Белгилүү партиялык, коомдук ишмер Апас Жумагулов. Архив

Жүк ташып, көмүр түшүрүп... Мамлекеттик ишмер Апас Жумагулов жөнүндө 6 факты

443
(жаңыланган 16:27 19.09.2019)
Бүгүн белгилүү партиялык, коомдук ишмер Апас Жумагуловдун туулган күнү. Өмүрүн мамлекеттик кызматка арнаган илимпоз 85 жашка толду.

Жөнөкөй жумушчудан баштап элчи, депутат, өкмөт башчы болгон инсанды Sputnik Кыргызстан агенттиги куттуктап, кызыктуу фактыларды сунуштайт.

Согуш жылдарындагы балалык. Апас Жумагулов 1934-жылы 19-сентябрда Чүй облусунун Аламүдүн районундагы Арашан айылында жарык дүйнөгө келген. Балалык кези Улуу Ата Мекендик согуш жылдарына туш келип атасы фронтко аттанса, энеси катуу ооруп калган. Тестиер бир тууган эжеси менен күнү-түнү колхоздогу саан уйларды карап, төшөктөгү энесин баккан. Ал үчүн окууну да таштоого туура келген. 1945-жылдын соңунда атасы согуштан аман-эсен келип, кайра мектепке бара баштаган.

Премьер-министр Кыргызстана Апас Джумагулов
© Sputnik / РИА Новости
Апас Жумагулов 1934-жылы 19-сентябрда Чүй облусунун Аламүдүн районундагы Арашан айылында жарык дүйнөгө келген.

Өжөр жигит. 1949-жылы борбор калаадагы мектеп-интернатта билим алып, кийин өз күчү менен Москвадагы Губкин атындагы нефть жана газ мамлекеттик университетине өтүп кетет. Карапайым үй-бүлөдөн чыккан студент бөтөн жерде акчанын тартыштыгынан кичи мекенине жылдап келе албай, дем алыш күндөрү сыра заводдо жүк ташып, поезд станцияда көмүр түшүрүп курсагын тойгузуп, өз тиричилигин өткөргөн. Жогорку окуу жайды 1958-жылы инженер-геолог адистиги боюнча ийгиликтүү аяктаган. Андан соң ошол эле ЖОЖдо аспирантураны окуп, бир нече жерде лаборант, геолог, башкы геолог, башкы инженер кызматтарын аркалаган.

Усубалиевдин көзүнө илинип... Жаш, кесипкөй адиске Кыргызстан КП БКнын биринчи катчысы Турдакун Усубалиевдин көзү түшүп, аны 1973-жылы Борбордук комитетке бөлүм башчы кылып жумушка чакырат. Кийин алты жыл Компартиянын катчысы, 1985-86-жылдары Ысык-Көл обкомунун биринчи катчысы болуп, беш жыл бою Кыргыз ССРинин Министрлер кеңешинин төрагасы болот. Геология-минералогия илимдеринин доктору Жогорку Советке бир нече жолу депутат болуп, бүт кызматтык тепкичтерди басып өткөн.

© Sputnik / Александр Макаров
Жаш, кесипкөй адиске Кыргызстан КП БКнын биринчи катчысы Турдакун Усубалиевдин көзү түшүп, аны 1973-жылы Борбордук комитетке бөлүм башчы кылып жумушка чакырган.

Өкмөт башчыга чейин... Кыргызстан эгемендүүлүк алгандан кийин Чүй облустук мамлекеттик администрациясынын башчысы, ошол эле облустун элдик депутаттар кеңешинин төрагасы болгон. 1993-жылдын декабрынан 1998-жылдын март айына чейин КРдин өкмөтүн башкарган. Ага Жогорку Кеңеш үч жолу ишеним көргөзүп, Кыргызстандын тарыхында Апас Жумагулов эң узак убакыт (төрт жылдан ашык) премьер-министр кызматын аркалаган. Ал учур жаш эгемен мамлекет үчүн оор жылдардан эле, Жумагулов өз атын булгабай мыкты чарбакер экендигин көргөзө алган.

Элчи, илимпоз... Апас Жумагулов 50 жылдан ашык түрдүү кызматтарда эмгектенген. Беш жыл Германияда, эки жыл Россияда Кыргызстандын элчиси болуп дайындалган. Аны менен биргеликти коомдук ишмер илимди аркалап 50дөн ашык илимий эмгек жазган. Апас Жумагулов Кыргызстандагы жана чет өлкөдөгү бир катар ЖОЖдордун академиги болгонго жетишкен.

© Sputnik / Филатов
Мамлекеттик ишмер байбичеси менен төрт уул, эки кызды тарбиялап өстүргөн. I даражадагы Манас орденинин ээси.

Кеменгер аксакал. Мамлекеттик ишмер байбичеси менен төрт уул, эки кызды тарбиялап өстүргөн. I даражадагы Манас орденинин ээси азыр үйдүн төрүнүн көркү гана болбостон, жогорку кызматтагы аткаминерлерге да акыл-насаатын айтып келет. Замандаштары менен шакирттери анын адилеттүүлүгүн, иш билгисин баса белгилейт.

443
Белгилер:
факты, Апас Жумагулов, коомдук ишмер, Кыргызстан
Тема:
Кыргыздын көркөм өнөрү, белгилүү инсандары жөнүндө фактылар (366)
Тема боюнча
Арманы - "Манас" көркөм фильмин тартууга жетишпей калган. Убукеев жөнүндө 7 факты
Миң-Куштан качып, Европадан бакыт тапкан Бегалиев. Композитор тууралуу 7 факты
Саргарган дарактар. Архив

Бейшембиге карата аба ырайы

49
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

49
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

310
(жаңыланган 23:47 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда, Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

310
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот