Экс-президент Алмазбек Атамбаев жана жан сакчысы Канат Сагымбаев. Архив

Атамбаевдин кармалган жан сакчысы киши өлтүргөнбү? Коюлган айыптар

1190
(жаңыланган 09:40 25.09.2019)
Мурдагы президент кызматын тапшыргандан кийин мамлекет ага жан сакчы жалдап бериши керек. Сагымбаев мамлекет тарабынан дайындалган Атамбаевдин жан сакчысы болчу.

БИШКЕК, 25-сен. — Sputnik. Аскердик прокуратура УКМКнын 9-кызматынын мурдагы мүчөсү, экс-президент Алмазбек Атамбаевдин жан сакчысы Канат Сагымбаевди кармады. Бул тууралуу Sputnik Кыргызстан агенттигине жактоочусу Замир Жоошев билдирди.

Анын айтымында, Сагымбаев 24-сентябрь күнү 23:00дө кармалган. Ага Кылмыш кодексинин төрт беренеси боюнча ("Массалык башаламандыкты уюштуруу", "Адам өлтүрүү", "Кызмат абалынан кыянаттык менен пайдалануу" жана "Иликтөө иштерине тоскоолдук кылуу") иш козголгон. 

"Кой-Таштагы окуя учурунда Сагымбаев УКМКнын 9-кызматы тарабынан экс-президентти кайтаруу тапшырмасын аткарып жүрдү. Ал тапшырма алып салынган эмес. Ошондуктан ал өз милдетин аткарды. Эч кандай кылмыш кылган жок, эч кимди өлтүргөн жок", — деди Жоошев.

Мурдагы президент Алмазбек Атамбаев. Архивдик сүрөт
© Пресс-служба президента КР / Султан Досалиев
Жактоочунун берген билдирмеси боюнча, Сагымбаев шейшемби күнү 16:00дө суракка чакырылган. Аны "Альфа" атайын кызматынын эки кызматкери алып кеткен.

Сагымбаев Атамбаев кармалганга чейин аны кайтарып жүргөн. Ал мамлекет тарабынан бекитилген. Баш коргоо чарасы каралганга чейин ал Бишкек горнизонунда кармалат.

Мыйзамга ылайык, президент кызматын тапшырып бергенден кийин ага мамлекет жан сакчы дайындап бериши керек.

Эске салсак, 7-августта мурунку президент Алмазбек Атамбаевди кармоо операциясы башталып, ал максатына жеткен эмес. "Альфанын" жоокерлерине Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 136 киши жаракат алган. Эртеси, 8-август күнү, ошол кездеги ички иштер министринин орун басары Курсан Асанов сүйлөшүүлөрдү жүргүзүп, Атамбаев багынып берген.

 

1190
Белгилер:
Аскердик прокуратура, кармоо, жан сакчы, Алмазбек Атамбаев
Тема боюнча
Атамбаевдин жан сакчысы талапка төп келбейт делип иштен алынды
Курсан Асановго карата дагы бир кылмыш иши козголду
Президент Касым-Жомарт Токаев жана башка аткаминерлер Акорда резиденциясынын алдында коронавирус пандемиясынан каза болгондорду эскерди

Казакстандагы аза күтүү: Токаев пандемия курмандыктарын эскерди. Видео

29
(жаңыланган 14:07 13.07.2020)
Президент Касым-Жомарт Токаев жана башка аткаминерлер Акорда резиденциясынын алдында коронавирус пандемиясынан каза болгондорду эскерди.

БИШКЕК, 13-июл. — Sputnik. Казакстандын жалпы аймагы боюнча саат 12.00дө аза күтүү мүнөтү болду. Бул туурасында Sputnik Казакстан кабарлады. 

Өзбекстанда коронавирустан өлгөндөрдүн саны кескин өсүп кетти

Президент Касым-Жомарт Токаев жана башка аткаминерлер Акорда резиденциясынын алдында коронавирус пандемиясынан каза болгондорду эскерди. Ага мамлекеттик катчы Крымбек Кушербаев, президенттин администрациясынын жетекчиси Ерлан Кошанов, Коопсуздук кеңешинин катчысы Асет Исекешев, президенттик канцеляриянын жетекчиси Нурлан Онжанов менен саламаттык сактоо министри Алексей Цой келди.

Анын видеосун Qazaqstan Ұлттық Телеарнасы жарыялады.

Аза Казакстандын телеканалдарында түз эфирден көрсөтүлдү.

13-июль Казакстанда COVID-19дан көз жумгандарды жалпы элдик эскерүү күнү деп жарыяланган. Өлкөдө мамлекеттик желектер түшүрүлүп, оюн-зоок иш-чаралары токтотулуп, телеканалдар менен радио берүүлөрдүн программасы өзгөртүлгөн.

Токаев бул мүнөттө ар бир казакстандык кайда болбосун көз жумгандарды эскерет деп ишенерин айткан. 

Приспущенные флаги у здания Акорды
© Фото / сайт АКОРДЫ
13-июль Казакстанда COVID-19дан көз жумгандарды жалпы элдик эскерүү күнү деп жарыяланган

Биринчи президент — эл башы Нурсултан Назарбаев коронавирустан көз жумгандардын туугандарына, жакындарына көңүл айтты. Ар бир кеткен адамдын артында аталар менен энелердин, уул-кыздарынын, досторунун трагедиясы турарын белгилеген.

Казак өкмөтү COVID, пневмониядан айыктырчу дарыларды учак менен алдырды

Пандемия башталгандан тарта Казакстанда COVID-19га кабылган 60 миң учур катталып, алардын жарымына жакыны, тагыраагы, 34 миң адам айыгып кетти. 375 адам көз жумду. Муну менен катар пневмония да күчөп жатат. 2020-жылдын июнь айында андан 628 киши каза болгон.

29
Белгилер:
пневмония, коронавирус, аза күтүү күнү, Казакстан
Тема:
Дүйнөгө жайылган коронавирус
Тема боюнча
Түштүк Корея кыргызстандыктар үчүн өлкөгө кирүү эрежесин катаалдатты
"Сураган акчаңызды берем". Бишкекте дары издемей эмнеге азапка айланды?
Ош шаарында даярдалган стационар. Архивдик сүрөт

Бишкектегидей кырдаал кайталанбашы үчүн аймактарда даярдык кандай? Расмий жооп

54
(жаңыланган 13:51 13.07.2020)
Акматованын айтымында, аймактарда медициналык мекемелерде гана эмес, жаңы ачылып жаткан стационарларда да кошумча орундар даярдала баштады.

БИШКЕК, 13-июл. — Sputnik. Коомдук саламаттык сактоо башкармалыгынын башчысы Айнура Акматова Бишкектегидей эпидемиологиялык кырдаал кайталанбашы үчүн өлкөнүн аймактарында даярдык кандай жүрүп жатканын брифингде айтты.

Эске салсак, эпидемия башталгандан бери борбор калаада коронавирус жуктургандардын саны 5 миңден ашты. Борбор калаада пневмониядан да көз жумгандар көп.

COVID-19дан беш медик каза болду. Сандардын өсүп жатышынын себеби

Акматованын айтымында, аймактарда медициналык мекемелерде гана эмес, жаңы ачылып жаткан стационарларда да кошумча орундар даярдала баштады.

"Жеке коргонуучу каражаттар менен дары-дармектердин корун 3-6 айга чейин жеткидей кылып даярдоо маселеси чечилип жатат. Министрлик суук түшкөндө стационарларды жылуулук менен камсыз кылуу маселесин да чечүүдө. Мындан тышкары, медициналык академиянын бүтүрүүчүлөрү аймактарга бөлүштүрүлүп жатат", — деди Акматова.

Ал кууш профилдүү адистер коронавирус жана пневмонияны дарылоо протоколун үйрөнүп жатканын кошумчалады.

54
Белгилер:
дары-дармек, даярдык, аймак, кырдаал, коронавирус
Тема:
Коронавируска байланыштуу Кыргызстандагы кырдаал
Тема боюнча
Пневмония дарты өткөн суткада 29 адамдын өмүрүн алды
Ак-Ордо, Ак-Босогодо жана Аламүдүн-1 кичи районунда күндүзгү стационар ачылды
Ош шаарында ачылган стационарлардын графиги жана дареги