Ички иштер министринин мурдагы орун басары Курсан Асанов

Кой-Таш окуясы: комиссия Курсан Асанов менен Равшан Жээнбековду укту. Сүрөт

1846
(жаңыланган 14:10 13.09.2019)
Жыйынга чакырылгандар 7-8-августта болгон Кой-Таш айылындагы окуялардын өнүгүшү, өздөрүнүн түздөн-түз катышуусу тууралуу айтып беришип, Мамкомиссиянын мүчөлөрүнүн суроолоруна жооп беришти.

БИШКЕК, 13-сен. — Sputnik. Үстүбүздөгү жылдын 7-8-августунда болгон Кой-Таш окуясын иликтөө үчүн түзүлгөн комиссиянын мүчөлөрү ички иштер министринин мурдагы орун басары Курсан Асанов менен коомдук ишмер Равшан Жээнбековдун маалыматын угушту. Бул тууралуу өкмөттөн кабарлашты.

  • Исаков Исмаил один из членов Государственной комиссии по изучению ситуации, сложившейся в селе Кой-Таш 7-8 августа 2019 года
    Үстүбүздөгү жылдын 7-8-августунда болгон Кой-Таш окуясын иликтөө үчүн түзүлгөн комиссиянын мүчөлөрү ички иштер министринин мурдагы орун басары Курсан Асанов менен коомдук ишмер Равшан Жээнбековдун маалыматын угушту
    © Фото / пресс-служба правительства / Алишер Алиев
  • Члены Госкомиссии по изучению событий 7-8 августа 2019 года в селе Кой-Таш заслушали информацию Курсана Асанова и Равшана Жеенбекова
    Билдирмеге караганда, жыйынга Жогорку Кеңештин депутаты Асел Кодуранова дагы чакырылган, бирок жеке себептерден улам катыша албай калган
    © Фото / пресс-служба правительства / Алишер Алиев
  • Ветеран спецслужб, экс-зампредседателя ГКНБ Артур Медетбеков один из членов Государственной комиссии по изучению ситуации, сложившейся в селе Кой-Таш 7-8 августа 2019 года
    Жыйынга чакырылгандар 7-8-августта болгон Кой-Таш айылындагы окуялардын өнүгүшү, өздөрүнүн түздөн-түз катышуусу тууралуу айтып беришип, Мамкомиссиянын мүчөлөрүнүн суроолоруна жооп беришти
    © Фото / пресс-служба правительства / Алишер Алиев
  • Члены Госкомиссии по изучению событий 7-8 августа 2019 года в селе Кой-Таш заслушали информацию Равшана Жеенбекова
    Эске салсак, буга чейин премьер-министрдин буйругу менен Кой-Таш айылында түзүлгөн кырдаалды иликтөө боюнча мамлекеттик комиссия түзүлгөн.
    © Фото / пресс-служба правительства / Алишер Алиев
1 / 4
© Фото / пресс-служба правительства / Алишер Алиев
Үстүбүздөгү жылдын 7-8-августунда болгон Кой-Таш окуясын иликтөө үчүн түзүлгөн комиссиянын мүчөлөрү ички иштер министринин мурдагы орун басары Курсан Асанов менен коомдук ишмер Равшан Жээнбековдун маалыматын угушту

Билдирмеге караганда, жыйынга Жогорку Кеңештин депутаты Асел Кодуранова дагы чакырылган, бирок жеке себептерден улам катыша албай калган.

"Жыйынга чакырылгандар 7-8-августта болгон Кой-Таш айылындагы окуялардын өнүгүшү, өздөрүнүн түздөн-түз катышуусу тууралуу айтып беришип, Мамкомиссиянын мүчөлөрүнүн суроолоруна жооп беришти", — деп айтылат маалыматта.

Эске салсак, буга чейин премьер-министрдин буйругу менен Кой-Таш айылында түзүлгөн кырдаалды иликтөө боюнча мамлекеттик комиссия түзүлгөн. Анын курамына эки жаңы катышуучу, коомдук ишмерлер Клара Сооронкулова менен Жаркынбек Касымбеков кирген.

Кой-Таштагы окуя

7-августта УКМК Кой-Ташта мурунку президент Алмазбек Атамбаевди кармоо боюнча атайын операция жүргүзүп, ал максатына жетпей калган. Атамбаевдин тарапташтары катуу каршылык көрсөтүп, ок атылган. Бир жоокер каза таап, 140ка чукул адам ар кандай жаракат алган. Эртеси операцияны ИИМ жүргүзүп, ички иштер министринин ошол кездеги орун басары Курсан Асановдун жүргүзгөн сүйлөшүүсүнөн кийин Атамбаев багынып берген.

Мурунку президент ушу тапта УКМКнын тергөө абагында.

1846
Белгилер:
жыйын, Курсан Асанов, комиссия, Кой-Таш
Тема:
Атамбаевдин Кой-Таштагы үйүндөгү атайын операция (180)
Тема боюнча
Кой-Таш окуясы: мамкомиссия Асанов менен Жээнбековдун пикирин билгиси келет
Кой-Ташта башына таш тийген Курманкулов Москвада башка ооруканага которулду
Бишкекте биринчи күзгү кар жаады

Жумага карата аба ырайы

26
Жумага караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 29-окт. — Sputnik. Жума күнү, 30-октябрда, республикада күн ачык болот. Бул тууралуу Кыргызгидромет билдирди.

Абанын температурасы Чүй менен Таласта +8...+11, Ош, Жалал-Абад жана Баткен облустарында +14...+19, Ысык-Көл аймагында +6...+11 жана Нарында +5...+10 градуска жетет.

Кар жаайт, жолго камынып чыккыла. ӨКМ айдоочуларга кулак кагыш кылды

Күндүн табы борборубуз Бишкекте +11...+15 жана Ош калаасында +16...+18 градуска көтөрүлөт.

26
Белгилер:
Кыргызстан, октябрь, аба ырайы
Тема боюнча
Адаттагыдан суук болот. Ноябрга карата аба ырайы
Медициналык факультеттин студенттери. Архив

Пакистандын кара тизмесиндеги медициналык окуу жайлардын ректорлору эмне дейт

214
(жаңыланган 19:40 29.10.2020)
Пакистан Кыргызстандын бардык медициналык окуу жайларын кара тизмеге киргизди. Үч окуу жайдын ректорлору мындай чечимдин себебин айтып беришти.

Бүгүн Пакистан Кыргызстандын медицина адистерин даярдаган окуу жайларын кара тизмеге киргизгени маалым болду. Өлкө мындай чечимин Кыргызстандан билим алган студенттердин 90 пайызы Пакистандын медицина кеңешинен милдеттүү түрдө каралган экзаменди тапшыра албай, дипломдору таанылбай жатканы менен түшүндүрдү.

Билим берүү жана илим министри Алмазбек Бейшеналиев Кыргызстан аталган тизмеге билим берүүнүн начар сапатынан улам киргенин боолголоодо. Мындан тышкары, окуу жайлардын басымдуу бөлүгү эл аралык аккредитациядан өткөн эмес.

Sputnik агенттиги бир нече окуу жайдын ректорлору менен байланышып, түзүлгөн кырдаалды түшүндүрүп берүүнү өтүндү.

Министр Пакистандын элчиси менен кара тизмеге кирген ЖОЖдорду талкуулады

КММА

Иса Ахунбаев атындагы Кыргыз мамлекеттик медицина академиясында Пакистандан келген жүздөгөн студент билим алат. Ректор Индира Кудайбергенованын айтымында, алардын саны төрт жыл мурун, өлкөгө комиссия келип кеткенден кийин өскөн.

Профессор, доктор медицинских наук, ректор КГМА Индира Кудайбергенова. Архивное фото
© Фото / пресс-служба КГМА
Иса Ахунбаев атындагы Кыргыз мамлекеттик медицина академиясынын ректору Индира Кудайбергенова
"2016-жылы республикага Пакистандан атайын комиссия келген. Ал өлкөнүн төрт окуу жайын талапка жооп берет деп тапкан, анын ичинде Медакадемия да бар. Калганы жактырылган эмес. Бул төрт жылдын ичинде 9-10 медициналык окуу жай ачылып кетти. Чакан өлкөгө мынча медициналык ЖОЖдун эмне кереги бар деген кадыресе суроо туулат", — деди Кудайбергенова.

Ректордун айтымында, кыргызстандык окуу жайлардын айрым бөлүгү чет өлкөлүк студенттерди окута алат, буга бардык шарты бар.

"Менимче, бул жаңылыштык болуп калды. Медиктерди даярдаган окуу жайлардын баарын бир катарга коюп коюшуптур, тизмеге бардык ЖОЖдор кирип калган. Бирок төрт-бешөөнүн чет элдик студенттердин окутууга бардык мүмкүнчүлүгү бар. Биз Пакистандын медицина кеңеши 2016-жылы талапка ылайык келет деп таап кеткен окуу жайларды тизмеден чыгарууну өтүнүп кайрылуу жасадык", — деди Кудайбергенова.

Жетекчи КММАда Сирия, Корея жана башка мамлекеттерден келген студенттер да билим аларын кошумчалады.

Инфекционист, эпидемиолог көздөн учту. Жети дубандын эли кантип дарыланууда

Эл аралык жогорку медицина мектеби (ЭЖММ)

ЭЖММ — Кыргызстандын эл аралык университетинин академиялык консорциумунун структуралык бөлүмү. Студенттердин басымдуу бөлүгү чет өлкөлүктөр. Ректор, профессор Сталбек Ахунбаевдин айтымында, түзүлгөн кырдаал күтүлүп эле келген: биринчи коңгуроо Пакистан медициналык билим берүү маселелери боюнча биргелешкен комиссия түзүп, Кыргызстанга жибергенде эле кагылган.

"Комиссия мүчөлөрүн биздин өлкөдөгү ар бир окуу жай өзүнүн программасы менен иштей турганы, ошондой эле медициналык билим берүүнү тескеген кесипкөй ассоциациянын жоктугу абдан таң калтырган. Ошондон кийин комиссия тааныган төрт окуу жай эл аралык өнөктөштөр менен иштешүүгө ыңгайлуу болушу үчүн ассоциация түзүү чечимин кабыл алган", — деп түшүндүрүп берди Ахунбаев.

Ректордун айтымында, Кыргызстанда билим берүү ишмердүүлүгү үчүн лицензия алуу кыйла жеңил.

"Талап андай катаал эмес, кыска убакытта медиктерди даярдаган көп окуу жайдын ачылып кеткени да ушундан. Азыр мындай окуу жайлардын саны 20га чукулдап калды. Бул чакан мамлекет үчүн өтө көп", — деди жетекчи.

Ахунбаев кара тизме түзүүдө Пакистан окуу жайдын өзүн эмес, жалпы өлкөнү карай турганын белгиледи.

"Кара тизмеге мамлекет кирет. Учурунда пакистандык студенттер үчүн Румыния да "жабылган". Куба да ушундай тагдырга туш болгон", — деди ректор.

Ахунбаевдин баамында, Пакистандын медицина кеңеши Кыргызстанга комиссия жөнөтөт, бирок бул качан ишке ашары белгисиз. Мындан улам министр менен жолуккан ректорлор көйгөйдү чечүү боюнча алгачкы аракеттерин сунушташкан.

"Биз Пакистанга кара тизмени кайра карап чыгууну сунушташыбыз керек экенин, биринчи этабында 2016-жылы талапка жооп берет деген төрт окуу жайды андан чыгаруу керектигин айттык. Экинчиден, окуу жайлардын топторго бөлүп, аталган тизмеден чыгуу жолдорун иштеп чыгуу зарылдыгын белгиледик", — деди жетекчи.

Венгрия: кыргызстандык студенттерге бекер окуу шарты түзүлдү

"Ала-Тоо" эл аралык университети

"Ала-Тоо" эл аралык университетинин ректору, доцент Санжарбек Эрдолатов окуу жайдын медицина факультети алгачкы студенттерди былтыртан тарта кабыл ала баштаганын билдирди. Анын айтымында, университет дарыгерлерди даярдап чыгара элек, бирок билим алуу үчүн окуу жайда бардык шарт бар.

Ректор международного университета Ала-Тоо доцент, Санжарбек Эрдолатов
© Фото / предоставлено Санжарбеком Эрдолатовым
"Ала-Тоо" эл аралык университетинин ректору, доцент Санжарбек Эрдолатов
"Бул көйгөйдөн чыгып кетерибизге ишенем. Комиссия Кыргызстанга келип, пакистандык студенттерге кайсы окуу жайлар төп келерин аныктап кетсе болот. Биздин окуу жайда эл аралык стандарттарга жооп берген заманбап лаборатория иштейт", — деди ал.

Эрдолатовдун айтымында, Кыргызстанга келген пакистандык студенттер кабылган көйгөйлөрдүн бири — жергиликтүү окутуучулардын англис тилинин деңгээли.

"Пакистандык студенттер окутуучулар тийиштүү деңгээлде англис тилин билбегендиктен да сапаттуу билим ала албай жатышат. Биз, мисалы, лекторлорду башка өлкөлөрдөн чакырабыз", — деди ректор.

Ал айрым учурда чет элдик студенттер билим алуу шарты менен жатакана боюнча да көйгөйгө тушугарын белгиледи.

"Мен студенттерге бирди көрсөтүп, алар келгенден кийин таптакыр башка көрүнүшкө туш болорун уккам. Мисалы, башка жатакананын эле сүрөтүн пайдаланышат да, студент Кыргызстанга келгенден кийин нааразы болот", — деди Эрдолатов.

Ректор учурда билим алып жаткан пакистандык студенттерге окуусун аяктоого мүмкүнчүлүк берүү керек деген пикирин кошумчалады.

214
Белгилер:
кара тизме, медицина, ЖОЖ, окуу жай, Пакистан, Кыргызстан
Тема боюнча
Пакистан Кыргызстандын медициналык окуу жайларын кара тизмеге киргизди. Себеби
Кыргызстандын тышкы иштер министри Руслан Казакбаев Нур-Султанга болгон иш сапарынын алкагында Казакстандын өкмөт башчысы Аскар Мамин менен жолугушуусу

Жардам суралды. Руслан Казакбаев Казакстандын премьер-министри менен жолукту

16
(жаңыланган 21:44 29.10.2020)
Министр Казакбаев коңшу өлкөдөн Кыргызстандын социалдык-экономикалык абалын эске алып каржылык жардам көрсөтүү мүмкүнчүлүгүн карап чыгууну өтүнгөн.

БИШКЕК, 29-окт. — Sputnik. Өлкөнүн тышкы иштер министри Руслан Казакбаев Нур-Султанга болгон иш сапарынын алкагында Казакстандын өкмөт башчысы Аскар Мамин менен жолукту. Бул тууралуу ТИМдин маалымат кызматы кабарлады.

Коңшу өлкөнүн өкмөт башчысы Казакбаевди тышкы саясат мекемесинин жетекчиси болуп дайындалышы менен куттуктап, ишине ийгиликтерди каалады.

Өз кезегинде КРдин ТИМ башчысы президенттин милдетин аткаруучу, премьер-министр Садыр Жапаровдун атынан салам айтты.

"Ошондой эле ал Кыргызстандагы кырдаал турукташып баштаганын, саясий процесстердин укуктук талаага кайтып келе жатканын айткан. Кыргыз тарап өзүнүн бардык эл аралык милдеттенмелерин жана буга чейин кол коюлган бардык эки жана көп тараптуу эл аралык келишимдердин так аткарылышын камсыздай турганына ишендирди. Мындан тышкары, өкмөт өлкөнүн мыйзамдарына ылайык, казак инвестицияларынын коопсуздугун камсыз кылуу боюнча зарыл чараларды көрөрүн билдирди", — деп айтылат маалыматта.

ТИМ жетекчиси Казакбаев: өлкөдөгү башаламандыкка сырткы күчтөр да аралашты

Сүйлөшүүлөрдүн жүрүшүндө тараптар саясий, соода-экономикалык, суу-энергетикалык, транспорт, логистика жана маданий-гуманитардык чөйрөлөрдөгү кыргыз-казак кызматташтыгынын актуалдуу маселелерин талкуулашкан.

Тараптар өзгөчө көңүлдү COVID-19 пандемиясынын жайылышына каршы күрөшүү маселелерине бурушту.

"Министр Казакбаев казак тарапты өлкөнү дары-дармек жана жеке коргонуу каражаттары менен камсыздоо мүмкүнчүлүгүн сураган. Ошондой эле Кыргызстандын социалдык-экономикалык абалын эске алуу менен өлкөнүн бюджетин колдоо жана азык-түлүк коопсуздугун камсыз кылуу үчүн каржылык жардам көрсөтүү мүмкүнчүлүгүн карап чыгууну өтүндү", — деп айтылат билдирмеде.

Жолугушуунун аягында жакынкы аралыкта эки тараптуу жолугушууларды жогорку деңгээлде өткөрүүнү макулдашты.

16
Белгилер:
экономика, коронавирус, жардам, Руслан Казакбаев, Казакстан, Кыргызстан
Тема боюнча
Министрлер ЕАЭБ менен Кытай кызматташтыгын талкуулайт
Кайсы өлкөлөрдүн жарандары Кыргызстанга кирип-чыга алат? Тизме