Төшөктө жаткан кыз жана жигит. Архивдик сүрөт

Кандай адамдар төшөк кумарына жакын болот. Жаңы иликтөө

24222
(жаңыланган 11:02 26.09.2019)
Гиперсексуалдуулук — ашынган сексуалдык активдүүлүк. Медицинада бул илдет катары кабыл алынат. Ал өтө оор формада кездешкенде адам башка кишинин эркине каршы иш кылып, зордуктоого чейин барышы мүмкүн.

БИШКЕК, 26-сен. — Sputnik. Швеция менен Швейцариянын окумуштуулары биргеликте иликтөө жүргүзүп, адамдын гиперсексуалдуу болушунун себеби эмнеде экенин иликтеп чыгышты. Иликтөөнүн жыйынтыгын MedicalXpress басылмасы жазды.

Гиперсексуалдуулук — ашынган сексуалдык активдүүлүк. Медицинада бул илдет катары кабыл алынат. Ал өтө оор формада кездешкенде адам башка кишинин эркине каршы иш кылып, зордуктоого чейин барары айтылат.

Окумуштуулар бул илдетке кабылган 60 кишинин канынан алынган анализ менен дени сак 60 ыктыярчынын анализин салыштырып көргөн. Жыйынтыгында, биринчи топко кирген адамдардын канында окситоцин гормону көп экени аныкталган.

"Бул гормон аягына чейин изилденип бүтө элек. Бирок адамдын жыныстык жашоосунда ролу өтө чоң. Гормон адам төшөк кумарына баткан учурда бөлүнүп чыгат. Мындан улам биз ашынган сексуалдык активдүүлүк менен жабыркагандарды ушул гормонду организмде азайтуу жолу менен дарыласа болот деген чечимге келдик", — дешкен окумуштуулар.

Азыркы учурда бул илдет менен дүйнө жүзү боюнча адамдардын 3−6 пайызы жабыркайт.

24222
Белгилер:
гормон, ден соолук, эркек, аял
Тема боюнча
Төшөк кумары жана спорт... Эске тутууну жакшыртчу төрт ыкма аталды