Максат айылы. Архивдик сүрөт

Чек ара кызматынын жетекчиси Шаршеев чыр курулуштан чыкканын тастыктады

250
(жаңыланган 15:05 19.09.2019)
Бүгүн, 19-сентябрда, Жогорку Кеңеш өкмөттүн кыргыз-тажик чек арасында болгон жаңжал тууралуу маалыматын жабык эшик артында уккан.

БИШКЕК, 19-сен. — Sputnik. Мамлекеттик чек ара кызматынын төрагасы Уларбек Шаршеев кыргыз-тажик чек арасындагы жаңжал чек арага жакын аймакка курулуш иштеринин жүрүшүнөн чыкканын журналисттерге тастыктады.

Белгилей кетсек, бүгүн, 19-сентябрда, Жогорку Кеңеш өкмөттүн кыргыз-тажик чек арасында болгон жаңжал тууралуу маалыматын жабык эшик артында уккан.

"14-сентябрда алар тараптан курулуш иштери башталган, биздикилер да курулуш иштерин баштаган", — деди ал.

Шаршеев ошондой эле жаңжалдан улам чек арага жакын жашаган айылдардын тургундары коопсуздук максатында башка жерлерге көчүрүлгөнүн, бүгүнкү күнү алардын бардыгы кайтып келип өз үйлөрүндө жашап жатканын кошумчалады.

Анын айтымында, 17-18-сентябрь күндөрү эки тараптуу тынымсыз сүйлөшүүлөр жүрүп турган. Натыйжада бир нече иш-чараларды өткөрүү боюнча протоколго кол коюлган.

"Талаш көп болду. Бирок бир пикирге келдик деп айтсак болот. Тагыраагы, эки тарап талаш-тартыш жаралган аймактарды биргеликте кайтармай болду. Кимден күнөө кетсе ошолорго чара колдонуу макулдашылды. Ошондой эле эки элди ынтымакка үндөө максатында спорттук, маданий иш-чараларды өткөрүү боюнча протоколго кол коюлду", — деди Шаршеев.

Ал ошондой эле КРдин Чек ара кызматы өкмөттөр аралык комиссияга чек араны тактоо иштерин тездеткиле деген сунушун бергенин кошумчалады.

Белгилей кетсек, 16-сентябрь күнү кечке жуук кыргыз-тажик чек арасында чыр чыгып, коңшу өлкөнүн чек арачылары Максат жана Сай бекеттерине ок аткан. Анын кесепетинен бир жоокер каза таап, 13 киши жарадар болгон. Алардын ону Бишкектеги Травматология жана ортопедия борборуна алып келинсе, үчөө Лейлектеги ооруканада калды.

Чырдын кесепетинен Тажикстандын үч аскер кызматкери набыт болгону айтылган.

Ал эми кечээ кечинде тажикстандыктар чырга себепкер болгон курулушту токтоткону белгилүү болду.

250
Белгилер:
Жогорку Кеңеш, Жаңжал, чек ара, Уларбек Шаршеев
Тема:
Максат жана Сай чек ара бекеттерине атылган ок (42)
Тема боюнча
Парламентте Чек ара кызматын Баткенге көчүрүү сунушталды
Төрөбаев: премьер Абылгазиев Тажикстан тарапка катуу доомат койду
Бишкектеги жаштар аллеясы. Архив

Дүйшөмбүгө карата аба ырайы

13
(жаңыланган 21:23 27.09.2020)
28-сентябрда түнкүсүн Чүй облусунун кээ бир райондорунда жамгыр, тоолуу аймактарында кар жаайт, калган өрөөндөрдө жаан-чачын күтүлбөйт.

БИШКЕК, 27-сен. — Sputnik. Дүйшөмбү күнү, 28-сентябрда күндүз республиканын тоо этектеринде жамгыр, тоолуу райондорунда жаан, кар, бийик тоолуу жерлеринде кар жаайт. Ал эми өрөөндөрдө жана Талас облусунда күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден Ысык-Көл, Нарын облустарынын кээ бир райондорунда 15-20 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жергесинде +14...+19, Ош, Жалал-Абад облустарында +20...+25, Баткенде +19...+24, Ысык-Көл аймагында +13...+18 градус болот.

Күндүн табы борбор калаа Бишкекте +17...+19, Ош калаасында +23...+25 градуска жетет.

13
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов

Романов: сибирь жарасынын инкубациялык мөөнөтү 3-4 күн

13
(жаңыланган 21:11 27.09.2020)
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов ооруган малдын этин пайдаланганга болбой турганы байма-бай айтылганына карабай адамдар аны союп, этин таратып салган учурлар болуп жатканын айтты.
Романов: сибирь жарасынын инкубациялык мөөнөтү 3-4 күн

Ооруган малдын этин бышырып, көпкө кайнатып, кууруса деле сибирь жарасы сырткы чөйрөгө туруктуу болгондуктан илдет жуктуруп алуу коркунучу жогору. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ат-Башы: сибирь жарасы менен ооруган уйдун эти элге тарап, эки киши жабыркады

Анын айтымында, Кыргызстанда жылына сибирь жарасына кабылган 2-3 учур аныкталат.

"Микроб териге кирген жерде алгач кызыл так пайда болот, андан кийин томпоюп шишимик тартат. Кийинчерээк ал ыйлакчага айланып, сууга, бир аздан кийин ириңге толуп, бат эле жарага айланат. Ал эми өпкөдөн же ичеги-карындан кармаган күйдүргү өмүргө коркунучтуу. Бактыга жараша, бизде мындай формада кармаган учур каттала элек. Оору сасык тумоого кабылгандай эле башталып, бактерия тез көбөйүп, канга өтүп кетет. Сибирь жарасынын инкубациялык мөөнөтү 3-4 күн. Диагнозду өз убагында коюп, дарылабаса оорулуу 2-3 күндүн ичинде эле өлүмгө учурашы мүмкүн. Клиникалык белгилери температура көтөрүлүп, ичи өтүп, жөтөлгөндө кан аралаш какырык чыгат, тамак шишип кетет", – деди Романов.

Адис быйыл сибирь жарасы малдан жана топурактан эки, ал эми адамдардан үч учур катталганын кошумчалады.

13
Белгилер:
дарылоо, сибирь жарасы
Тема боюнча
Дене ууланат. Малдан адамга жуккан күйдүргүдөн кантип сактануу керек