Оорукана. Архивдик сүрөт

Кыргызстандагы үч оорукана бейтаптардан акы ала баштайт

641
(жаңыланган 16:08 25.09.2019)
Долбоор сынамык иретинде ишке ашырылат. Эгер ийгиликтүү ишке ашса, бул ыкма башка мамлекеттик ооруканаларга да киргизилет.

БИШКЕК, 25-сен. — Sputnik. Мамлекеттик үч оорукана өзүн-өзү каржылоо системасына өтүшү ыктымал. Бул тууралуу Sputnik Кыргызстан агенттигинде өткөн тегерек столдо Саламаттыкты сактоо министрлигинин медициналык жардамды уюштуруу жана дары саясаты башкармалыгынын өкүлү Кубанычбек Калмаматов билдирди.

Анын айтымында, сөз мамлекеттик үч оорукана тууралуу болуп жатат.

"Биз Улуттук госпиталдын офтальмология бөлүмүн, Жүрөк хирургиясы жана органдарды трансплантациялоо илим изилдөө институтун, ошондой эле Улуттук хириргия борборун өзүн-өзү каржылоого өткөрүү боюнча токтомдун долбоорун иштеп чыктык. Учурда ал ведомстволор аралык макулдашуудан өтүп жатат", — деди ал.

Калмаматов ошондой эле токтом долбоору чыккандан кийин Саламаттыкты сактоо министрлиги медициналык жардам көрсөтүү стандарттары менен жаңы шарттагы каржылоону иштеп чыгарын айтты.

"Биз ар бир ооруну дарылоо менен операциялардын баасын эсептеп чыгабыз. Эгер долбоор ийгиликтүү болсо, башка медициналык мекемелерге да жайылтылат", — деди Калмаматов.

Ал бул маселе биринчи жолу эле көтөрүлүп жатпаганын, 2018-жылы өкмөт саламаттыкты сактоо системасын өнүктүрүү боюнча программа кабыл алганын кошумчалады. Анда Саламаттыкты сактоо министрлиги менен Милдеттүү медициналык камсыздандыруу фондусуна ири оорукананы сынамык иретинде өзүн-өзү каржылоого өткөрүп көрүү сунушталган.

641
Белгилер:
медицина, ден соолук, программа, система, реформа, министрлик, саламаттык сактоо
Тема боюнча
Полдо жаткан аялдар. Төрөт үйүндөгү абалга министрлик түшүндүрмө берди
Көзүнөн "бриллиант" аккан кыз. Дарыгер себебин айтып берди
Карантин аймагында турган кызматкер. Архив

Күйдүргү: Кара-Суунун Тогуз-Булак айылына карантин киргизилди

34
(жаңыланган 19:00 11.08.2020)
Саламаттык сактоо министрлиги бир бейтапта күйдүргү оорусу лабораториялык жактан тастыкталганын билдирди. Бейтаптын абалы канааттандырарлык.

БИШКЕК, 11-авг. — Sputnik. Жергиликтүү тургундардын арасында күйдүргү чыккан Кара-Суу районунун Папан айыл өкмөтүнүн Тогуз-Булак айылына карантин киргизилди. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, карантин 18-августка чейин уланат. Эреже боюнча Тогуз-Булак айылынын тургундары сыртка чыга албайт жана аймакка башкалардын кирүүсүнө тыюу салынат.

"Бөтөнчө ооруган уйду союп, этин алгандар үйдөн чыкпай, өзүн обочолоп отурушу керек. Ошондой эле сырттан мал жандыктарды алып кирүүгө жана чыгарууга болбойт", — деди айыл өкмөттүн башчысы.

Эске сала кетсек, бүгүн, 11-августта, Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Облустук ветеринардык инспекция лабораториялык текшерүү жүргүзүлүп жатканын айткан.

Кыргыз жерине апаат алып келген коркунучтуу 8 эпидемия. Видео

Ал арада Саламаттык сактоо министрлиги бир бейтапта күйдүргү оорусу лабораториялык жактан тастыкталганын билдирди. Учурда бардык бейтаптардын абалы канааттандырарлык, керектүү дарылоону алып жатышат.

Райондо оорунун очогун чектеп, жок кылуу үчүн ыкчам штаб түзүлүп, тиешелүү кызматтар менен жыйын курушкан. Ошондой эле ооруну алдын алуу тууралуу түшүндүрүү иштери жүргүзүлүп жатат.

34
Белгилер:
карантин, оору, күйдүргү, Тогуз-Булак, Кара-Суу району, Ош
Тема боюнча
Тогузбаева: шарп, кутурма, күйдүргү — адам өмүрү үчүн да кооптуу
Оштун Кара-Суусунда сегиз киши күйдүргүгө шектелип ооруканага түштү
Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты

Ооруканадагы электрондук кезек… Жээнбеков санариптешүүнүн жүрүшүн көрдү

32
(жаңыланган 18:11 11.08.2020)
Учурда ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилди.

БИШКЕК, 11-авг. — Sputnik. Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты. Бул тууралуу өлкө башчынын маалымат кызматы кабарлады.

  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Бишкектеги №8 Үй-бүлөлүк дарыгерлер борборунун директору Анара Шакеева мекемеде электрондук кезекке туруу системасы менен бейтаптардын электрондук амбулатордук картасы ишке киргенин айтып берген
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Ошондой эле ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилген
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Медицина кызматкерлери менен болгон баарлашууда Жээнбеков санариптештирүү мындан ары да мамлекеттик саясаттын артыкчылыктуу багыты болуп кала берерин белгилеген.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты

Ага ылайык, Бишкектеги №8 Үй-бүлөлүк дарыгерлер борборунун директору Анара Шакеева мекемеде электрондук кезекке туруу системасы менен бейтаптардын электрондук амбулатордук картасы ишке киргенин айтып берген.

"Бул жарандардын жана медиктердин убактысын үнөмдөп, коридорлордо кезекке турууну кыйла кыскартууга жардам берет", — деп айтылат маалыматта.

Ошондой эле ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилген.

Тааныш-билишти жоебуз! Президент кадр тандоонун жаңы ыкмасы ишке киргенин айтты

Медицина кызматкерлери менен болгон баарлашууда Жээнбеков санариптештирүү мындан ары да мамлекеттик саясаттын артыкчылыктуу багыты болуп кала берерин белгилеген.

Ушул эле күнү президент Свердлов райондук мамлекеттик администрациясына барып, "Аз камсыз болгон үй-бүлөнүн социалдык паспорту" аталышындагы тутум ишке киргизилгенин көргөн.

Аталган система субсидияларды жана жөлөк пулдардын автоматташтырылган эсебин иштеп чыгып, жөлөк пул алуучулардын бирдиктүү маалыматтык базасын түзөт. Бул социалдык жөлөк пулдарды дайындоонун даректүүлүгүн жогорулатып, муктаж эместерди тизмеден чыгарууга мүмкүндүк берет. Ошондой эле бюджеттик каражатты кыйла үнөмдөй турганы белгиленет.

32
Белгилер:
кезек, оорукана, Сооронбай Жээнбеков
Тема боюнча
Жээнбеков: ооруканалардын курулушуна 100 млн доллар салчу адамдар бар