Балык. Архивдик сүрөт

Ичеги-карын рагы болбош үчүн эмне кылуу керек? Адистердин жообу

2275
(жаңыланган 10:11 16.09.2019)
Австралиялык окумуштуулар ичеги-карынга уйдун, койдун жана чочконун этинин зыян экендигин билдирген.

БИШКЕК, 16-сен. — Sputnik. Австралиялык окумуштуулар ичеги-карындын рагын кантип алдын алса болорун айтып беришкенин "Известия" жазды.

Алардын маалыматына караганда, рактын бул түрүнүн 35 пайызы адамдын жашоосуна, анын ичинен начар тамактанууга байланыштуу болот. Биринчи иретте клетчаткаларды көп кылып, мүнөздөп тамактанууга кеңеш беришти.

"Чоң кишилер күнүнө 30 граммдан кем эмес клетчатка жеши керек. Анын буудайдын улпагында көптүгү маалым, андыктан ботко, йогурт жана смузиге кошсо болот", — деп айтылган маалыматта.

Профилактика иштерине сүт азыктары менен кофе жакшы жардамчы экен. Андан сырткары, балыктын майы бар омега-3 майлуу кислотанын пайдалуу болору аныкталган.

Адистер этти аз жеш керектигин, уй, кой жана чочко этинин зыян экендигин айтышты.

Буга чейин интернетте оору чакырган, анын ичинен ракка себепкер болгон тиричилик каражаттарынын тизмеси жарыяланган.

2275
Белгилер:
рак, ден соолук, медицина, Окумуштуулар
Тема боюнча
Борбор Азия өлкөлөрүнүн тамак-ашы адамды өлүмгө дуушар кылат. Адистин пикири
Чек ара. Архив

Казак чек арасындагы чатак: мигранттар алдамчылардын торуна кантип түштү

39
(жаңыланган 00:24 06.08.2020)
Оренбург менен Самаранын жанындагы чатыр шаарчанын жашоочулары үйүн көздөй жөнөдү. Кыргызстан жарандары Россиядан автобус менен жолго чыкты. Ал эми Өзбекстан атуулдарын жуманын түнүндө поезд менен алып чыгып кетишет.

Алексей Стефанов

Кыргызстан менен өзбекстандык мигранттар Самара менен Оренбург облустарынын админстративдик чек арасында россиялык тарип сактоочулар менен чырдашты деп ЖМКлар жаза баштаганда, маселе чечилип калган.

Казакстандын жанындагы аймакта үч лагерь пайда болгон. Оренбургдун Бузулук, Самаранын Большечерниговск райондорунда, үчүнчүсү эки аймактын чегиндеги админстративдик трассанын бойлой жайгашкан. Чатак дал ушул үчүнчүсүндө чыккан.

Россия-казак чек арасында чогулган кыргыз, өзбек мигранттары эртең мекенине жөнөтүлөт

Лагерлерде мекенине жетүүнү каалаган Кыргызстан менен Өзбекстандын жарандары жашап турган. Бирок жабылган чек арага туш келди. Алар бул аймакка кокустан келген эмес, мигранттар алдамчы мекендештеринин айтканына ишенип жолго чыккан.

Оренбург облусунун админстрациясы: колдон келишинче жардам бердик

"Бардык мамлекеттердин өкмөттөрү мигранттардын үйүнө жетип алышына жардам кылыш керек деген чечимге келип, жол ачып, кордидор уюштуруп берген. Кыргыздар эки миңден көбүрөөк эле, эки күн жолго чыгышты. Акыркыларын салган автобус да жөнөп кетти. Ал эми өзбектер 700гө чукул. Учурда Бузулук-Ташкент поезд каттамына билет алышууда, бейшемби түнү үйүнө кетет", - деп айтып берди Sputnik агенттигине Бузулуктун акиминин социалдык маселелер боюнча орун басары Татьяна Успанова.

Ал мигранттардын арбын бөлүгү талаада пайда болору менен райадминстрация Россияда калып калган бул калкка зарыл шарттарды түзүп берүү үчүн болгон аракетин кылгандыгын айтты. Тигилген чатырларга электр кубатын тартып алып келген, иче турган жана техникалык суу менен камсыздаган, таштанды салуучу контейнерди орноткон. Ажатканаларды курган.

Албетте, булар айылдагыдай болгону менен жоктон көрө жогору эле. Ага чейин бул жерде адам жашабаган ээн талаа болгонун Успанова кошумчалаган.

Оренбургдан келчү мекендештерди ташыган 43 автобус жолго чыкты

"Лагерге мекендештери келип мигранттарга жардам берип жатышты. Ишкерлер аларга жумуш сунуштаганы менен, эч ким иштей турган каалоосун билдирген жок. Кыязы, жашап турганга каражаттары бар окшойт. Биздин лагерь аркылуу үч миңге чукул мигрант өтсө, алардын 10го жакыны гана ишке чыгып, калганы жөнөп кетчү күндү күтүп отурушту", - деп айткан Успанова.

Гастарбайтерлер алдамчы-таксисттердин торуна түшүп калышты

"Азыр Бузулук районундагы лагерь жабылды, эл кетүүгө камынып отурушат", - деди ал.

"Бул деген алдамчылык да, эл социалдык тармакка жазылгандарга ишенип алыптыр. Анда бул жерде үйүнө кетебиз деген гастарбайтер пансиоанат, санаторийлерге жашап турат деп айтылган экен. Эки адам бир бөлмөгө жайгаштырылат жана үч маал тамак берилет дешиптир. Анан бизге Россиянын булуң-бурчтарынан – Москвадан, Сахалинден, Воронеж, Пермь, Краснодар, Тюменден келе башташыптыр… Бул жерге жеткенде эч нерсеси жок талаага туш болушту", - дейт ачууланган Успанова.

Ал улуттук топтордогу мындай билдирүүлөр токтобосо, ээн лагердин жанына чатырлар кайрадан тигилиши мүмкүн деп чочулап жатканын айтты. "Мен элди аяп жатам — алар ишенип, талаага келип жатышат".

"Ооба, туура, мындай маалыматты таксисттердин Telegram каналы таратат. Алар мигранттарды Өзбекстанга алып кетүүнү сунуштап, көп акча алышкан, бирок чек арадан жүргүнчүлөрдү таштап, өздөрү артка кетип калышкан", — деп билдирди Өзбектер жана өзбекстандыктардын бүткүл Россиялык конгрессинин аймактык бөлүмүнүн башчысы Диляра Сабирова.

Ал ушул күндөрдө мекендештерине күйүп-бышып жардам берип, көйгөйлөрүн чечкенге аракет кылып жатты.

"Биз Өзбекстандын жарандарын мекенине жөнөткөнү жатабыз. Бүгүн аталган өлкөнүн башкы консулу келип, аны менен биргеликте адамдардын санын аныктап, тизмесин түздүк. Эми 7-августка караган түнү Өзбекстанга эки курам жөнөтүлөт", — деди Сабирова.

16 вагондон турган бир поезд Оренбург облусундагы Бузулук станциясына, ал эми 20 вагондон турган экинчи поезд Самара аймагындагы Кинель станциясына келип, жума күнү кечинде 1500 адам Ташкентке кайтат.

"Бул жолкусунда маселеге олуттуу карадык. Кечээ түнкү саат бирге чейин тизмени түзүп, бүгүн бардыгын компьютерге тердик. Өткөндө жагымсыз жагдайга туш болдук эле, тагыргаагы, июль айынын орто ченинде мигранттарды поездге түшүрө баштаганда, ал жакта чоочун адамдар бар экени белгилүү болду. Эми мындай кырдаалга жол берилбейт, жөнөтүүнүн бардык процесси көзөмөлдөнөт", — деди Сабирова.

Ошондой эле Сабирова Кыргызстандын бардык жарандары лагердеги чатырлардан кеткендигин тастыктады. Ал эми Өзбекстандын жарандары билеттерди алып, поезддин келишин күтүп жатышат. Анын айтымында, Самара жана Оренбург облустарынын администрациясы мигранттар темир жол бекеттерине жетип алышы үчүн автобустарды беришет, андан кийин үйлөрүнө кетишет.

"Албетте, кыйынчылыктар дагы бар. Мисалы, бир адамды Новороссийскиден автоунаа менен алып келишкен, ал үчүнчү кабаттан кулап түшүп, өтө оор жаракат алган экен. Операция араң жасалган. Ал азыр деле автоунаада жатат, айланадагылар жардам берип атышат. Чартердик рейс жок болгондуктан, учак менен алып кете албай койдук. Кечээ бирөөлөр менен сүйлөшкөндө аны станцияга чейин алып барууну, мүмкүн болсо поезд менен жөнөтүүнү суранганбыз. Балдак таянган дагы эки киши бар, аларды тез арада мекенге кайтарышыбыз керек. Дагы кош бойлуу үч аял жана үч бала бар", — деп сөзүн жыйынтыктаган Сабирова.

Ал ойлогон ою ишке ашып, эл аман-эсен үйүнө жетип аларына үмүт артып турганын кошумчалады.

39
Белгилер:
поезд, автобус, коронавирус, мигранттар, Казакстан, Самара, Оренбург, Россия
Тема боюнча
Миңдеген кыргызстандыктар Россия менен каттамдын ачылышын күтүп жатат
Боом капчыгайындагы унаалар. Архив

Кулак кагыш! Ысык-Көл облусуна кирип-чыгуу өзгөрдү

343
(жаңыланган 21:55 05.08.2020)
Өкмөттүн облустагы өкүлү Түлөбаев аймактар аралык каттамга уруксат берилгенин айтып, жүргүнчүлөрдү ташуу менен алектенгендерге жоопкерчилик жүктөлө турганын эскерткен.

БИШКЕК, 5-авг. — Sputnik. Ысык-Көл облусунда аймактар жана райондор аралык каттамдарга уруксат берилип, карантиндик эки пост алынды. Бул тууралуу Облустук штаб кабарлады.

Штабдын жыйынында өкмөттүн Ысык-Көл облусундагы ыйгарым укуктуу өкүлү Балбак Түлөбаев айдоочуларга жана жүргүнчүлөрдү ташуу менен алектенген компания ээлерине жоопкерчилик жүктөлө турганын айткан.

"Райондор жана региондор аралык жүргүнчүлөрдү ташууга уруксат берилет. Бирок бет кап тагынуу режимин, санитардык нормаларды сактабаса мыйзам чегинде катуу чаралар көрүлөт", — деген Түлөбаев.

Тартип сактабаса, жабабыз! Балбак Түлөбаев Көлдө Жээнбековго убада берди

Ошондой эле облустун кире беришинде жайгашкан Ак-Кеме жана Кызыл-Омпол санитардык-карантиндик постторду алуу боюнча чечим кабыл алынган.

Түлөбаевдин айтымында, посттордо иштеп жаткан медиктер, мамлекеттик жана муниципалдык кызматкерлер өз ордунда иш алып баруусу керек.

"Медиктер, райондук мамлекеттик администрация жана мэриялардын кызматкерлери кезек менен посттордо нөөмөттө туруп келишкен. Учурда алар өз ордунда иштеши керек. Эгерде постторду иштетүүгө муктаждык болсо, бизде тиешелүү алгоритм бар", — деген облустун башчысы.

Белгилей кетсек, коронавирус кырдаалына байланыштуу Көлдө 10-июлдан тарта региондор аралык жана облустун ичинде каттаган автобус менен маршруткалар ишин токтоткон.

343
Белгилер:
чыгуу, кирүү, каттам, пост, Ысык-Көл облусу
Тема:
Коронавируска байланыштуу Кыргызстандагы кырдаал
Тема боюнча
"Колдоо керек". Чолпон-аталык дарыгерлер Жээнбековго даттанды. Сүрөт
Өрт. Архив

Бишкектин четиндеги айылга жакын жерден өрт чыкты. Сүрөт

0
(жаңыланган 01:21 06.08.2020)
Өрт өчүрүүчүлөр окуя болгон жерге кечки саат он бирден өтүп барышкан. Учурда канча аянт күйгөнү жана тилсиз жоонун себеби аныктала элек.

БИШКЕК, 6-авг. — Sputnik. Аламүдүн районундагы Орто-Сай айылында тоонун боорунда куураган чөптөн өрт чыкты. Бул тууралуу ӨКМдин маалымат кызматы кабарлады.

  • На склоне горы возле флагштока в селе Орто-Сай Аламудунского района горело сухотравье
    Аламүдүн районундагы Орто-Сай айылында тоонун боорунда куураган чөптөн өрт чыкты
    © Sputnik / Эркин Садыков
  • На склоне горы возле флагштока в селе Орто-Сай Аламудунского района горело сухотравье
    Ага ылайык, өрттү өчүрүүгө саат 23:25те Ленин районунан бир бөлүм тартылган.
    © Sputnik / Эркин Садыков
1 / 2
© Sputnik / Эркин Садыков
Аламүдүн районундагы Орто-Сай айылында тоонун боорунда куураган чөптөн өрт чыкты

Ага ылайык, өрттү өчүрүүгө саат 23:25те Ленин районунан бир бөлүм тартылган.

Окуя болгон жерге барган Sputnik агенттигинин кабарчысы тилсиз жоо өчүрүлгөнүн айтты.

Жалын чачырап! Ош шаарындагы кафенин өрттөнүп жаткан видеосу

ӨКМ кошумча маалымат бериле турганын убадалады.

0
Белгилер:
Сүрөт, кургак чөп, өрт, ӨКМ
Тема боюнча
Мэрия: Бишкектеги 11-кичи райондун карьеринде күйгөн таштандылар өчүрүлдү