Оорукана. Архив

Төрт жигиттин өлүмү. Кырсыкта жабыркаган бир кыз эсине келе элек, экөө үйүнө чыкты

1847
(жаңыланган 14:32 10.09.2019)
Автобус менен жеңил унаанын кагышуусунан төрт бала мерт болуп, жети киши жаракат алган.

БИШКЕК, 10-сен. — Sputnik. Өкмөттүк трассадагы жол кырсыгынан жаракат алган бир кыз эсине келе элек. Бул тууралуу Бишкек травматология жана ортопедия илим изилдөө борборунун башкы дарыгери Алмаз Кубатбеков билдирди.

Белгилей кетсек, 9-сентябрда саат 15:00дөр чамасында Чыңгыз Айтматов проспектисинде Skoda Octavia менен №8 автобус кагышып, жеңил унаадагы төрт бала мерт болгон. ШИИБдин билдиришинче, Skoda Octavia унаасынын айдоочусу каршы тилке менен айдап баратып кырсыктаган.

Последствия ДТП по проспекту Чингиза Айтматова в Бишкеке
© фото очевидца, отправленное по WhatsApp-каналу
Каргашанын кесепетинен жети адам жаракат алып, ооруканага жеткирилген. Бирөө алгачкы медициналык жардам көрсөтүлгөндөн кийин үйүнө кеткен.

Бишкек травматология жана ортопедия илим изилдөө борборуна жаракат алган үч адам жаткырылган. Башкы дарыгердин айтымында, билеги сынган 59 жаштагы аял медициналык жардам алып үйүнө кеткен. Башынан жабыркап жандандыруу бөлүмүнө түшкөн 30 жаштагы киши палатага которулду.

"Болжол менен 20-25 жаштагы кыздын мээси чайкалып, башы жарылган. Жандандыруу бөлүмүндө жатат. Абалы оор бойдон, өзүнө келе элек", — деди Кубатбеков.

Ал эми Улуттук госпиталдын №1 нейротравма бөлүмүнүн жетекчиси Немат Арстанбеков башынан жаракат алып түшкөн 21 жаштагы кыздын абалы туруктуу экенин билдирди.

Кырсык кесепетинен эки кичинекей бала Бишкек шаардык Тез жардам балдар клиникалык ооруканасына түшкөн. Башкы дарыгердин орун басары Данияр Шайбеков бирөөнүн абалы туруктуу экенин, экинчиси ооруканадан чыкканын кабарлады.

"Жеңил жарааты менен келген сегиз жаштагы кыз үйүнө чыгарылды. Башынан жаракат алган 15 жаштагы кыз нейрохирургия бөлүмүндө жатат. Абалы туруктуу", — деди Шайбеков.

Ал эми набыт болгон жигиттердин баары 17 жашта экени белгилүү болду.

Аталган жол кырсыгы Кылмыш жана жоруктардын бирдиктүү реестрине катталып, Кылмыш-жаза кодексинин 297-беренеси ("Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу") боюнча сотко чейинки тергөө амалдары башталды.

Тийиштүү соттук-медициналык экспертизалар дайындалган.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
1847
Белгилер:
абал, жаракат, оорукана, Бишкек
Тема:
Өкмөттүк трассада төрт уландын өмүрүн алган кырсык (8)
Тема боюнча
ШИИБ: Бишкектеги жол кырсыгы төрт жигиттин өмүрүн алды
Өкмөттүк трассадагы төрт жигиттин өлүмү. Унааны 17 жаштагы бала айдап бараткан
Эгин талаа. Архив

Жумага карата аба ырайы

36
(жаңыланган 21:03 13.08.2020)
Синоптиктер 14-августта түнкүсүн өлкөнүн кээ бир райондорунда өткүн өтүп, күн күркүрөшү күтүлөрүн маалымдашты.

БИШКЕК, 13-авг. — Sputnik. Жума күнү, 14-августта, күндүз республиканын тоолуу райондорунда өткүн өтүп, күн күркүрөйт, дыйканчылык аймактарында күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы Чүйдө +27...+32, Талас аймагында +26...+31, Ош, Жалал-Абад, Баткен облустарында +29...+34, Ысык-Көл жана Нарын жергесинде +20...+25 градус болору айтылды.

Күндүн табы Бишкекте +29...+31, Ош калаасында +32...+34 градуска чейин жетсе, Чолпон-Атада термометрдин көрсөткүчү +22...+24 градуска көтөрүлөт.

36
Белгилер:
Кыргызстан, аба ырайы
Тема боюнча
Шашылыш билдирүү! Бүгүн, эртең тоолуу аймактарда сел жүрөт
Кыргызстандын жаранынын паспорту жана акча. Архив

Кыргызстанда ID-картанын баасы кымбаттайт. Себеби

419
2017-жылдан бери Мамкаттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

БИШКЕК, 13-авг. — Sputnik. Ушул жылдын 17-августунан тарта 2017-жылкы үлгүдөгү ID-картанын баасы кымбаттайт. Бул тууралуу Мамлекеттик каттоо кызматынан билдиришти.

Баанын жогорулашына акысыз бланктардын чыгарылбай калганы себеп болду.

Белгилей кетсек, 2017-жылдан бери Мамлекетти каттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

"Буга чейин Кореянын Эл аралык кызматташтык агенттиги (KOICA) грант иретинде 1,9 миллион даана бланк берген. Келишим боюнча келерки бланктарды акы төлөп алышыбыз керек. Бир бланктын баасы 206 сом", — деп айтылат билдирүүдө.

Калкты тейлөө борборуна эми телефон аркылуу кезекке туруп коюуга болот

Мындан улам алгачкы жолу паспорт алып жаткан жаран 470 сом (206 сом бланк, 241 сом персонификациялоо, 23 сом банк кызматтарына) төлөшү керек. Ал эми биринчи жолу шашылыш түрдө алып жаткандар 1260 сом (206 сом бланк, 516 сом персонификациялоо, 518 шашылыш түрдө документ даярдоо, 20 сом банк кыматтарына) бериши зарыл. Бул документ 8 күн ичинде даярдалат.

419
Белгилер:
баа, паспорт, Кыргызстан
Тема боюнча
Жоголгон айдоочулук күбөлүк менен номерди кайра алуунун шарттары өзгөрдү
Футболисттер машыгып атат. Архивдик сүрөт

КРдеги футболдук үч клубга айып салынды. Машыктыруучу 50 миң сом төлөйт

0
Дисциплинардык комитет оюн талаасында күч колдонгон, үчтөн ашык эскертүү алган жана маалымат жыйынга катышпаган тараптарга айып салды.

БИШКЕК, 13-авг. — Sputnik. Бир катар жергиликтүү футболдук клубдарга айып пул салынды. Бул тууралуу Кыргыз футбол кеңешинен (КФК) билдирди.

Маалыматка ылайык, аталган бирикменин дисциплинардык комитети "Алай" футбол клубунун машыктыруучусу Бакыт Маматовго 50 миң сом айып пул салып, алты айга спорттук ишмердүүлүккө катышууга тыюу салды.

Кыргызстандык футболчу Гүлжигит Алыкулов УЕФАнын мелдешинде ойнойт

КФК эреже бузган "Алга" клубун 2000 сомго, "Алай" командасын 3500 сомго, "Абдыш-Атаны" 2000 сомго төлөмөр кылган.

Алар оюн талаасында бирөөгө карата күч колдонуп, үчтөн ашык эскертүү алып, уюштурулган маалымат жыйындарына катышкан эмес.

 

0
Белгилер:
клуб, айып пул, футбол, Кыргызстан
Тема боюнча
Кыргызстандык футболчу Гүлжигит Алыкулов УЕФАнын мелдешинде ойнойт
Шоро премьер-лигасынын беттештеринде тең чыгышты. Күйөрмансыз оюндар
Криштиану Роналду эзелки атаандашы Лионель Мессинин клубуна өтөбү?