Назначенный министром образования и науки КР Каныбек Исаков

Апасы, бир туугандары тамекиге ууланып... Министр Каныбек Исаков тууралуу 7 факты

26301
(жаңыланган 17:08 13.09.2019)
Ош мамлекеттик университетинин ректору Каныбек Исаков билим берүү жана илим министри болуп дайындалды. Депутаттар жалпы жыйында Исаковдун талапкерлигин карап, 107 добуш менен колдоп беришти.

Мурдагы министр Гүлмира Кудайбердиева өз ыктыяры менен кызматтан кеткен. Анын ордуна премьер-министр Мухаммедкалый Абылгазиев Каныбек Исаковду сунуштап, талапкерлигин Жогорку Кеңештин депутаттары жактырган болчу

Ал депутаттардын суроосуна жооп берип жатып, латын алфавитине өтүүнү колдой турганын жана ата-энелер фонду качан жоюларын айтып берген.

Ошондой эле Sputnik Кыргызстандын журналисти жаңы министр жумушун эмнеден баштап, кандай өзгөрүүлөрдү жасай турганына кызыгып, суроо узаткан.

Редакция жаңы министр тууралуу фактыларды даярдады.

Чыйрак өскөн

Каныбек Исаков 1969-жылы 4-июнда Ош облусунун Ноокат районундагы Жаңы-Ноокат айылында туулган. Ал үй-бүлөсү жана бала чагы тууралуу Sputnik Кыргызстан маалымат агенттигинин "Айылга кат" рубрикасында айтып берген

Үй-бүлөсү гектарлап тамеки эккен. Өзү таңкы алтыда талаага кетип, түнкү экиге чейин тамекинин түйшүгүн тарткан. Атасы бригадир болсо, апасы колхоздун да, үйдүн да ишин бирдей караган. Бардар, ырыскылуу жашашкан.

Исаков апасы жана туугандары тамекиге ууланып каза болсо керек деген ойдо экендигин айтып берген.

"Апам, менин апама окшогон канчалаган апалар тамекиге ууланып, ооруп, көпчүлүгү 65ке чыкпай өтүп кетишкенин арман катары айткым келди. Апам 10 бала төрөптүр, анын үчөө ошол тамекинин уусунан болсо керек, бир-эки жашка чыкпай учуп кетиптир" деген.

Учурда жети бир тууганы өз алдынча түтүн булатып, очор-бачар. Төртөө жогорку билимдүү, улуу агасы менен эжеси ата-энесине каралашып окуй албай калган. Ал эми токсондон өткөн атасы айылда турат экен.

Ректор ОшГУ Каныбек Исаков в рабочем кабинете
© Фото / пресс-служба ОшГУ
Каныбек Исаков 1969-жылы 4-июнда Ош облусунун Ноокат районундагы Жаңы-Ноокат айылында туулган.

Болочок кесибине мугалими таасир берген

Өзүнүн айтымында, 8-класста окуп жатканда Райма Кадырова аттуу окутуучу Бишкектеги кыз-келиндер педагогикалык институтун жаңыдан бүтүп келип, класс жетекчи болуп калат. Ал балдар менен тез аралашып, мектепте гана эмес, түрдүү иш-чараларда окуучуларды колдоп-коштоп, сүйүктүү мугалимге айланат. Балдары 10-класска келгенде ал кыз турмушка чыгып кетет. Ага таасирленген көп окуучу мугалимдик кесипти тандаган. Каныбек Исаков филологияга барса, дагы башкалары биолог, физик, математик, химик болуп кетишкен.

Чыгармачылыктын башаты

Каныбек Исаковду классташ балдары кыздарга ашыктык кат жазып бер деп суранып, аларга сезим козгогон каттарды, ырларды жазып жүрүп, чыгармачылыкка ооп кетет. 6-класстан баштап райондук, республикалык пионердик гезитке макалалары, эсселери чыга баштаган. Төртүнчү класста эле классташ балдары менен Касымалы Жантөшевдин эки томдуу "Каныбек" романын колдон-колго өткөрүп окушкан. 5-6-класста окуп жүргөндө Жек Лондондун "Мартин Иден", Майн Риддин "Башы жок чабандес", Исай Калашниковдун "Каар заман" романдарын окуп, дүйнөлүк адабияттын ажайып ааламына аралашкан. 

Ректоры Ошского государственного университета и Андижанского государственного университета Каныбек Исаков и Акрам Юлдашев подписали меморандум о сотрудничестве
© Пресс-служба правительства / Сабыр Аильчиев
Мектепти аяктаганда Ош мамлекеттик университетинин кыргыз тили жана адабияты адистигине тапшырып, окууну кызыл диплом менен аяктаган.

Аз жерден спортчу болуп кете жаздап...

1980-жылы Каныбек Осмоналиев, Сатымкул Жуманазаровдор Олимпиада чемпиондору болуп келгенде, ага шыктанып балдары менен "биз да чемпион болобуз" деп штанга жасап, таш көтөрүп, "Сатымкул Жуманазаров өтүкчөн чуркаган экен" деп таң эрте өтүкчөн чуркап спортко аралашкан. Бирок билимге сүйүүсү күч эле.

Окутуучулук жолу

Мектепти аяктаганда Ош мамлекеттик университетинин кыргыз тили жана адабияты адистигине тапшырып, окууну кызыл диплом менен аяктаган. Ортодо бир жыл армияда кызмат өтөп келген. 1993-жылдан бери өзү окуган университетте мугалимдиктен баштап 2011-жылы ректорлукка чейин жеткен. 2016-жылы окуу жайдын жетекчилигине экинчи ирет шайланган.

2011-жылы докторлук диссертациясын жактаган. Учурда филология илимдеринин доктору, профессор. Көп сандаган монографиялардын, илимий иштердин жана публицистикалык макалалардын автору. 

Ректор Ошского государственного университета Каныбек Исаков в рабочем кабинете
2016-жылы Билим берүү министрлиги ЖОЖдордун рейтингин чыгарган. Анда "Иш берүүчүлөр менен кызматташуу жана бүтүрүүчүлөрдүн талапка жооп берүүсү" көрсөткүчү боюнча ОшМУ да катарга кирген.

ОшМУну гүлдөтө алган

Каныбек Исаков коомчулукта кесипкөй жетекчи катары сыпатталып жүрөт. Маселен, үстүбүздөгү жылдын 7-мартында Жогорку Кеңештин депутаты Улугбек Ормонов Кыргызстандагы мамлекеттик университеттердин ичинен Ош мамлекеттик университетинен башкасы замандын талабына ылайык имараттарды курбай, тийиштүү иштерди аткарбай жатканын белгилеген.

"Ош мамлекеттик университети акыркы үч жылда 12 жаңы корпус куруп, заманбап технологиялар менен жабдыптыр. Калган мамлекеттик университеттерде эч нерсе курулган эмес. Эмне үчүн? Ош мамлекеттик университети кайдан акча таап иштеп жатат? Кыргызстанда флагман делген Улуттук университет ыйкы-тыйкы шайлоолордон улам өнүкпөй калды. Жакшы иштеп жаткан университеттин жетекчилеринен үлгү алып, же аларды Улуттук университеттин жетекчилигине алып келиш керек", — деген эл өкүлү.

Билим берүү жана илим министрлигинин Sputnik Кыргызстан агенттигинин расмий сурамына берген жообуна ылайык, 2018-жылга карата бекитилген сметасы боюнча университеттер арасындагы эң көп каражатты ОшМУ тапкан. Жалпы сумма 922 миллион 966 миң 500 сомду түзгөн. Экинчи орунду Улуттук университет, ал эми үчүнчүнү Кыргыз-Орус Славян университети ээлеген.

2016-жылы Билим берүү министрлиги ЖОЖдордун рейтингин чыгарган. Анда "Иш берүүчүлөр менен кызматташуу жана бүтүрүүчүлөрдүн талапка жооп берүүсү" көрсөткүчү боюнча ОшМУ да катарга кирген. Мындай көрсөткүчкө президенттин алдындагы Башкаруу академиясы, ИИМ Академиясы, Кыргыз мамлекеттик университети, Кыргыз мамлекеттик медициналык академиясы кирген.

Ошол эле жылы Ош мамлекеттик университетиндеги бир ставкада иштеген профессорлордун орточо маянасы 37 миң сомду түзөт, ал эми окутуучулардын айлыгы 17 миң сомдун тегерегинде экендиги белгилүү болгон. Экинчи орунду Улуттук университет, үчүнчү орунду Кыргыз-Орус Славян университети ээлеген.

Жакында эле университет Россиянын 12 окуу жайы менен кызматташа турган болгон.

Ломоносов атындагы Москва мамлекеттик университеттин филиалын дагы Ош мамлекеттик университетинин базасында Ош шаарында ачуу пландалууда

Назначенный министром образования и науки КР Каныбек Исаков
© Фото / пресс-служба ЖК
Каныбек Исаков мектепте бир класста окуган Нурила Абдрахмановага баш кошкон. Жубайынын кесиби дагы мугалим. Алар үч кыз жана бир уулду тарбиялашкан.

Жеке жашоосу

Каныбек Исаков мектепте бир класста окуган Нурила Абдрахмановага баш кошкон. Жубайынын кесиби дагы мугалим. Алар үч кыз жана бир уулду тарбиялашкан. Кызы Аида Исакова юридика илимдеринин кандидаты, Бишкектеги Юридикалык академияда окутуучу.

Мурдагы билим берүү жана илим министри Гүлмира Кудайбердиева тууралуу фактыны Sputnik агенттигинин материалынан окуңуз.

26301
Белгилер:
факты, Билим берүү жана илим министрлиги, Каныбек Исаков, Ош мамлекеттик университети (ОшМУ), Кыргызстан
Тема боюнча
Эңсеткен эне мээрими, ай жарыгындагы муз. Профессор Каныбек Исаковдун айылга каты
Ташиев, Назаралиев менен мушташып. Туйгунаалы Абдраимов тууралуу 8 факты
Ош аэропорту. Архивдик сүрөт

Ошко Новосибирскиден 173 кыргызстандык учуп келди

9
Министрлик буга чейин дүйнөнүн 57 өлкөсүндөгү кыргызстандыктардан мекенге кайтууга көмөк көрсөтүү өтүнүчү түшкөнүн айткан.

БИШКЕК, 7-июл. — Sputnik. Бүгүн Ошко Новосибирскиден "Сибирь" авиакомпаниясынын борту менен 173 кыргызстандык жаран учуп келди. Алардын арасында кичинекей балдар да бар экенин Тышкы иштер министрлиги билдирди.

Жүргүнчүлөрдүн тизмеси Кыргызстанга кайтуусу зарыл болгондордун берген арызынын негизинде түзүлгөн. Алардын катарында ай-күнүнө жетип калган кош бойлуу келиндер, жаш баласы бар аялдар, кары-картаңдар, операция болгондор жана студенттер бар.

ТИМ: мекенге кайтууну көздөп 57 өлкөдөн КР жарандары кайрылды

Тышкы иштер министрлиги чет жактагы кыргызстандыктарды кайтаруу боюнча аракеттер улана турганын белгиледи.

9
Белгилер:
тизме, мекен, учак, Новосибирск, Ош
Тема боюнча
Ошко Москва шаарынан 148 кыргызстандык учуп келди
Мекенге жардамга баратабыз! Эртең Россиядан биздин медиктер учуп келет
Москвадан Ошко 326 кыргызстандык учуп келди
Sputnik Эстония агенттигинин жетекчиси Елена Черышева. Архивдик сүрөт

Черышева: Европанын Sputnik Эстония тушуккан абал боюнча унчукпаганы кылмыш

31
(жаңыланган 22:37 07.07.2020)
"Мир глазами СМИ в 2020 году" конференциясы Россия жана дүйнө жүзүндөгү журналистиканын азыркы абалын анализдөөгө арналган.

Эстон бийлиги сөз эркиндигинин принциптерин бузуп, Sputnik Эстония агенттигинин ишмердүүлүгүн чектөөнү улантууда. Бул тууралуу агенттиктин жетекчиси Елена Черышева "Мир глазами СМИ в 2020 году" деп аталган эл аралык конференцияда сүйлөп жатып айтты.

Иш-чарага Sputnik агенттигинин америкалык жана европалык редакцияларынын өкүлдөрү катышкан. Алардан тышкары РФ ТИМинин Маалымат жана басма сөз департаментинин директору Мария Захарова, америкалык көз карандысыз журналист Ева Бартлетт жана швейцариялык жазуучу Ги Меттан сөз сүйлөштү.

Sputnik Эстониянын редактору Черышева: эстончо сөз эркиндиги ЖМК үчүн кооптуу

Талкуунун негизги темаларынын бири Балтика мамлекеттериндеги Sputnik өкүлчүлүгүнүн байма-бай кысымга алынышы болду. Елена Черышеванын айтымында, Sputnik Эстония Балтика регионундагы башкача ойлонууга каршы күрөшүүнүн мыкты мисалы болуп калды.

"Административдик кысым, экономикалык блокада, саясий цензура, кылмыш ишин козгоо опузасынын баарын жон терибиз менен сездик. Эстониянын полициясы гана европалык санкцияларды өз каалаганындай түшүнөт сыяктуу", — деди Черышева.

Жетекчи 2020-жылдын 1-январынан тарта Sputnik Эстония сайты өзгөчө режимде иштеп жатканын эскертти. Агенттиктин кызматкерлери "Россия сегодня" эл аралык агенттиги менен иштешсеңер кылмыш иши козголот" деген полициянын коркутуусунан улам иштен кетүүгө аргасыз болушкан. Эстония бийлиги "Россия сегодня" эл аралык агенттигинин башкы директору Дмитрий Киселевго киргизилген чектөөлөрдү пайдаланууда. Бирок агенттиктин өзү ушу кезге чейин бир дагы санкциялык тизмеде жок.

Черышеванын айтымында, Европанын Sputnik Эстонияга карата мамилеси аны кооптондуруп келет.

"Брюссель унчукпай отурат, бул кылмышка тете. Алар Sputnik агенттигин жабуу боюнча Эстониянын тажрыйбасын пайдалануу үчүн башка мамлекеттерге жол ачууда", — деди журналист.

"Россия сегодня" ПАСЕде: журналисттерди кодулоо, түрмө, кесип ишеними жөнүндө

Азырынча редакция салык төлөмдөрүн камактан чыгарууга гана жетише алган. Мындан улам агенттик эстон казынасына салык төлөөсүн улантып келет, бирок салык департаменти электрондук тейлөөгө тыюу салган. Черышева "Россия сегодня" эл аралык агенттиги абалдан чыгуунун жолун табарына үмүт артып, ушу тапта чындыкты улуттук тилде айтуу өтө маанилүү экенин белгиледи.

Журналист жана саясий таануучу Армен Гаспаряндын айтымында, европалык структуралардын унчукпаганы Балтика мамлекеттеринде сөз эркиндигинин жоктугун айгинелейт. Ал европалык уюмдар Sputnik Эстония россиялык ЖМК болгону үчүн кийлигишпей жатканын кошумчалады. 

Ведущий радио Sputnik Армен Гаспарян на радиостудии.
© Sputnik / Владимир Трефилов
Журналист жана саясий таануучу Армен Гаспарян
"Бир катар өлкөлөрдө Sputnik редакцияларын куугунтуктоо көндүм ишке айланып калды. Балким, сөз эркиндигин биз туура эмес түшүнүп жаткандырбыз. Балким, бул терминге "сөз эркиндиги — бул биз тараптан айтылган чындыкты атайылап көз жаздымда калтыруу" дегенди кошуу керектир", — деди Гаспарян.

Журналисттин сөзүн Франциядагы Sputnik редакциясынын тушуккан абалы да тастыктайт. Басылма ушу кезге чейин президенттик пулдун аккредитациясынан өтпөй, Елисей сарайына бара албай келет. Бул тууралуу аталган агенттиктин өкүлү Марья Липатова билдирди.

"Франк тилдүү ЖМКлардын арасынан биз биринчи болуп коронавирус тууралуу жазып, пандемияга карабай ишибизди уланттык. Sputnik кабарчысынын жасаган репортаждары кийин Франциянын ЖМКлары тарабынан кеңири колдонулду", — деди ал.

Липатова Sputnik Франция россиялык саясатчылардын айтканын француз тилине которуп жарыялаганы менен дайым фейк маалыматтарга күнөөлөнүп келерин белгиледи.

"Буга карабастан агенттиктин аудиториясы кеңейүүдө. Sputnik Франциянын цитаталарын колдонгон кесиптештерибиздин бизге болгон ишеними да артып барат", — деп сөзүн жыйынтыктады журналист.

ЕККУ төрагасы Sputnik Эстония боюнча абалга пикирин айтты

"Мир глазами СМИ в 2020 году" конференциясы Россия жана дүйнө жүзүндөгү журналистиканын азыркы абалын анализдөөгө арналган. Иш-чара 7-июль күнү "Россия сегодня" агенттигинин мультимедиалык маалымат борборунда онлайн форматында өттү.

31
Белгилер:
конференция, басылма, сөз эркиндиги, редакция, коронавирус
Тема боюнча
Sputnik Эстониянын редактору Черышева: эстончо сөз эркиндиги ЖМК үчүн кооптуу
ЕККУ төрагасы Sputnik Эстония боюнча абалга пикирин айтты