Ысык-Көл. Архив

Депутат: Көлдөгү пансионаттар туристтердин коопсуздугуна кайдыгер

46
(жаңыланган 11:07 12.09.2019)
Эл өкүлү куткаруучулар менен атайын техникасы жок пансионаттар да бар экенин эске салды.

БИШКЕК, 12-сен. — Sputnik. Жогорку Кеңештин депутаты Бактыбек Турусбеков Ысык-Көлдөгү пансионаттардын ар бири туристтерди жана эс алуучуларды өзүлөрү каалагандай кабыл алып, алардын коопсуздугуна такыр көңүл бурбай жатканын билдирди.

Депутат Жогорку Кенеша от фракции Бир Бол Бактыбек Турусбеков во время присяги в ЖК
© Фото / Пресс-служба Жогорку Кенеша
Жогорку Кеңештин депутаты Бактыбек Турусбеков

Бүгүн, 12-сентябрда, депутаттар ар кандай маселелерди карады.

Депутат туристтик сезон ачыларда даярдык тууралуу өкмөттүн отуруму болсун деп талап кылганын, бирок ал сунуш айтылган сөз боюнча калганына токтолду. Эми өкмөт туристтик сезондун жыйынтыгы боюнча кандайдыр бир чараларды көрүшү керектигин белгиледи. Себеби жай мезгилинде чөгүп кеткендер, жол кырсыгынан каза болгондор көп болгонун айтты.

"ӨКМдин маалыматы боюнча 70 жол кырсыгы катталып, 24 киши каза болуп, 129 адам түрдүү жаракат алды. Балдардын катышуусу менен 22 жол кырсыгы катталып, үч бала каза болду. Ал эми 13 киши сууга чөгүп кетсе, алардын экөө — аял, үчөө — өспүрүм. Мен муну эмнеге айтып жатам, бул өзүнчө фронттон келген катка окшоп жатат. Ар бир пансионат туристтерди билгениндей кабыл алууда. Акчасын таап жатат, бирок коопсуздугу талаптарга жооп бербейт", — деп депутат кейиди.

Эл өкүлү ошондой эле пансионаттарда куткаруучулар менен атайын техника жок экенин да эске салды.

Андан сырткары, өкмөт жайкы туристтик сезондо болгон окуялардан сабак алып, кетирилген каталарды кайталабоого аракет кылуу керектигин кошумчалады.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
46
Белгилер:
туризм, Бактыбек Турусбеков, Жогорку Кеңеш
Тема боюнча
Жылкыбаев: "Саясатчы эмес, саякатчы бол" деген ураан менен иштеп жатабыз
Ливандын желеги. Архивдик сүрөт

Элдин жаалы менен... Ливан өкмөтү отставкага кетүүдө

53
(жаңыланган 21:19 10.08.2020)
Ливандын борборундагы жардыруунун кесепети элдин бийликке болгон нааразычылыгын күчөтүп, башаламандык жаралган.

БИШКЕК, 10-авг. — Sputnik. Ливан өкмөтү толук курамы менен отставкага кеткенин РИА Новости жазды.

Мындай билдирүүнү саламаттык сактоо министри өкмөттүн жыйынынан кийин жар салган. Айрым министрлер кызматын тапшырууну эмитеден баштаганы айтылат.

Эске салсак, 4-августта Ливандын борбору Бейрут шаарында катуу жарылуу болуп, 150дөн ашык адам көз жумса, алты миңден көбурөөгү жабыркаган

Бейруттагы жарылуу: чаңырып эшикке чуркашты. Үйлөнүп жаткандардын качкан видеосу

Мындай трагедия элдин бийликке болгон нааразычылыгын ого бетер күчөтүп, башаламандыкты шарттаган. Акцияга миңдеген киши чыгып, ал бир нече күндөн бери токтобой келет. Кырсыкка чейинки жана азыркы талаптарынын бири өкмөттү отставкага кетирүү болчу.

53
Белгилер:
жарылуу, отставка, өкмөт, Бейрут, Ливан
Тема:
Бейруттагы жарылуу
Тема боюнча
Бейрутта жарылуудан тирүү калган адамдарды издөө иштери аяктады
Жамгырдуу аба ырайы. Архивдик сүрөт

Шейшембиге карата аба ырайы

11
(жаңыланган 21:01 10.08.2020)
Синоптиктер 11-августта түнкүсүн республиканын кээ бир райондорунда өткүн өтүп, күн күркүрөшү мүмкүндүгүн маалымдашты.

БИШКЕК, 10-авг. — Sputnik. Шейшемби күнү, 11-августта, күндүз кээ бир райондордо өткүн өтүп, күн күркүрөйт, ал эми Талас, Баткен облустарында күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Күндүн көзү ачылбайт... Бир жумага карата аба ырайы

Абанын температурасы Чүй, Ош, Жалал-Абад, Баткен облустарында +30...+35, Талас аймагында +28...+33, Ысык-Көлдө +21...+26 жана Нарын жергесинде +22...+27 градус болору айтылды.

Күндүн табы борборубуз Бишкекте жана Ошто +33...+35 градуска чейин көтөрүлсө, Чолпон-Атада термометрдин көрсөткүчү +21...+23 градуска жетет.

11
Белгилер:
Кыргызстан, аба ырайы
Тема боюнча
Күндүн көзү ачылбайт... Бир жумага карата аба ырайы