Бишкек ТЭЦи. Архив

Бишкек ТЭЦи кышка даяр болду

128
(жаңыланган 14:31 10.09.2019)
Күз-кыш жылытуу мезгилине 1 миллион 140 миң тонна көмүр даярдалат.

БИШКЕК, 10-сен. — Sputnik. Бардык жабдуулар керектүү оңдоп-даярдоо иштеринен өткөрүлдү. Тендердин жыйынтыгы менен ТЭЦке көмүр жеткирүүчү компания аныкталды. Бул тууралуу "Электр станциялары" ААКнын маалымат катчысы Тагжана Айдаралиева билдирди.

2019-2020-жылдагы күз-кыш жылытуу мезгили үчүн Бишкек ТЭЦине көмүрдүн белгиленген бир көлөмүн "КонтактУглеПром" компаниясы алып келет.

"Жеткирүүлөрдүн графиги 2020-жылдын мартына чейин эсептелген, биринчи партиясы сентябрда келип калат. Бүгүнкү күнү Бишкек ТЭЦинде 80 миң тонна көмүр бар. Кара-Кеченин көмүрү да алынып келип жатат. Станциянын үзгүлтүксүз иштеши үчүн ушул көлөм жетиштүү", — деди ал.

Жалпысынан күз-кыш жылытуу мезгилине 1 миллион 140 миң тонна көмүр даярдалат.

Бишкек ТЭЦи өлкөнүн түндүгүндөгү электр энергиясын иштеп чыгарган жалгыз ири ишкана болуп саналат. Кыш мезгилинде күнүнө 6-7 миллион кВт/саатка чейин иштеп чыгарат.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
128
Белгилер:
Тагжана Айдаралиева, көмүр, Бишкек, ТЭЦ
Тема боюнча
Бишкек ТЭЦте эки электрослесарь күйүк алды. Окуянын чоо-жайы
Кыргызстандагы 16,5 тонна таштандыдан пайда көрүүнүн жолу. Кызыктуу маек
Япониядагы ресторандын ишкерлери. Архив

Японияда коронавирустун кесепетинен 16,7 миң адам жумушу жок калды

14
(жаңыланган 09:56 03.06.2020)
Январдын аягынан 29-майга чейин мейманкана тармагында иштеген 3 700 адам жумуштан кол жууса, туристтик автобустарды башкарган компанияларда эмгектенген 2 287 киши үйдө отуруп калган.

БИШКЕК, 3-июн. — Sputnik. Японияда коронавирустун кесепетинен 16,7 миңден ашык адам жумушсуз калды. Бул тууралуу РИА Новости билдирди.

Маалыматка ылайык, январдын аягынан 29-майга чейин мейманкана тармагында иштеген 3 700 адам жумуштан кол жууса, туристтик автобустарды башкарган компанияларда эмгектенген 2 287 киши үйдө отуруп калган. Ал эми өндүрүш тармагында 2 122 адам кызматтан четтетилген. Ошентип коронавирус Японияда биринчи кезекте туризм тармагына байланыштуу жумуштарга сокку урган.

Мындан тышкары, коронавирустун кесепетинен башка тармактарда да жумуш орду кыскарып, миңдеген киши жумушсуз калган.

Префектура боюнча ала турган болсок, жумушсуз калгандардын көбү Токиодо, андан кийин Осакада. Хоккайдо шаарында да миңден ашык кишинин кызматтан кол жууганы айтылды.

Эмгек биржасына консультация алыш үчүн 30 миңден ашуун арыз түшкөнү маалым болду.

14
Тема:
Кытайдагы жаңы типтеги коронавирус
Тема боюнча
Көчүрбөгүлө! Интернетке Samsung смартфонун иштен чыгарган сүрөт тарады
Ичегинин иштөөсүн кайсы азыктар жакшыртат? Дарыгердин кеңеши
Кургатылган өрүк. Архив

Ичегинин иштөөсүн кайсы азыктар жакшыртат? Дарыгердин кеңеши

68
Дарыгердин айтымында, биринчи кезекте суюктукту мүмкүн болушунча көбүрөөк ичүү керек. Адам сууну өзүн-өзү кыйнап ичпеши керек, суусунун кандырса эле жетиштүү.

БИШКЕК, 3-июн. — Sputnik. Россиялык диетолог жана эндокринолог Альбина Комиссарова ичегинин иштөөсүн жакшыртуу үчүн эң оңой ыкмаларды атады. Бул тууралуу РИА Новости жазды.

Дарыгердин айтымында, биринчи кезекте суюктукту мүмкүн болушунча көбүрөөк ичүү керек. Адам сууну өзүн-өзү кыйнап ичпеши керек, суусунун кандырса болот.

Баса белгилей кетчү жагдай, суусундук деп таттуу ширелерди колдонуу болбойт. Эң жакшысы кадимки эле таза суу.

"Мындан сырткары күнүнө, мисалы, 50 грамм сулу боткосу, жети-сегиз даана кургатылган өрүк, жаңгактан бир ууч, буурчак жана бир аз жашылча-жемиш жесе жетиштүү", — деди дарыгер.

Ошондой эле пробиотиктер ичегинин микрофлорасын жакшыртып, витамин бөлүп чыгарууга, иммунитет бекемдөөгө да көмөктөшөт.

Пробиотиктер биокефирде, айрым биойогурттардын курамында бар. Мындан сырткары туздалган бадыраңда, ачытылган капустада, сырдын гауда, моцарелла, чеддер деп аталган түрлөрүндө да көп экени айтылды.

68
Белгилер:
ден соолук, ичеги, кеңеш, дарыгер, диетолог
Тема боюнча
Тамакты кыйнайт. Дарыгер чоң киши жумасына канча балмуздак жесе болорун айтты
Сириядагы Хмеймим россиялык базасында аскерлер. Архивдик сүрөт

Россияга Сирияда аскердик базаларын кеңейтүүнүн зарылдыгы кандай?

0
(жаңыланган 10:02 03.06.2020)
Сирияда аскердик базалардын аймагын кеңейтүү менен Россия өзүнүн эл аралык позициясын бекемдеп, Жер Ортолук деңиз жана Жакынкы Чыгыштагы конструктивдик таасирин өстүрүүдө.

РФ президенти Владимир Путин 29-майда Тышкы иштер министрлиги жана Коргоо министрлигине Сириядагы россиялык аскердик базаларды кошумча кыймылсыз мүлк жана акваториялар менен камсыздоо боюнча аталган мамлекеттин өкүлдөрү менен сүйлөшүүлөрдү жүргүзүүгө тапшырма берди. Аскерий баяндамачы Александр Хроленко ушул маселенин тегерегинде ой толгогон.

Аталган министрликтер сириялык тарап менен макулдашкан соң Россия Федерациясы менен кол коюуга тийиш. Бул – капыс кабыл алынган чечим эмес, жагдайга жараша эл аралык укуктарга толук шайкеш стратегиянын уландысы жана тактиканын өнүгүшү.

Замандын чакырыктарына туруштук берүүдө Россия Жер Ортолук деңизде жана Жакынкы Чыгышта аскердик-саясий таасирин арттыруусу зарыл. Баарынан оболу эл аралык туруктуулукту колдоо үчүн Сирия Араб Республикасында күч контингентин алдыдагы он жылдыктарга сактоого тийиш.

Бүгүнкү күндө ирандык күчтөрдүн көп бөлүгү чыгарылып, ливандык Хезболланын өз жерине кайткандан кийин россиялык топ Сирия жергесинде террордук уюмдар менен ийгиликтүү жана мыйзамдуу түрдө күрөшкөн жападан жалгыз чет элдик күч бойдон калууда.

Тактикалык планда россиялык объектилердин аймактык кеңеши Тартус, Хмеймим жана Сирия Араб Республикасынын башка жактарында коопсуздук периметрлерин ынанымдуу камсыздоо үчүн зарыл.

Сирияда эки ири россиялык аскердик объект: Хмеймим авиабазасы (мында авиациялык топ мөөнөтсүз жайгашкан) жана Тартус материалдык-техникалык камсыздоо пункту (25 жылга узартуу мүмкүнчүлүгү менен 49 жылга ижараланат. Аскердик-деңиз флотунун кемелик тобу бар) иштейт.

Эске салсак, Дамаскинин расмий өтүнүчү менен 2015-жылдын сентябрында Хмеймимде россиялык Аба-космостук күчтөрүнүн авиациялык тобу түзүлүп, ИМ* террордук тобуна каршы куралдуу операциясы башталган. Кийинчерээк, тагыраак, 2017-жылы Москва менен Дамаск дагы бир документке кол койгон. Ага ылайык, Тартуста 11 чакты россиялык кеме жайгаштырылып (өзөктүү реакторлор менен субмариналар менен кошо), порттун кеме куруу мүмкүнчүлүктөрүн кеңейтүү болжонууда.

Аймактык туруктуулук

Сирия өз аймагында кургакта да, деңизде да Россиянын аскердик күчтөрүнүн жайгашуусун кеңейтүүнү кубаттайт. Аскердик жана аскердик-техникалык кызматташтык жаатында Дамаск менен Москванын кандайдыр тиреши жөнүндөгү туура эмес маалымат аркылуу аймакта РФтин беделин түшүрүү аракеттери аянычтуу экени айдан ачык.

Сирия менен Россиянын өз ара аракеттешүүсү – турмуштун бардык багыттарындагы тынчтык жана туруктуулукка жол. Аймактагы оюнчулар муну жакшы түшүнүшөт. Экинчи жагынан, Жер Ортолук деңизде АКШнын Аскердик-деңиз флотунун 6-флотунун орун алышы жана Сирия Араб Республикасынын айрым мунай өндүрүүчү райондорунун америкалык күчтөр тарабынан оккупацияланышы (БУУнун санкциялары же аталган Араб Республикасынын мыйзамдуу өкмөтү болбостон) – көп жылдык аскердик-саясий турбуленттуулук жана жай калктын коопсуздугунун коркунучтарынын булагы.

1-июнда РФ Куралдуу күчтөрүнүн Башкы штабы Сириядагы россиялык аскердик объектилери жайгашкан райондорго жакын жердеги АКШнын аба чалгындоосун агрессивдүү жана Россия менен макулдашууларына каршы келерин билдирген. Кантсе да америкалыктар, башка "өнөктөштөр" кай бир убактан бери Жакынкы Чыгыш жана Жер Ортолук деңиздеги оюна келгенин жасоо, жазасыз калуу сезимин жоготту. Россиялык Су-35 истребителдери тарабынан АКШнын Аскердик-деңиз күчтөрүнүн 6-флотунун чалгынчыларынын учактарын колго түшүрбөгөн сейрек апта өтүүдө.

РФ Куралдуу күчтөрүнүн Башкы штабынын маалыматтары боюнча, май айында мындай 17 эпизод болгон. Россия авиациясынын ар бир учушу аба мейкиндигин пайдалануунун эл аралык эрежелерине шайкеш аткарылат. Су-35 истребителдеринин маневрлары АКШнын чалгындоочу учактарына кайда учпоо керектигин гана көрсөтүп турат. Британдык суу алдындагы кайык Сирия аймагындагы канаттуу ракеталарга сокку урууга аракет кылып, бирок майнапсыз болгондогу эпизод дүйнөгө кеңири белгилүү. Анткени россиялык субмариналар аны артка бурулууга, позициялык райондон сүрүп чыгарып, кетүүгө мажбурлаган.

Сириялык көйгөйдөн кеп козгоп жатып АКШнын Сирия боюнча атайын өкүлү Жеймс Жеффри: "Менин милдетим – муну орустар үчүн сазга айландыруу", - деп билдирди жакында эле. РФтин көп тараптуу ортомчулугунда сириялык жөнгө салуунун төрт жылдык динамикасын эске алсак, "сазга айландыруу" маселеси көз жеткен келечекте чечилери күмөн.

Москванын келечек пландары болушунча так, бир аз мурдараак РФ президенти Владимир Путин: "Биз бул аймактагы кызыкчылыгыбызды коргоо үчүн ошол жактабыз. Бул биздин кызыкчылыктарыбызга шайкеш келип турганда аскерлерибиз ал жакта болушат".

Жакынкы 50 жылда россиялык күчтөрдү аталган аймактан чыгаруу пландалбаганын болжоо, ал эми сириялык операциялык мейкиндиктин кеңейиши Россияга аймактагы кырдаалдын өзгөрүшүнө натыйжалуу реакция кылуу мүмкүнчүлүгүн тартуулайт.

Жаңы курал

Сирия россиялык куралдарды сыноо үчүн полигон эмес экени, бирок дал сириялык операциялардын жүрүшүндө алдыңкы үлгүлөрдү текшерүүгө, ал эми россиялык коргоо-өнөр жай комплексинин ишканалары өз буюмдарын "от күйгөн жерде" ыкчам жакшырта алууга шарт түзүлдү. Бул тажрыйбаны ашыра баалаш кыйын.

Согуштук аракеттердин сириялык театрында Каспий жана Жер Ортолук деңиздеринен өзүнчө жана топтордун курамында "Калибр" канаттуу ракеталарын, Россиянын Аскердик-деңиз флотунун суу үстүндөгү кеме жана субмариналарын биринчи ирет колдонушту.

Россиялык ыраак аралыктагы авиация алгач жолу Сириядагы террорчулар менен күрөшүүдө ыраактыгы 5000 чакырымга чейинки жогорку тактыктагы стратегиялык Х-101 канаттуу ракеталарын колдонду (ракетанын өзөктүк версиясы(Х-102) 250 килотонналык кубаттуулуктагы заряд көтөрө алат). Аскердик күчтүн мында көрсөтүлүшү – ниети бузуктарга кулак кагыш.

Сирия Араб Республикасында Су-34 бомбалоочулары жогорку натыйжалуулугун далилдешкен. Бешинчи муундагы көп максаттуу Су-57 оор истребители, "Армата" Т-14 жаңы танкы, радио-электрондук күрөш тутумдары жана башка дагы көп нерселер согуш шарттарында сыноодон ийгиликтүү өткөн.

Сирияда россиялык жаңы куралдарды пайдалануу тажрыйбасы потенциалдуу чет элдик сатып алуучулардын кызыгуусун жаратканы мыйзам ченемдүү. Египет, Индия, Кытай жана башка өлкөлөр менен сүйлөшүүлөрдөн кийин Москва "Армата" Т-14 танкын сатып алууга алдын ала тапшырыктарды алган. Ал эми Су-34 бомбалоочуларына кызыккан чет элдик сатып алуучулардын кезеги узагандан узап барат. Натыйжада Сирия операциясы өз ара пайдалуу гана болбостон (Дамаск менен Москва үчүн), кирешелүү да болушу мүмкүн. Бул – Россия үчүн дагы бир баалуу табылга. Спецназ тактикасын, учкучсуз жана космостук байланышты пайдаланган аеосуз жана фанатизмге алдырган душмандарга каршы согуштук аракеттерде россиялык куралдуу күчтөр (жаш адистер жана дасыккан аскер жетекчилери) эч кандай окууларда ала албаган уникалдуу тажрыйбага ээ болушту.

2015-жылдан бери Сирияда кыйла көп сандагы россиялык аскер кызматкерлер кызмат өтөдү. Алар иш жүзүндө заманбап аскердик жаңжалдын чыңалышын жон териси менен сезип, чалгындоо жана байланыш канчалык маанилүү экенин аңдап, ар түрдүү күчтөрдүн жана каражаттардын натыйжалуулугу кантип камсыздаларын түшүнүшкөн. Ошентип, Россиянын жогорку профессионалдуу адистеринин жана тынчтыкты чыңдоонун ишенимдүү инструменттеринин саны арбып барат.

ИМ* – РФ жана бир катар мамлекеттерде ишмердигине тыюу салган террордук топ.

0
Белгилер:
тактика, армия, таасирлүү, Россия, Сирия, база, курал-жарак
Тема боюнча
"Сарматтын" талпынышы. Россияга жаңы Satana эмне үчүн зарыл?
Су-57 сыналып бүттү: Россия алгачкы 76 истребителин качан алат?