Кыргыз-тажик чек арасында жарадар болгондор ооруканада. Архивдик сүрөт

Кыргыз-тажик чек арасында жарадар болгон 8 кишиге операция жасалды

136
(жаңыланган 16:28 19.09.2019)
Жалпы жонунан 13 адам жабыркаган. Алардын 10ну Бишкекте болсо, үчөө Лейлек районунда. Ал эми 41 жаштагы чек арачы каза болгон.

БИШКЕК, 19-сен. — Sputnik. Бишкек шаардык травматология жана ортопедия илим изилдөө борборунда кыргыз-тажик чек арасындагы атышуудан жабыркаган 10 адамдын сегизине операция жасалды. Бул тууралуу Саламаттыкты сактоо министрлигинен кабарлашты.

Маалыматка караганда, операциялар ийгиликтүү аяктады. Бейтаптар дарыгерлердин көзөмөлүндө жана бардыгынын абалы туруктуу.

Операция болгондордун тизмеси:

  • Ж.Б., 1978-жылы төрөлгөн — моюн жагына кирип кеткен жат нерсе чыгарылды. Жакында операциянын экинчи этабы болот.
  • Р.у.О., 2005-жылы төрөлгөн — моюн жагына кирип кеткен жат нерсе чыгарылды.
  • Т.у.М., 1996-жылы төрөлгөн — ийини сынып кеткенине байланыштуу операция жасалды. Жакында экинчи операция жасалат.
  • А. З., 1978-жылы төрөлгөн — сол ийининен жат нерсе чыгарылды.
  • Ы. К., 1976-жылы төрөлгөн — санынан жат нерсе чыгарылды.
  • У. Р., 1978-жылы төрөлгөн — согончогунан жат нерсе чыгарылды.
  • С. Ж., 1980-жылы төрөлгөн — омурткасынан жат нерсе чыгарылды.
  • Б. Г., 1995-жылы төрөлгөн — шыйрагынан жат нерсе чыгарылды.

Мындан сырткары, Лейлек аймактык ооруканасында үч жабырлануучу жатат. Экөөнүн абалы оор.

  • Ал эми 1992-жылкы К.К., аттуу жигиттин абалы өтө оор, комада.

Белгилей кетсек, 16-сентябрь күнү кечке жуук кыргыз-тажик чек арасында чыр чыгып, коңшу өлкөнүн чек арачылары Максат жана Сай бекеттерине ок аткан. Анын кесепетинен бир жоокер каза таап, 13 киши жарадар болгон. Алардын ону Бишкектеги Травматология жана ортопедия борборуна алып келинсе, үчөө Лейлектеги ооруканада калды.

Чырдын кесепетинен Тажикстандын үч аскер кызматкери набыт болгону айтылган.

Ал эми кечээ кечинде тажикстандыктар чырга себепкер болгон курулушту токтоткону белгилүү болду.

Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp же Telegram номери аркылуу билдирсеңиз болот.
136
Белгилер:
кыргыз-тажик чек арасы, Тажикстан, Кыргызстан
Тема:
Максат жана Сай чек ара бекеттерине атылган ок (42)
Тема боюнча
Шыкмаматов тажик тараптын "бул биздин жер" дегени кайдан чыкканын айтты
Парламентте Чек ара кызматын Баткенге көчүрүү сунушталды
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

33
(жаңыланган 23:26 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

33
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти
Манас эпосу. Архив

"Манас" эпосунун казак тилиндеги жаңы котормосу чыкты. Өзгөчөлүгү

34
(жаңыланган 22:44 24.09.2020)
Автор буга чейин Казакстанда басылып чыккан төрт томдук котормо эл арасында сейрек кездешерин жана балдарга анча түшүнүксүз экенин айткан.

БИШКЕК, 24-сен. — Sputnik. Белгилүү манасчы Баянгали Алимжанов "Манас" эпосунун казакча котормосунун жаңы версиясын тартуулады. Бул тууралуу "Казинформ" жазды.

Ага ылайык, 40 жылдан бери манас айтып келген Алимжановдо эпосту өз версиясында которуу идеясы былтыр жаралган.

Анын айтымында, казак жазуучусу Мухтар Ауэзовдун жетекчилиги алдында басылып чыккан төрт томдук котормо эл арасында сейрек кездешет жана балдарга анча түшүнүксүз.

Жолдошов: "Манас" кара сөз менен жазылса 500-600 китеп топтому чыкчудай

Алимжанов 100 миң сапты түшүнүү окурманга оңой эмес экенин белгилеген. Ошондой эле Кыргызстанда балдар үчүн "Манастын" бир томдугу чыкканын айта кеткен.

"Мен "Манасты" 67 күндүн ичинде толугу менен которуп бүттүм. Китептин өзгөчөлүгү — эпостун эң күчтүү, көркөм, поэтикалык үзүндүлөрү Манастын рухун чагылдырган прозада баяндалган. Эпосту кыскача, келечек муундарга түшүнүктүү тилде бергим келди. Манасты ар бир манасчы өзүнчө айтат. Эпостун сюжети бирдей болгону менен түрдүүчө берилет", — деген Алимжанов.

Китептин бет ачары Нур-Султандагы "Достук" үйүндө өткөн.

34
Белгилер:
котормо, Манас эпосу, Кыргызстан, Казакстан
Тема боюнча
"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты