Ала-Арча паркында бараткан туристтер. Архивдик сүрөт

Непалдык гид Кыргызстандагы туризмдин негизги көйгөйүн атады. Маек

772
(жаңыланган 10:06 16.09.2019)
Кыргызстан менен Непалдын окшоштуктары, КРдин туристтик бизнеси эмнеден аксап келе жатканы, өлкө чет элдиктердин көңүлүн кантип бура алары туурасында Катмандудан келген туристтик гид Пасанг Шерпа айтып берди.

Пасанг Шерпа Кыргызстанга иш менен келген. Туристтерге Ленин чокусун багындырууга жардамдашты. Кыска убакыт ичинде эле ал аскага эки ирет чыгып, көргөн кооздугуна суктанып бүтө албай жүрөт.

— Кыргызстандан алгач алган таасирлериңиз кандай болду?

— Кыргызстандын жаратылышынын Непалдыкына аябай окшоштугуна таң калдым. Биздин өлкө да тоолуу, тек гана тоолордун боору силердикинен бийигирээк. Шаарыңар да жапжашыл экен. Борбор калааны толук кыдырууга үлгүрбөдүм, бирок суктанарлык жерлер көп көрүнөт. Себеби мен тоо баласымын.

Гид болуп иштейм, улам жаңы мамлекеттерди, алардын маданиятын, элин бир нече миң метрлик бийиктиктерден таанып келе жатам. Көбүнесе тоодо болдум, тоолоруңар көз жоосун алат. Бул чөйрөдө көптөн бери жүрөм, кооздугунан тегин жерден кеп салганым жок.

Убакыттын көп бөлүгүн тоодо өткөрүп, жүрүштөрдө туристтер менен иштешкендиктен, жергиликтүү ашкана жана маданият менен тааныша элекмин, ал эми тоо башында бир өңчөй тамактар болот эмеспи.

— Кыргызстандагы ишиңиз тууралуу айтып берсеңиз.

— Мекеним Непалда жамгырдан улам туристтик сезон токтогон, мындан улам тоо коштоочусу катары мени Кыргызстанга убактылуу жумушка чакырышкан. Азырынча бул жакта өзүмдүн сүйүктүү ишим менен алекмин. Кыргызстанда баш-аягы эки айдан ашык жүрдүм. Жергиликтүү калк менен эмес, бул жактагы аскаларды багындырууга белсенген чет элдик туристтер менен иштештим. Алардын тобу менен Ленин чокусуна эки ирет чыгып келдим. Бул Борбор Азиядагы эң бийик тоолордун бири. Кооздугу көз тайгылтат, ага чыгуу татаалдыгы орточо, өйдө көтөрүлүү абдан ыңгайлуу.

— Жүрүш убагында кооптуу жагдайлар болдубу?

— Тоого чыгуу дайым тобокелдик жаратат. Ага кандай көз карашта болосуз, баары ошого жараша. Гиддин милдети — жолдогу бардык көйгөйлөрдү чечүү. Жолдуу экенмин, болгон кыйынчылыктарга күйүп-бышпаган жакшы топторго туш болдум. Түнкүсүн оор жүктөр менен чыгып баратканбыз, жолдон атыбыз чуңкурга түшүп кетип, аны жалпылап жатып чыгардык. Бул жакта иштөө мага жакты, абдан жакшы тажрыйба болду.

— Кыргызстан менен Непалдын дагы кандай окшоштуктары бар?

— Эки өлкө тең ажайып кооз, себеби аймагынын басымдуу бөлүгүн тоолор ээлейт. Непал негизинен өз территориясындагы тоолордун саны боюнча алдыңкы сапта турат. Эверест менен Аннапурна сымал жана сегиз миңдик бир нече чокуга бай.

Кыргызстан менен Непал көп улуттуу да келет. Ар кыл диний ишенимдеги адамдар бир аймакта ынтымакта жашап, бири-бирин кабылдай алат. Бул негизи эле Азиянын бөтөнчөлүгү.

Непал — Азиядагы өтө өзгөчө бир өлкө. Индияга жакындыгы жана көз карандылыгы болгонуна карабастан, өлкө өзүнчө бир керемет, бөтөнчөлүккө ээ. Кыргызстандыктардын ар бирин биздин өлкөгө келип кетүүгө кеңеш берер элем. Башка азиаттардай эле абдан меймандоспуз, жаңы таанышууларга кубанабыз.

Непал боюнча дагы бир кызык факты. Калктын көбү туризм жаатында эмгектенет. Бүгүн бул ишке аралашкандардын баарын "шерп" деп коюшат. Кайсы бир кезде Эвересттин айланасындагы элди ушундай аташкан экен. Гималайдын байыркы жашоочуларынан. Алар тоо чокуларын дүйнөгө тааныла электе эле багындырышчу (жылмайып). Кийин туризм өнүгө баштады, чет элдиктер шерптердин тоо чокуларына чыгууда мыкты жардамчылар экенин байкашкан. Алар тоо жүрүштөрүндө алмашкыс коштоочулар. Шерптердин организми бала чагынан климаттык өзгөчөлүктөргө көнгөн. Убакыт өткөн сайын туризмде иштеген непалдыктардын саны артты, ал эми чет элдиктер бул иш менен алектенгендердин баарын шерп деп атай башташкан.

— Кыргызстанда экология маселеси курч. Туристтер жаратылыш койнун кирдетип, желим баштык жана башка таштандыларга толтуруп кетишет. Непалда мындай көйгөй жоюлганбы? Индияга жакын болгону менен сиздерде алда канча таза. Туристтердин тынымсыз аккан шартта мындай көрүнүш кантип жолго коюлган?

— Биздин өлкөдө табиятты таза кармоо көйгөйү алигүнчө өтө курч. Жергиликтүү эл да, туристтер да таштанды ыргытат. Таштанды чыгаруу кызматы болушунча ыкчам иштейт. Менимче, маселенин баары тарбияда.

Жаратылышта жүргөндө тазалыкка тоо гиддери жооп берет, ишке алып жатканда компания эң маанилүү пунктту баса белгилеп жазат: агенттиктин ар бир кызматкери жүрүштө кокус зарыл болсо, өзүнүн бардык кардарларынын аркасынан тазалоого тийиш. Тоого чыкканда жаныбызга таштанды топтоого атайын каптарды алабыз.

Ааламдын эң бийик Эверест тоосуна чыкканыңда желим баштык, бөтөлкөлөрдү көргөнүң жан кейитет. Табиятка ушунчалык кадырлабас, илээнди мамиле кылган адамдарга түк түшүнбөйм. Андай жоруктардын кесепети эмнеге алып келерин адамдар эң сонун билишет, бирок баары бир желим буюмдар менен жаратылышты булгап кете беришет.

Эл дагы бир бөлөк көйгөйдү оозанып калды: глобалдык жылуулук. 20 жыл мурун мөңгүлөр азыркыга караганда бийигирээк болчу. Түбөлүк тоңуп турган жерлер эрип барат. Менин неберелерим түбөлүк мөңгүлөрдү көрбөй калат го деп кооптоном.

— Тоолордо тоңуп калган адамдардын сөөгүн табышары чынбы?

— Кыргызстанда андай жок. Тоодо каза болгондордун баарынын сөөгүн бийлик же туристтик ишканалар дароо эле таап, туугандарына өткөрүп берет. Туугандары издөөдөн баш тарткан учурларды укканым бар. Алар муну маркумдун тоолорду сүйгөнүн айтып, сөөгү алардын койнунда түбөлүк калсын деп негиздешет.

Кесиптештерим адамдардын сөөгүн Монбланга чыгууда франциялык Альпы тоолорунан көп көрөсүң деп калышат. Непалдагы тоо боорунда жыл сайын кишилер каза табат. 2017-жылдын жазгы сезону аяктаганда Эверестте эле 10 киши набыт болуп, ал эми соңку 25 жылда дүйнөнүн эң бийик чокусу 200 альпинисттин өмүрүн алган. Кайгылуу окуяга табигый кырсыктар, тажрыйбанын, тоого чыккандардын даярдыгынын жетишсиздиги себеп болот.

Тоолордо дайым тобокелдик бар. Улам 400-500 метрге көтөрүлгөнүңдө сени эмне күтөрүн болжой албайсың. Мага Ленин пиги жеңил сезилди, ага чыгуу оңой.

Негизи эле альпинизм дүйнөсүндө непалдык тоо коштоочуларына талап күч. Тажрыйба топтоо үчүн атайын Альпы тоолоруна баргам. Бул кесипке абдан жакшы даярдашат, тоого ар бир чыкканымда ошол жактан алган тажрыйбамдын пайдасы тиет.

Кыргызстандагы ишим чет жердеги алгачкы тажрыйбам болду. Келечекте тоо коштоочуларынын эл аралык лицензиясын алууну пландайм. Ошондо дүйнөнүн каалаган бурчунда иштөөгө мүмкүнчүлүк жаралат. Азырынча менде Непалдан алган гана лицензиям бар.

— Тоого чыгуу абдан кымбат деген көндүм пикир бар. Чокуну багындырууга орточо канча кетет?

— Тоого чыгуу чындап эле арзан ырахат эмес. Бул кызмат көрсөтүү кадыресе тейлөөгө кирбейт эмеспи. Эбегейсиз бийиктикке чыгасыз, андай ажайып кооздукту бир көрүү короткон акчаңызга арзыйт. Айтор, чыгымдардын эң көп бөлүгүн адатта, эл аралык каттамдын чыгымдары жана тоого ылайык кийим-кече түзөт.

5-7 миң метр бийиктикте өзүңдү ыңгайлуу сезүү үчүн атайын кийим жана бут кийим зарыл. Кийим-кечеси кымбат, бирок алар ушунчалык сапаттуу, саякаттан кийин деле бир топ жыл кийилет.

Аскаларды багындыруу бааларын интернеттен табууга болот, бул маалымат ачык. Чокуга чыгууга орточо эки миңден сегиз миң долларга чейин кетет. Оңой эмес акча, бирок ушунча жылдан бери тоого чыгууга сарптаган чыгымына өкүнүп калган кишини кезиктире элекмин.

— Непал туризм жаатында ийгиликке жеткен, кирешени жогорулатуу үчүн кыргызстандык бизнесмендерге кандай кеңеш берер элеңиз?

— Туристтик бизнести ийгиликтүү өнүктүрүү үчүн бардык шарттар бар. Кооз тоолор, дайралар, укмуштай көлдөр — булардын баары бааланат. Жеке менин көз карашымда жергиликтүү калкты өнүктүрүү керек. Маданиятыңыздар бай, бирок андан баяндап берүү үчүн тил билүү абзел. Көпчүлүк чет элдиктер коштоочу жана котормочуга акча короткулары келбейт, ал эми Кыргызстанда эки-үч апта жашап кыргызчаны же орус тилин үйрөнүп кете албайт. Ошондуктан мыкты чечим — жергиликтүү калктын эл аралык тилди билиши.

Андан сырткары, эң эле жөнөкөй чындык бар, эгер табият кооздугунан акча табууну пландасаңыз, аны сактоого да тийишсиз. Экология көйгөйлөрү туурасында сурабадыңызбы, алдыда алар дагы арбыйт. Маселени эмитен чечүү зарыл.

Көбүнесе жаратылышты чет элдик меймандар эмес, эзелтен жашаган эл булгайт. Тилекке каршы, мындай көйгөйдү көз ачып-жумганча чечип койчу ыкма жок. Мында тыкыр пландалган, жай, натыйжада үзүрүн бере турган иш зарыл.

772
Белгилер:
көйгөй, тил, жаратылыш, тазалык, чоку, тоо, гид
Тема боюнча
Укмуш кооз экен, кеттик! Ысык-Көлдүн 13 эң мыкты жери
Депутат: Көлдөгү пансионаттар туристтердин коопсуздугуна кайдыгер
Парктагы бакта клен жалбырактары

Шейшембиге карата аба ырайы

32
27-октябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-окт. — Sputnik. 27-октябрь, шейшембиде, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй өрөөнүндө +17…+22, Таласта +16…+21, Ош, Жалал-Абад, Баткен облустарында +18…+23, Ысык-Көл жана Нарын аймактарында +11…+16 градус болору айтылды.

Ош менен Баткенде бүгүн жер силкинди

Бишкек жана Ош шаарларында жаан-чачын күтүлбөйт. Күндүн табы Бишкекте +20…+22 градус, Ош шаарында +21…+23 градуска чейин жетет.

32
Белгилер:
Кыргызстан, октябрь, аба ырайы
Тема боюнча
Адаттагыдан суук болот. Ноябрга карата аба ырайы
Кыргызстандык окуучу Нурболот Исматиллаев

Көзүмө жаш келди. Россияда сынакта элди сыймыктанткан Нурболоттун апасы менен маек

667
(жаңыланган 20:54 26.10.2020)
Жекшемби күнү “Россия 1” телеканалынын “Удивительные люди” деп аталган таланттуу адамдардын сынагына кыргызстандык окуучу Нурболот Исматиллаев катышып, калыстарды таң калтырды.

Өспүрүм эки этаптан турган сынактын биринчи турунда стакандардан тездик менен пирамида куруп (спорт-стекинг) жатып берилген арифметикалык эсепти так аткарып койгон. Экинчи этабында 15 орундуу санды 15 орундуу санга көбөйтүү менен укмуш адам аталып, залды жаңырткан көрүүчүлөрдүн сүрөөнүнө, калыстардын суктануусуна ээ болду. Бирөөсүнүн "Кыргызстанда ушундай балдар бар экенине сыймыктанам" деген сөзү өлкөнүн абалына тынчсызданып турган ар бир мекендештин жүрөгүнө дары болду.

Баарыбызды сыймыкка бөлөгөн Нурболот Бишкектеги №68 гимназияда 6-класста окуйт. Ал “Интеллект” билим берүү борборунда менталдык арифметика боюнча эки жыл билим алган. Ушул эле борбордон спорт-стекинг (стакандардан тездик менен пирамида куруу) менен да алектенип, жакшы ийгиликтерди жараткан. Аталган борбордун жетекчиси Жакшылык Матановдун айтымында, менталдык арифметика жана спорт-стекинг баланын акыл-эсинин өсүшүнө, мээдеги майда моторикалардын өрчүшүнө чоң өбөлгө түзөт. Менталдык арифметикага беш жаштан он эки жашка чейинки гана балдар кабыл алынат. Андан кийин кеч болуп калат.

Sputnik Кыргызстан агенттиги Нурболоттун апасы Минура Токторова менен байланышып маек даярдады.

Минура Токторова уулу Нурболот учурда IT тармагына да кызыгып, келечекте IT адиси болууну жана дүйнөнү кыдырууну кыялданат.

Юный кыргызстанец Нурболот Исматиллаев во время выступления. Архивное фото
© Фото / из личного архива Минуры Токторовой
Башкалардан 15 орундуу санды 15 орундуу санга көбөйтө алгандыгы менен айырмаланды. Негизи жыйырма орундуу санды көбөйтүүгө жетишкенбиз. Бирок ал кээде туура, кээде туура эмес чыгып калып жаткандыктан 15 орундуу сан менен бардык

— Нурболотту кандайча менталдык арифметикага катыштырып калдыңыз?

— Мен башынан эле Нурболоттун математикага жөндөмдүүлүгүн байкачумун. Кыргызстанга менталдык арифметика алгач келгенде эл арасында аябай талкуу жараткандыктан жакшы көрсөткүчтөр болуп жатканын угуп кызыгып калдык. Ошондон тарта окуу борборлорду тандап, Жал кичи районунда жайгашкан "Интеллект" билим берүү борборуна барып, алгачкы сабагына катыштык. Бирок өзүбүз Кызыл-Аскерде тургандыктан аябай алыс болуп каларын ойлогондо айный баштадым. Жолдошум экөөбүз үйгө жакыныраак жерден окуталы дедик. Аны балама айтсак "бул жакка бир келгенден кийин аягына чыгам" деп болбой койгон. Акыры жаман болгон жок. Бир жыл алты ай окуп, жакшы жыйынтыктарды көргөздү. Кышында эшик ызгаар болуп турганда боорум ооруп "бүгүн барбай эле койчу" деп айныткан күндөрүм да болду. Бирок көгөрүп "жок" деп болбой барчу.

Юный кыргызстанец Нурболот Исматиллаев с отцом и матерью. Архивное фото
© Фото / из личного архива Минуры Токторовой
Алгач Россияга видео жөнөттүк алар жактырып, кийин онлайн текшеришти. Андан өтүп кетти. Ошондон кийин гана келишим түздүк. Негизи жаздан бери эле даярдык көрүп жатканбыз

— "Удивительные люди" теледолбооруна кандайча барып калды?

— "Интеллект" билим берүү борборунун "Россия 1" телеканалынын таланттуу адамдар катышкан "Удивительные люди" сынагы менен келишими бар экен. Анын негизинде аталган долбоорго Кыргызстандан жылына онго чейин бала катышып турууга мүмкүнчүлүк бар. Былтыр да Кыргызстандын атынан бир эле бала катышкан. "Интеллект" окуу борборундагы окуган башка балдардан 15 орундуу санды 15 орундуу санга көбөйтө алгандыгы менен айырмаланып, быйыл Нурболот барды. Негизи жыйырма орундуу санды көбөйтүүгө жетишкенбиз. Бирок ал кээде туура, кээде туура эмес чыгып калып жаткандыктан 15 орундуу сан менен бардык. Алгач Россияга видео жөнөттүк, алар жактырып, кийин онлайн текшеришти. Андан өтүп кетти. Ошондон кийин гана келишим түздүк. Негизи жаздан бери эле даярдык көрүп жатканбыз.

Юный кыргызстанец Нурболот Исматиллаев во время занятий по футболу. Архивное фото
© Фото / из личного архива Минуры Токторовой
Балам Кыргызстандын атынан катышып жатканына сыймыктанып отурдум. Башкача сезимдер коштоду. Бир чети санааркадым. Бирок Нурболотко ишендим

— Балаңыз "Россия 1" телеканалында эл алдына чыкканда кандай сезимде болдуңуз?

— Аябай толкунданат экенсиң. Балам Кыргызстандын атынан катышып жатканына сыймыктанып отурдум. Башкача болдум, айтор. Бир чети санааркадым, бирок Нурболотко ишендим. Себеби ага чейин элдин алдына чыгып көнүп калган. Анын үстүнө "Баластан" каналында да иштеп жатат. Ошентсе да сахнага жаркыраган жарыктар берилип, элдин көбүнөн балам деле бир аз сүрдөдү. Атасы да колу бошобой бара албай калган. Теледолбоорго Нурболот экөөбүздүн эле видеобуз чыгып, ал да интервьюсунда "менталдык арифметикага апам алып барган" деп мен жөнүндө эле айта бериптир. Кийин режиссёрлор "баланын атасы жокпу?" деп сураганын угуп, балам аягында атаң тууралуу да айт дегем. Бирок сүрдөп унутуп калыптыр (күлүп). Болбосо атабыз Нурболотту абдан колдойт. Бардык олимпиадаларга өзү алып барат.

Юный кыргызстанец Нурболот Исматиллаев во время участия в проекте Удивительные люди на телеканале Россия 1
© Фото / WeiT Media
Ташкентте өткөн эл аралык олимпиадада менталдык арифметика боюнча 3-орунду алып келди. Андан кийин Ысык-Көлдө жана Оштон 1-орунду багынтып, кийин онлайн турүндө өткөн дүйнөлүк олимпиадада 1-орунга ээ болду

— Нурболот берүүнүн жүрүшүндө орто жерден ыйлап жиберген экен...

— Кечээтен бери тааныштардын баары мага чалып, көрүп отуруп сүйүнгөндөн ыйлаганын айтып "кантип жөн эле отурдуң?" деп сурап жатышат. Мен балама ишенгем. Негизи баарын туура эле чыгарган. Бирок 15 орундуу санды көбөйткөндө компьютердин экранына толук батпай, алдына түшүп кеткендиктен кээ бир сандары көрүнбөй калган. Кайра текшерип жатканда ошондон жаңылып калды. Жөн гана "жооп" деген баскычты эле басып коюшу керек эле. Бала неме адашып кетти. Ошол жерде отуруп уулума "жоопту" эле басасың деп айта албай же баламдын оюн түшүндүрүп бере албай кызыктай абалда калдым. Режиссёрлор "ыйлаган жериңди кийин көрсөтпөй кесип коёбуз" деп кайра экинчи мүмкүнчүлүк бергенде дароо чыгып эле эсепти туура чыгарып кетти. Аталган долбоордо 600 киши иштейт экен. Репетиция учурунда бир эле Нурболот менен он чакты киши иштеди. Психологдору да күчтүү экен.

Юный кыргызстанец Нурболот Исматиллаев во время участия в проекте Удивительные люди на телеканале Россия 1
© Фото / WeiT Media
Менталдык арифметика жана спорт-стекинг боюнча Казакстанда өткөн Central Asia"s Got Talent сынагына катышып, финалга чыккан. Бирок добуш берүүдө Тажикстан биринчиликти алып кетти

— Канча күн жүрдүңөр?

— Россияга 20-сентябрда учуп кеткенбиз. Үч күн даярдандык, үчүнчү күнү кечинде сынакка тартылдык. Ага чейин бизди шаарга алып чыгышып, кошумча видеого тартып даярдашты. Кандай кийим кийип, кайсы жерден чыгуу керектигинен бери дайындалып туруп тартуу иштери башталды. Шоунун ортосунда Нурболот сүрдөп, ыйлап жибергенде да, залга дароо эле психологдор чуркап чыгып, балага психологиялык колдоо көрсөтүп кайра сахнага алып чыгышты. Кийин калыстар тобу да жылуу пикирин билдирип, "Кыргызстанда ушундай балдар бар экенине сыймыктандым" дегенде көзүмө жаш тегеренди.

— Жыйынтыгы кандай болду?

— "Удивительные люди" телесынагынын 5-сезонундагы добуш берүүнүн жыйынтыгы менен Нурболот 3-орунду алды.

Юный кыргызстанец Нурболот Исматиллаев во время участия в проекте Удивительные люди на телеканале Россия 1
© Фото / WeiT Media
Нурболот көп орундуу сандарды көбөйтүүгө аябай кызыгып окуйт. Генден да көп нерсе көз каранды го деп калам, себеби атасы математикага абдан кызыгат. Тайларында да математиктер бар

— Азыр "Баластанда" да иштеп жатабы?

— "Баластан" балдар каналында "Билесиңби?" берүүсү жаңы ачылды. Аталган телеберүүнү алып баруучулукка кастинг жарыяланган. Нурболот сынактан өтүп, азыр ошол жакта иштеп жатат.

— Буга чейин да эл аралык олимпиадаларга катышкан экен?

— Аталган окуу борборунда окуп жатып эле олимпиадаларга бара баштады. Алгач Ташкентте өткөн эл аралык олимпиадада менталдык арифметика боюнча 3-орунду алып келди. Андан кийин Ысык-Көлдө жана Оштон 1-орунду багынтып, кийин онлайн түрүндө өткөн дүйнөлүк олимпиадада 1-орунга ээ болду. Нурболот көп орундуу сандарды көбөйтүүгө аябай кызыгып окуйт. Генден да көп нерсе көз каранды го деп калам, себеби атасы математикага абдан кызыгат. Тайларында да математиктер бар.

Юный кыргызстанец Нурболот Исматиллаев во время участия в проекте Удивительные люди на телеканале Россия 1
© Фото / WeiT Media
Кийин калыстар тобу да жылуу пикирин билдирип, "Кыргызстанда ушундай балдар бар экенине сыймыктандым" дегенде көзүмө жаш тегеренди

— Спорт-стекингден да ийгиликтерди жаратканын уктук?

— Ооба, "Интеллект" борборунан спорт-стекинг курсуна да катышты. Аталган спорттун түрү боюнча былтыр эл аралык олимпиада өтүп, ага катышуу үчүн Кыргызстанга бир орун берилген. Нурболот Кыргызстан боюнча 1-орунду камсыздап, 2020-жылдын апрель айында Сингапурда өтүүчү олимпиадага жолдомо утуп алган. Бирок коронавирус пандемиясынан улам бара албай калды. Ошондой эле менталдык арифметика жана спорт-стекинг боюнча Казакстанда өткөн Central Asia's Got Talent сынагына катышып, финалга чыккан. Бирок добуш берүүдө Тажикстан биринчиликти алып кетти.

— Үй-бүлөңүздөр тууралуу айтып берсеңиз?

— Мен Улуттук университеттин кыргыз филологиясы факультетин бүтүргөнүм менен мугалим болуп иштеген жокмун. "Эркин Тоо" гезитинде корректор болуп иштеп, кийин балдарга тарбия берүү, окутуп эле үйдө отуруп калгам. Атасы "Дордойдо" соода кылат. Нурболот улуу балабыз. Мындан кийин тогуз жана беш жаштагы балдарыбыз бар.

667
Белгилер:
сынак, маек, менталдык арифметика
Тема боюнча
3D китебинин автору: оюн түрүндөгү "Ойнобук" баланын акылын өстүрөт
Баланы китепке кантип кызыктыруу керек. Култаеванын балдар адабияты тууралуу маеги
Facebook компаниясында иштеген Зияда: телегейи тегиз эч бир өлкө жок
Жогорку Кеңештин депутаты Жанар Акаев. Архив

Жанар Акаев Бишкек мэри болот деген маалыматты өзү төгүндөдү

50
(жаңыланган 22:03 26.10.2020)
Жанар Акаев өзүнүн социалдык тармактагы баракчасына Бишкек мэрлиги тууралуу эч ким менен эч качан сүйлөшүү болбогонун жазды.

БИШКЕК, 26-окт. — Sputnik. Жогорку Кеңештин депутаты Жанар Акаев Бишкек мэри болот деген маалымат чындыкка төп келбей турганын айтты.

Буга чейин бир катар ЖМКларда ал шаар жетекчилигине талапкерлигин коюп жаткандыгы тууралуу маалымат  тараган.

Ал өзүнүн социалдык тармактагы баракчасына Бишкек мэрлиги тууралуу эч ким менен эч качан сүйлөшүү болбогонун жазды.

“Андай планым да жок. Садыр Жапаров менен жолугушканым чын, бирок биз өлкөдөгү кырдаал, кризистен чыгуу жолдору тууралуу маселелерди сүйлөшкөнбүз”, — деди Акаев.

Эске салсак, Бишкек мэри Азиз Суракматов иштен кеткенден бери Бишкек мэрлиги талашка түшүп келет. Бүгүн мэрия мэрдин милдетин аткаруучу катары мыйзамдуу түрдө биринчи вице-мэр Нариман Түлеевди гана тааный турганын айтты.

50
Белгилер:
Жанар Акаев, Бишкек мэриясы
Тема боюнча
Бишкек мэриясынын алдында кайрадан митинг. Сүрөт, видео