Депутат Рыскелди Момбековдун архивдик сүрөтү

Момбеков: окуучулар күнүнө 7 сомдук, ИИМдин иттери 100 сомдук тамак ичет

1456
(жаңыланган 13:14 11.09.2019)
Рыскелди Момбеков абактагылар менен окуучулардын тамак-ашына бөлүнгөн каражат тууралуу маселе көтөрдү.

БИШКЕК, 11-сен. — Sputnik. Жогорку Кеңештин депутаты Рыскелди Момбеков окуучулар менен абактагыларга жана ИИМдин кинологдорунун иттеринин бир күндүк тамагына бөлүнгөн каражаттын айырмачылыгын айтып берди.

Бүгүн, 11-сентябрда, Жогорку Кеңеш билим берүү жана илим министри кызматына Каныбек Исаковдун талапкерлигин карады.

Момбеков Исаковдон окуучулардын бир күндүк тамагына бөлүнгөн акчанын суммасын сурап, "жети сом" деген жоопту алды. Эл өкүлү ошондой эле абактагылардын бир күндүк тамагына деп 70 сом караларын билдирди. Ошол эле учурда Бишкектеги №5 улуттук гимназиянын жатак интернатында окуучулардын күнүмдүк ичип-жегенине 60 сом каралганына токтолду.

"Президенттер, премьерлер, спикерлер бүткөн №5 гимназиянын жатак интернатында окугандарга бир күнгө 60 сом бөлүнөт. Ал эми ИИМдин кинологдорунун иттерине күнүнө 100 сом каралат. Карап көрүңүз. Балдарга кайырчыларга окшотуп садага берип жатабыз, иттерге эт берип жатабыз", — деди Момбеков.

Эл өкүлү №5 интернат-гимназиясында окуган балдардын ичкен-жегенине бөлүнгөн каражатка бир көз салып коюуну өтүндү.

1456
Белгилер:
окуучу, аш, тамак, мектеп, Жогорку Кеңеш, Рыскелди Момбеков
Тема боюнча
Контейнер мектеп. Окуучулар суук түшкөндө башка имаратка көчүрүлөт
Студенттердин стипендиясы 5000 сом болобу? Депутаттын сунушу
Премьер-министр Кубатбек Боронов брифинг учрунда

Боронов: вирустан айыккандардын ден соолугун калыбына келтирүү колго алынат

7
(жаңыланган 15:28 11.08.2020)
Өкмөт башчы коронавирустан сакайган жарандардын жашаган жери боюнча дарыгерлердин консультативдик жардам берүүсү пландалып жатканын билдирди.

БИШКЕК, 11-авг. — Sputnik. Коронавирустан ооруп айыккан бейтаптарды көзөмөлгө алуу маселеси каралып жатат. Бул тууралуу өкмөт башчы Кубатбек Боронов брифинг учурунда билдирди.

Ал жугуштуу оорудан айыккандан кийин деле айрым бейтаптардын ден соолугу калыбына келиши көп убакытты аларын белгилеген.

"Өзгөчө пневмониядан адамдын тез арада айыгып кетиши кыйын экен. Сакайгандардын арасында бир айдан кийин деле дем алуусу кыйындап, башка органдары жабыркаганын көрүп жатабыз. Калктын саламаттыгы үчүн реабилитациялык иш-чараларды уюштуруу иштери жүрүп жатат. Жарандардын жашаган жери боюнча дарыгерлер консультативдик жардам берүүсү пландалууда", — деди Боронов.

КРде жалпы канча киши коронавируска чалдыгышы мүмкүн. Өкмөттүн божомолу

Ал бейтаптардын ден соолугун калыбына келтирүү иши туура жүргүзүлүшү керектигин белгилеген.

7
Белгилер:
ден соолук, реабилитациялоо, коронавирус, өкмөт башчы, Кубатбек Боронов
Тема боюнча
Министрлик: коронавирустан өлкөдө 6 миңден ашуун адам дарыланууда
Адис: пневмониядан кийин өпкөдөгү тактар алты айга чейин кетпеши мүмкүн
Бейтапка укол сайып жаткан дарыгер. Архив

Путин кызы COVID-19га каршы вакцина алып, өзүн кандай сезип жатканын айтты

32
(жаңыланган 15:21 11.08.2020)
Бүгүн Россиянын дүйнөдө биринчилерден болуп коронавируска каршы вакцинаны каттоодон өткөргөндүгү белгилүү болду.

БИШКЕК, 11-авг. — Sputnik. Россия президенти Владимир Путин кыздарынын бири коронавируска каршы вакцина алгандыгын билдирди. Бул туурасында РИА Новости кабарлады.

Мындай маалыматты ал өкмөттүн жыйынында Россия дүйнөдө биринчилерден болуп COVID-19га каршы вакцинаны каттоодон өткөргөнү туурасында сөз болгон учурда айтты.

Россияда COVID-19га каршы вакцина алгандар ооруканадан чыкты. Видео

"Кыздарымдын бири да эмдөө жасатты. Мындайча айтканда, ал экспериментке катышты. Биринчи эмдөөдөн кийин эти ысып, 38 градуска чыкты, эртеси 37 градустан бир аз өйдө болду, бүттү, андан кийин калыбына келди", — деди Путин.

Бүгүн Россия дүйнөдө биринчилерден болуп коронавируска каршы вакцинаны каттоодон өткөргөндүгү белгилүү болду.

32
Белгилер:
каттоо, вакцина, коронавирус, Владимир Путин, Россия
Тема:
Дүйнөгө жайылган коронавирус
Тема боюнча
Россия COVID-19га каршы вакцинаны ноябрда өндүрө баштайт