Билим берүү жана илим министрине талапкер Каныбек Исаков. Архивдик сүрөт

Министр болчу Исаков мектептеги ата-энелер фонду качан жоюларын айтты

7975
(жаңыланган 10:52 11.09.2019)
Каныбек Исаков мектептеги фонддун ишиндеги бүдөмүк аракеттерге ата-энелер нааразы болуп жатканын белгиледи.

БИШКЕК, 11-сен. — Sputnik. Билим берүү жана илим министрине талапкер Каныбек Исаков мектептердеги фонддордун ишине ата-энелер нааразы экенин айтып, анын иши ачык-айкын болушу керектигин парламентте депутаттардын суроолоруна жооп берип жатып билдирди.

Депутат Дастан Бекешев министр болчу талапкер мектептердеги фонддорго, камкорчулар кеңешине деп акча чогулушуна кандай карарына кызыкты.

Исаков бул маселени көптөн бери ойлонуп жүргөнүн белгиледи.

"Мамлекет мектептерди толук камсыздоого жөндөмдүү болгондо фонддорду жойсо болот. Азыр ата-энелерде фонддун ишиндеги бүдөмүк аракеттер тууралуу көптөгөн нааразычылыктарын айтып жатышат. Ачык-айкындуулукту камсыз кылуу керек. Ар бир ата-эне баласына төлөгөн акчанын эсеп-кысабын так билиш керек. Ошондой механизм иштеп чыгышыбыз зарыл", — деди ал.

Дастан Бекешев министр болчу Каныбек Исаковдон мектептеги фонддорду жоюу боюнча мыйзам долбоорун күтөрүн белгиледи.

7975
Белгилер:
фонд, мектеп, билим берүү, Каныбек Исаков, Дастан Бекешев
Тема боюнча
Сауд өнүктүрүү фонду Кыргызстандагы 61 айылдын турмушун жакшыртат
"Электрондук каттоо": окуучулардын маалыматтары мыкты корголгон
Электрондук кезекке турбай калган балдар 1-класска убагында кирди