Кыргызстандагы биринчи проктолог айым Гүлмира Сарман

Балага телефон берип горшокко отургузуп койсо, геморрой болот да! Проктологдун маеги

1023
(жаңыланган 15:00 12.09.2019)
Врач Гүлмира Сарман — Кыргызстандагы биринчи проктолог айым. Дарыгерликтин бул түрүн тандаганына башында көнө албай, андан соң мырза кесиптештеринин сыйына татуу үчүн да тырышып эмгектенүүгө туура келген. Ошого карабастан, Гүлмира ишин сүйгөндөрдөн.

Өз бейтаптарынын эң чоң көйгөйлөрүнүн бири деп биздин маектеш адиске ооруганын айтып кайрылууну уят көрүшкөнүн эсептейт. Дарыгерден тартынып, дарыканага эле баш багып: "Геморройдун бир дарысын берип койгулачы" деп барыштын аягы оорунун өтүшүп, кесепети жаман болорун бул врач так билет. Гүлмира Сарман ишинде профессор Александр Червинскийдин "Мыкты хирург бейтабын операцияга жеткирбейт" деген сөзүн ураан тутат.

— Билишимче, сиз Кыргызстандагы биринчи проктолог айымсыз. Эмнеге бул багытты тандап алдыңыз эле? Мындан да оор, мындан да "ыплас" медициналык адистиктер бар го?..

— Бул багыт Кыргызстанда кыйла жаш. Проктология бөлүмү мурдагы Республикалык оорукананын базасында 80-жылдардын башында пайда болду. Өлкөдөгү аялдардын ичинен чыккан алгачкы проктологмун. Бул адистикти төрт мырза кесиптешим менен Москвадан өздөштүрүп келгенбиз. Болбосо, мурда жоон жана түз ичеги ооруларын дарылап келген жалпы хирургдардын арасында айымдар жок эмес эле.

— Кандайча кызыгып калдыңыз?

— Өзүмдүн сүйүктүү ишим тууралуу күндөп-түндөп деле айта берем... Хирург болууну чечип, институтта окуп жүргөнүмдө №3 балдар ооруканасынын ириң бөлүмүнө такшалууга баргам. 4-курска келгенде проктология бөлүмүнө түнкү кезметтеги медайым болуп ишке орношком. Группалаштарым каникулда эс алып жүрүшкөн кезде эки апта операциялык медайымдын да ордуна иштеп калып, бул ишке аралашып кеттим. Ал эми алгачкы кичи операцияны жасоого бөлүмдүн башчысы мага бешинчи курска келгенимде уруксат берген.

Эң кызыгы, окуу жайда багыттар боюнча бөлүштүрүүдө комиссия мүчөлөрү: "Гүлмира, мунун сага не кереги бар? Кел, сени лор же окулист кылып жиберели. Проктология ыплас иш го..." — деп аябай таңгалышкан. Бирок беттегенимди бербедим. Жаңы багыт болгонунан деле эмес, проктология бөлүмү мен үчүн таза, жакын, бейтаптарыбыздын баары өздөрүнө абдан кылдат кам көрүшөт. Ал эми алар кандай азап тартарын эч ким билбейт... Ишке ушунчалык берилип, күн алыс түнкү кезметке калчумун.

Первая женщина-проктолог в Кыргызстане Гульмира Сарман во время беседы
© Sputnik / Дильноза Алымова
Гүлмира Сарман ишинде профессор Александр Червинскийдин "Мыкты хирург бейтабын операцияга жеткирбейт" деген сөзүн ураан тутат.

— Ата-энеңиз тандаган адистикке кандай карашты?

— Ал кишилер медицинадан алыс, проктологиянын эмне экенинен деле кабары жок болчу. Айрыкча, апам: "Физиотерапияга эле барсаңчы? Таптаза, тынч, көйгөйү да жок багыт. Түнкү кезметтен чарчап келип, бир аз уктап эле кайра ишке барып жатасың..." – деп каршы чыккан. Бирок мени эч нерсе токтото алган эмес, ата-энем да өжөрлөнгөнүмдү көрүп, акыры мейли деп тим болушту. Экинчи жагымдуу тарабы — каржылык кирешем эле, экинчи курстан тарта 55 рубль жогорулатылган стипендия жана 80 сом маяна алчумун. Апам физика мугалими, алган айлыгы — болгону 120 рубль. Ошондуктан ата-энеме жардамдашчумун, аларга бир аз жеңилдик болчу.

— Жалаң мырзалардан турган жамаат жалгыз кызды кандай кабыл алды?

— Окуу жайда сегиз бала, төрт кыз окудук. Ал эми хирургиялык циклде биздин группада 16 бала менен жалгыз окугам. Кимди староста кылып коюшту дебейсизби? Ага кошумча 2-курстан баштап хирургиядагы ишим, ал жакта дээрлик мырзалар гана иштейт эмеспи.

"Сен аялсың да, кантип хирург боло аласың?" дегендей теңине албагандык, тоготпогондук бир аз сезилчү. Кесиптештеримдин сыйына татууга далай жылдарым кетти го. Ал кезде аял-эркек деп бөлүү аябай күч болчу. Алар менен теңата иштей аларымды көрүшкөндөн кийин гана баары ордуна келди.

Проктология Кыргызстанда ушул тапта актуалдуу жана өтө көйгөйлүү темалардан. Бүт өлкө боюнча чоңдор үчүн 45, балдар үчүн 15 койка гана бар, бул деңиздин бир тамчысындай эле нерсе го.

— Бүгүн балдар проктологиясы канчалык актуалдуу?

— Аябай эле. Мурда ымыркай же бир жашар баланы проктологго алып келишсе, өөн учурачу. Азыр андайга таңгалып болбойт. Бишкектиктерге го жакшы, келип көрүнүп, кеңеш алып тура алышат. Облустарда жашагандар эмне кылат? Албетте, аларды хирургдар карайт. Бирок көйгөйлүү нерселерди проктолог адис гана байкай алат.

Создатель клуба Перезагрузка в 49+ Гульмира Сарман во время беседы на радио
© Sputnik / Досхан Нусупбеков
Сарман: өлкөдөгү аялдардын ичинен чыккан алгачкы проктологмун

— Бир жашар бала кантип геморрой болсун?

— Көп себептери бар: 50 пайызы тукум кууйт. Андан тышкары, көп ата-эне баланы горшогуна колуна телефон карматып отургузуп, өздөрү оокат кылып жүрө берет. Анан памперс чыккан, жаш ата-энелер баланын памперсти узагыраак кийип жүргөнүн ыңгайлуу көрөт. Мага бир наристени алып келишкен, эки жашка чыкканча бала же дааратканага баргысы келгенин айта албайт, же горшокко отура албайт. Кичинекей бала фри, хот-дог, кола өңдүү тамак жесе да ушундай көйгөй башталат.

— Врачтар ден соолукка жоопкерчиликсиз мамиле кыларыбызды, маал-маалы менен көрүнүп турбаганыбызды көп айтышат. Проктологияда бул жагынан жагдай кандай?

— Андан да начар. Анткени адамдардын 90-95 пайызы жоон жана ичке ичеги ооруларын уят деп санашат. Ачык айтууга да болбойт имиш. Мага кээде: "Сизди канча жылдан бери издеп жүргөм..." — деп келишет бейтап айымдар. Проктологияда 35 жылдан бери иштейм. Бул тек гана шылтоо. Адамдар бир топ убакыт өздөрүн өздөрү дарылоо менен алектенишет. Алардын эң чоң катачылыгы — дарыканага барып: "Мага бир нерсе берип койгулачы" дегендери. Ошол "бир нерсени" алгандан кийин врачтарга өтө өтүшүп кеткен абалда кайрылышат. Дал ушундай мамиле — уят, анан калса, жан сыздатат. Проктологияда 200 диагноз бар: ар биринин дарылоо схемасы ар башка, балдар, чоңдор, кош бойлуу жана көз жара тургандар үчүн өзүнчө дары-дармектер бар. Катардагы дарыканачы аларды так билери күмөн.

— Өз алдынча дарыланып өтүштүрүп жибергендерден үрөйүңүздү учурган окуя болду беле?

— Өтө өтүшүп кеткен убакта кайрылгандардын көпчүлүгү: "Интернеттен окугам, анан ушундай кылып алдым", – деп келишет. Болгон нерсенин баарын окуп-көрүп алчу заманда жашайбыз. Аптасына бир-эки ирет ар кыл баскычтагы ракты аныктап калдык.

Бир учур таптакыр оюмдан кетпейт... Ысык-Көлдөн бир аялды медициналык замбил менен алып келишти. Ага уу коргошундун (аконит) кайнатмасын ичке ичегиге куюуга кеңеш беришиптир. Үч ай бою ошентет. Аконит уулуу эмеспи. Балким, тийиштүү бир өлчөмдө кошумча дарылоого кошулаар. Бирок бул бейтапка ал өсүмдүк жардам бермек эмес. Текшерип чыгып, аял төртүнчү баскычтагы рак экенин аныктадык. Абалы өтө оор эле, тез жардам чакырууга туура келди. Эмнеге дароо врачка көрүнбөгөнүн сурасам, участкалык врач ушундай дарылануу ыкмасын кеңеш кылганын айтат. Үрөйүм учту.

Первая женщина-проктолог в Кыргызстане Гульмира Сарман во время беседы
© Sputnik / Дильноза Алымова
Сарман: Проктология Кыргызстанда ушул тапта актуалдуу жана өтө көйгөйлүү темалардан

— Көбүнесе кандай оорулар менен кайрылышат?

— Карыяларыбыз айткандай, мурда геморрой деген оору болбоптур. Кыргыздар көчмөн калк болгондуктан, алар буттары менен кичине жамбаш чарасы бир деңгээлде болгондой жерде отуруп, тамырларда кан айлануу токтоп калчу эмес. Ал эми атка минүү укалоо өңдүү кызмат кылчу. Азыр биз көп кыймылдабайбыз, жашоонун көбүн компьютерди тиктеп отуруп өткөрөбүз. Азыр адамдар дааратканага кантип туура барып, эмне жеш керектигин кайра башынан үйрөнүп жаткан убак.

— Ишиңизде эмне кыжырыңызга тийиши мүмкүн?

— Эч нерсе. Өз кардарларымды жакшы көрөм.

— Анда эмне сүйүнтөт?

— Ишимдин жыйынтыгын көрүү. Качандыр бир кезде жаш элем, мага көбүнесе жашаган жери жок кишилерди операция кылдырышчу. Жарааты тез бүтүп, бат айыгып кетиши үчүн аларга үйдөн шорпо, кымыз алып келер элем. Ал адамдарды антип башка ким бакмак эле? Кийин Москвага окууга өттүм, РФ колопроктология илим изилдөө институтунун ишиндеги ыкмаларын, оор бейтаптарды ажалдан арачалап калуу жолдорун киргизе баштадым.

— Кесиптик анекдоттордон айтып берсеңиз.

— Проктологдордун анекдоттору көп, алардын бири он жыл мурун менин да башыман өттү. Атайын дары шамдарын чайнаган кемпир жөнүндө уктуңуздар беле?

— Жок.

— Бул анекдотту студенттик жылдардан бери билем. Бир улгайган аял бейтабым бар эле, ага ректалдык шам (дары ичке ичегиге салынат). Он күндөн кийин ал кайра көрүнүүгө келип: "Жакшы боло түштүм, болгону шамдар тишке тыгыла берет экен" – дейт. Ал аларды чайнап, жутуп, артынан жылуу суу ичип койчу тура.

Ошол окуядан соң бардык бейтаптарга ректалдык шамдарды кантип салуу керектигин түшүндүрчү болдум. Кээде түшүнүктүү болсун деп сүрөтүн да тартып көрсөтөм. Себеби, эң башкысы, бейтаптын өз көйгөйүн "көрө билгени" эмеспи.

1023
Белгилер:
проктолог, маек, кызмат, дарыгер, бейтап
Тема боюнча
25 жашында стоматология борборун ачкан Эрбол: түнкү үчкө чейин иштөө адатка айланды
Аборттон ичеги-карды чубалган кызды көрүп үрөй учту. Дарыгер менен маек
Ветеринария инспекциясына караштуу мал ылаңына мониторинг жүргүзүү бөлүмүнүн башчысы Чыңгыз Романов

Романов: кутурма жуктуруп алгандан кийин андан айыгуу кыйын

3
Ветеринария инспекциясына караштуу мал ылаңына мониторинг жүргүзүү бөлүмүнүн башчысы Чыңгыз Романов мамлекетте каражат жетишсиз болгондуктан жапайы жаныбарлар арасында кутурма оорусуна каршы алдын алуу иш-чараларын жүргүзүүгө мүмкүнчүлүк жок экенин айтты.
Романов: кутурма жуктуруп алгандан кийин андан айыгуу кыйын

Ветеринария инспекциясы кутурманы алдын алуу максатында аталган илдет тууралуу кыска видеороликтерди жер-жерлерде көрсөтүп келет. Андан тышкары, үй жаныбарларын кармоо, багуу шарттары боюнча окуучулар, студенттер арасында түшүндүрүү иштерин жүргүзүп жатат. Ошондой эле эл көп топтолгон коомдук жайларга кутурма оорусу тууралуу буклет, брошюралар таркатылууда. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ошто жыл башынан бери алты жаныбардан кутурма табылган

Анын айтымында, кутурма дарты дүйнөнүн 53 мамлекетинде кездешет, андан жылына 70 миңден ашык адам каза табат.

"Кутурма ылаңы менен карышкыр, ит, чөө, ийри мүйүздүү жаныбарлар, келемиш, түлкү, суур, чымчыктар, адам, кыскасы, жылуу кандуу жандыктын баары ооруйт. Жаратылышта кутурманы козгоочу вирустар жапайы жырткычтар арасында сакталып келет. Кутурган жаныбар адамды тиштегенде вирус шилекейи аркылуу жугат. Шилекей адамдын денесиндеги жарага түшүп же мурунга, оозго кирип кетсе да оору козголот. Адамдарга көбүнчө вирус ит-мышык тиштегенде өтөт. Өзгөчө күз-кыш жана жаз мезгилинде токойдогу ачка жапайы жаныбарлар айыл аралап кетип, үй жаныбарлары менен контакт болот. Жылына мамлекеттик бюджеттин эсебинен 500 миңдин тегерегинде вакцина сатып алынып, аймактарда кутурмага каршы эмдөө жүргүзүлөт. Ал эми адамдар өз учурунда эмдөө алып ооруну алдын алса болот. Илдет жуктуруп алгандан кийин андан айыгуу кыйын", — деди Романов.

Адис кайсы жаныбар тиштебесин, жаракат алган жерин самындап жууп, йод же таза спирт менен сүртүп, дароо ооруканага кайрылуу керектигин эске салды.

3
Белгилер:
оору, кутурма, Чыңгыз Романов
Тема боюнча
Кутурмага кабылган адам айыкпайт. Дарыгер илдеттен сактануу жолдорун айтты
Абсолюттук мушкерлер чемпионатынын (UFC) жеңил салмактагы чемпиону, россиялык мушкер Хабиб Нурмагомедов. Архивдик сүрөт

Хабиб Нурмагомедовдун менеджери коронавирус жуктуруп алды

21
(жаңыланган 12:26 24.10.2020)
Менеджер коомчулукка кайрылып, өзү жана айланасындагылар менен байланышта болгондорду сактык чарасын көрүүнү эскертти.

БИШКЕК, 24-окт. — Sputnik. Абсолюттук мушкерлер чемпионатынын (UFC) жеңил салмактагы чемпиону, россиялык мушкер Хабиб Нурмагомедовдун менеджери Али Абдель-Азиз коронавирус жуктуруп алды. Бул тууралуу ал кечээ өзүнүн Instagram баракчасына жазды.

Посмотреть эту публикацию в Instagram

Публикация от Ali (@aliabdelaziz000)

Менеджер бул аптада ооруканада ден соолугуна кам көрөрүн билдирген.

"Достор жана кесиптештер, көңүл бургула, менин COVID-19 илдетине кабылганым аныкталды. Бул аптада мен ооруканада ден соолугумду чыңдайм. Мени менен же менин айлана-чөйрөм менен байланышта болгон адамдарды сактык чараларын көргүлө деп эскертким келет", — деп жазган ал.
Посмотреть эту публикацию в Instagram

Публикация от Ali (@aliabdelaziz000)

Хабиб Нурмагомедов бүгүн, 24-октябрда, Абу-Даби шаарындагы "Мушкерлер аралы" спорттук жайында UFC уюмундагы жеңил салмактагы чемпиондук наамын коргоо үчүн америкалык Жастин Гэтжи менен беттешке чыгат.

Хабиб менен Гэтжинин беттешин качан жана кайсы жактардан көрүүгө болот

Кечээ мушкерлер беттеш алдында салмагын текшеришкен. Россиялык мушкер салмагы ашып калып, толук чечинип кайра түшкөн.

21
Белгилер:
Хабиб Нурмагомедов, менеджер, UFC, коронавирус
Тема:
Дүйнөгө жайылган коронавирус
Тема боюнча
UFC: Хабиб көз караштар таймашында жеңилип калды. Тамашалуу ролик
Хабиб менен Гэтжинин беттешин качан жана кайсы жактардан көрүүгө болот