеткирүүгө багытталган. Билишибизче, көз карандысыз Украинанын мындай ракеталары жок.

Ульяновскиде 56 "Русландын" 36сы чыгарылган, украиналык ANTONOV фирмасынын төрт өндүрүмүнүн тизмегине Ан-124 тегин жерден кирбей калган эмес.

Украиналык авиа өнөр жай тармагынын абалынан улам канаттуу алп аппараттарды чыгаруу кыял гана бойдон калышы ыктымал. Технологиялык деградация – постсоветтик мейкиндикте Россия менен бир тараптуу мамилесин үзгөн өлкөлөрдүн баарына таандык көрүнүш.

Айтмакчы, дүйнөгө белгилүү советтик авиаконструктор Олег Антонов Москва губерниясынан чыккан, Саратов жана Ленинградда окуган, конструктордук чыйырын Москвада баштаган. 1946-жылдан тарта РФтеги Сибирь илим изилдөө авиация институтун жетектеген, кийин, тагыраагы, 1952-жылы аталган илимий жай Киевге көчүрүлгөн.

44
Белгилер:
учак, сервис, курал, ракета, Авиация, Россия
Тема боюнча
Россиялык "Армата" танкы чет өлкөгө талпынды. Кайда бет алат?