Формула-1 жарышынын жети жолку чемпиону Михаэль Шумахер. Архивдик сүрөт

Алты жылдан бери комада жаткан Михаэль Шумахер эсине келди

4573
(жаңыланган 17:05 11.09.2019)
Шумахер мындан алты жыл мурун Франциянын Мерибелинде лыжа тээп жүрүп кырсыктаган.

БИШКЕК, 11-сен. — Sputnik. 2013-жылдын кыш айларында катуу жаракат алып комада жаткан "Формула-1" жарышынын жети жолку чемпиону Михаэль Шумахер эсине келгенин Le Parisien басылмасы жазды.

Буга чейин ЖМК 50 жаштагы спортчу Париждеги Жорж Помпиду атындагы оорукананын жүрөк-кан тамыр хирургиясынын бөлүмүнө жашыруун которулганын айтып чыгышкан. Эми анын саламаттыгына жүрөк оорусун дарылоо боюнча адис, профессор Филипп Менаше көз салмакчы.

"Ооба, ал менин бөлүмүмдө. Эсине келди", — деген клиниканын кызматкери.

Белгилей кетсек, Шумахер мындан алты жыл мурун Франциянын Мерибелинде лыжа тээп жүрүп кырсыктаган. Баш сөөгү, мээси жабыркап, спортчу ошондон бери комада болчу.

4573
Белгилер:
мээ, жарыш, баш, кома
Тема боюнча
Валентина Шевченко UFC рейтингинде Дастин Порьени артта калтырды
 Экс-муфтий Кыргызстана и член Совета улемов Чубак ажы Жалилов

Чубак ажынын санаалаштары: медиктерге доомат жок, колунан келгенин жасашты

9
(жаңыланган 11:56 12.07.2020)
Аалымдын санаалашы Чубак ажы ооруканага келери менен жасалма дем алдыруучу аппаратка кошулуп, дароо реанимацияга жаткырылганын айткан.

БИШКЕК, 12-июл. — Sputnik. Муфтият “дин аалымы Чубак ажы Жалиловду ооруканага кабыл албай койгон жана жасалма дем алдыруучу аппарат жетпей калды” деп социалдык тармактарда айтылып жаткан кеп боюнча билдирүү таратты.

Маалыматта Чубак ажы ооруп жаткан учурда анын жанында жакын санаалаштары Асан ажы Сыргабаев менен Замир Абытов болгону айтылат. 

“Асан ажынын айтуусунда, медицина кызматкерлери аалымдын өмүрүн сактап калууга болгон аракетин жумшаган. Тилекке каршы, ал эки тараптуу пневмонияга кабылып өз ажалынан акка моюн сунган”, — деп жазылат маалыматта.

Апасынын жанына коюлду. Чубак ажынын сөөгү жерге берилди. Сүрөт, видео

Ошондой эле ал Чубак ажы Жалиловду оор абалда түнкү саат 12:00гө жакын Бишкектеги Улуттук госпиталдын нейрохирургия бөлүмүнө алып келишкенин билдирген.   

“Ал жерде бөлүмдүн кызматкерлери күтүп турушкан экен. Жасалма дем алдыруучу аппарат менен жардам беришип, дароо реанимацияга алып кирип кетишкен. Дин аалымынын өмүрүн сактоодо тийиштүү медициналык чаралар көрүлдү. Бул жерде дарыгерлер тарабынан күттүрүү болгон эмес. Медицина кызматкерлерине эч кандай нааразычылыгыбыз жана дооматыбыз жок. Атайын палата дагы даярдалыптыр. Чубак ажы ажалынан каза болгон соң дарыгерлер анын өмүрүн сактап кала алышкан эмес”, — деп айткан Асан ажы Сыргабаев.

Мончодон чыкса деле киши кирдейт. Чубак ажынын учкул сөздөрү

Белгилей кетсек, Саламаттык сактоо министрлиги Чубак ажы Жалиловго эки тараптуу пневмониянын оор түрү деген диагноз коюлганын билдирген. Маркум кант диабети менен да жабыркап келген. Тилекке каршы, реанимациялык аракеттерге карабастан 11-июлга караган түнү саат 2.50дө көз жумган. Ал эми оорукана кабыл албай койгон деген билдирүү чындыкка дал келбей турганын маалымдаган.

Белгилүү дин аалымы, мурдагы муфтий Чубак ажы Жалиловдун сөөгү кечээ, 11-июлда, кичи мекени Базар-Коргон районунун Бай-Мундуз айылында жерге берилди

9
Белгилер:
пневмония, доомат, оорукана, муфтият, Чубак ажы Жалилов
Тема:
Чубак ажынын каза болушу
Тема боюнча
Апасынан айрылган кыз: "Гансиде" ачылды делген реанимациялык блок иштеген жок
Абалы кескин начарлап кеткен. Чыныбай Турсунбеков реанимацияда үзүлгөн
Чубак ажы өмүрүн элдин руханий жактан оңолуусуна арнады. Муфтийдин билдирүүсү
Лабораториядагы реагенттер. Архивдик сүрөт

Россиянын коронавируска каршы вакцинасы сыноодон ийгиликтүү өттү

95
(жаңыланган 11:22 12.07.2020)
Окумуштуулардын айтымында, вакцина сайылган ыктыярчылардын биринчи тобу шаршемби күнү, экинчи тобу 20-июлда ооруканадан чыгат.

БИШКЕК, 12-июл. — Sputnik. Россияда иштелип чыккан коронавируска каршы вакцина сыноодон ийгиликтүү өттү. Бул тууралуу РИА Новости агенттиги Сеченов университетинин Трансляциондук медицина жана биотехнология институтуна шилтеме кылып жазып чыкты.

Аталган илимий мекеменин директору Вадим Тарасовдун айтымында, вакцина сайылган ыктыярчылардын биринчи тобу шаршемби күнү, экинчи тобу 20-июлда ооруканадан чыгат.

Россия коронавируска каршы дагы бир дары чыгарды. Мүнөздөмөсү

"Сеченов университети дүйнө жүзүндөгү биринчи вакцинанын сыноосун ийгиликтүү аяктады", — деди Тарасов.

Ал ошондой эле вакцина сайдырган адамдар узак убакыт обочодо болгондуктан аларда көйгөйлөр жаралып, жардамга психологдор келгендигин кошумчалады.

Ал эми Медициналык паразитология институтунун директору Александр Лукашев ал изилдөөдө дарыны колдонуу адамдын ден соолугуна коопсуз экендигин билүү зарыл болгондугун айтты.

ДССУ Россиянын СOVID-19га каршы вакцинасына кызыгууда. Видео

Эске сала кетсек, июндун ортосунда РФтин Саламаттык сактоо министрлиги коронавируска каршы вакцинанын эки түрүн клиникалык сыноодон өткөрүүгө уруксат бергенин жар салган. Препараттар Гамалея атындагы эпидемиология жана микробиология боюнча илим-изилдөө борбору тарабынан иштелип чыккан.

Сыноо Коргоо министрлигинин Бурденко атындагы госпиталында жана Сеченов медицина университетинде ыктыярчыларга жүргүзүлүүдө.

95
Белгилер:
сыноо, вакцина, изилдөө, Россия
Тема:
Дүйнөгө жайылган коронавирус
Тема боюнча
COVID таасири: метеорологдор беш жылда климат кандай өзгөрөрүн айтышты
Россия коронавируска каршы дагы бир дары чыгарды. Мүнөздөмөсү
COVID: "Авифавирди" амбулатордук түрдө колдонууга уруксат суралууда