Министр образования и науки КР Каныбек Исаков посетил школы в Таласе, которые находятся в аварийном состоянии

Министр Исаков биринчи иш сапарын Таластагы авариялык мектептен баштады

1356
(жаңыланган 13:27 24.09.2019)
Учурда Таластагы мектепте 100 баланын ордуна 200 окуучу билим алып жатат. ӨКМ билим берүүчү бул жай боюнча төрт жыл мурда эле авариялык абалда деп бүтүм чыгарган.

БИШКЕК, 24-сен. — Sputnik. Билим берүү жана илим министри Каныбек Исаковдун алгачкы иш сапары Таластагы авариялык мектептин абалы менен таанышуудан башталды. Бул тууралуу аталган ведомствонун маалымат кызматынан кабарлашты.

Министр Талас районундагы үч билим берүү мекемесине барган.

Алгач 100 окуучуга ылайыкташкан, бирок учурда 200 бала билим алып жаткан Балбал орто мектебине барган. Бирок Өзгөчө кырдаалдар министрлиги 2015-жылы мектеп авариялык абалда деген бүтүм чыгарган. Жаңы мектепти куруу иштери 2015-жылы башталып, пайдубалы салынып, бирок жумуш токтоп калган. Министр окуу жайдын курулушун жандантууну 2020-жылдын бюджетинин эсебинен ишке ашыруу планы бар экенин билдирди.

Исаков андан кийин учурда класстык бөлмөлөр окуучулар үчүн жатаканага бөлүнүп кеткен Казак Момункулов орто мектебине барган. Себеби бул билим берүү мекемесине 2018-жылы "Манас" лицей-интернаты кошулган. Министр бул маселени да келерки жылдын иш планына киргизүүгө аракет кыла турганын айткан.

Жумуш сапарынын аягында Исаков Талас районундагы №18 "Нагима апа" бала бакчасы менен таанышкан.

Исаков билим берүү жана илим министри кызматына 11-сентябрда дайындалган. Мурдагы жетекчи Гүлмира Кудайбердиева кызматындагы кемчиликтер үчүн ишинен алынган.

1356
Белгилер:
мектеп, авариялык абал, Каныбек Исаков, Билим берүү министрлиги, билим берүү, Кыргызстан
Тема боюнча
Депутат министр болчу Исаковдун мектеп фонддорун жабам деген оюн сынга алды
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

365
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

365
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда
Лыжа базасында эс алуучу. Архив

Дүйшөмбүгө карата аба ырайы

66
30-ноябрга караган түнү өлкө аймагында абанын температурасы төмөндөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 29-ноя. — Sputnik. 30-ноябрь, дүйшөмбүдө, күндүз республиканын кээ бир райондорунда кар жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас, Нарын облустарында -3…-8, Ош, Жалал-Абад, Баткен аймактарында -4 …-9, Ысык-Көлдө -4…+1 градус болот.

Ош жана Бишкек шаарларында жаан-чачын жаабайт. Күндүн табы борбор калаада -4…-6, Ош шаарында -1…+1 градуска жетет.

66
Белгилер:
Кыргызстан, ноябрь, аба ырайы
Тема боюнча
Декабрга карата аба ырайы. Тоолуу жерлерде суук 34 градуска жетет